忙裡煮意

 

 

踏入2010年, 蕭c奶真係忙過不停

同事D仔以為蕭c奶忙到連飯都唔煮

因為實在太耐都無post過煮意

其實蕭c奶又點會唔煮飯呀

只係影咗啲相, 未有時間整

又無咩時間寫blog咋

anyway, 先感謝D仔對蕭c奶的blog不離不棄!

最近雖然係忙

不過真係好彩, 蕭c奶的媽咪每日都準備好餸菜

所以蕭c奶返到嚟只係需要做煮呢一part

唔駛買, 唔駛洗, 唔駛切, 慳咗好多工夫

睇吓呢排的自家煮啦啦...

金針雲耳冬菇蒸雞

係蕭c奶其中一個至愛的餸, 雲耳有益呀!

灼菜心

菜心比較正氣, 所以你哋會成日見到我食.

牛蒡飯

之前教過你哋點整, 牛蒡又係好有益,

記得用嚟焗飯, 一定要用日本的牛蒡啊!

麵醬福壽魚

係媽咪的拿手菜, 煎完再蒸, 啲肉都仲係咁滑嫁, 又入味, 正!

魚蓉拼菜心

無皮鹽水雞翼

又係無皮呀, 煮好將啲皮撕掉, 食時勁方便啦!

桂格燕麥飯

最近好友'蕉蕉'介紹蕭c奶煮呢款飯

用白米加少少燕麥飯去煮

試過又真係幾好味喎, 而且仲可以降低膽固醇嫁

一包要24元左右

大家不妨試吓啦.

 

 

其他時間, 有時返咗老爺到

有時就係媽咪煮的

所以無影到相呀

放心啦, 蕭c奶點忙都唔會唔煮飯嫁

因為呢個係蕭c奶的興趣

亦都係必需要做的

不過可能就會好似而家咁

group埋幾餐, 一次過post囉..嘻嘻