2010年1月21日(星期四)
少爺今日好早就要出去
因為少爺今日考泊位
考10正...(真係好早)
到咗中午十一點幾左右
收到少爺的來電
報喜...得咗了
成功考到車牌了
恭喜少爺
希望第日我哋自己都有機會
有自己的私家車
可以載自己的家人四圍去啦!
2010年1月29日 星期五
雙色絲襪
最近興起一股 '雙色絲襪'
或者 '漸變色絲襪'
'漸變色絲襪'我就唔like,
但係就好like '雙色絲襪'
有天看見同事穿了一對紫黑色的雙色絲襪
前是紫色, 後是黑色
好型呀.....
即刻向同事問問
原來而家興喎...我蕭c奶真係忙到興咩都唔知
好鬼out啊..
詢問之下, 原來仲有好多顏色
有灰黑, 彩藍黑, 桃紅黑, 棗紅黑, 墨綠黑等等
嘩..一聽到桃紅黑, 好想要呀
最後自己走咗去買啦
嘩...勁斷貨, 第一次去買剩灰黑及紫黑
蕭c奶唔執輸, 難得去到, 都買咗一對灰黑
唔好睇佢唔各眼, 其實都好靚嫁.
最後去咗幾次都無貨
去咗第二間, 買到棗紅黑,
今次個個都話靚, 同埋真係有廋腳效果喎
後來又去咗旺角
買咗墨綠黑及棗紅黑囉
我自己無再要, 幫啲同事買
因為反正自己都有兩對
佢哋個個一對都無
就幫佢哋買咗先啦
我而家淨係想買到桃紅黑咋....嘻
睇吓有無緣份買到啦.
剩餘物資
2010年1月24日(星期日)
琴日bbq過後, 見到我哋咁多嘢食
梗係食唔哂啦...嘻
每人都分啲攞番屋企
今日的午餐及晚餐都係食番琴日的bbq食物啊...
早前好友蕉蕉及謝主任又去咗日本
係又去呀, 每兩個月至三個月佢哋就會飛去一次
真羨慕呀....
佢都買咗兩包日本麵比蕭c奶做手信
正呀...無任歡迎!
好喎...未試過, 個味道望落好似好正咁喎
'柚子胡椒豚骨味'
有我喜歡的柚子, 又有少爺喜歡的胡椒
一個麵有齊哂我哋倆個的口味
一於今日試咗佢先
又係蕭c奶like的日本麵麵質
嘩...好期等呀
柚子的酸酸哋及清怡的味
再夾少少的胡椒辣味
唔知食落去係點的呢?
先先將琴日bbq攞番嚟的分配吓先
因為食lunch不需要太多
只煎了三件豬扒及少許配菜
然後配上這款
'柚子胡椒豚骨味的日本麵'
簡簡單單又一餐
食落去真係好得意喎
少少的柚子酸酸哋味
再加少少的胡椒辣味
好特別呀, 又酸又辣, 好鬼開胃呀.
有機會自己走一趟, 又去添貨先.
到咗夜晚, 蕭c奶又可以懶懶唔駛出去買餸
因為...又係食番琴日的剩餘物資囉
係到諗...午餐食咗湯麵及豬扒
咁今晚點呢....
諗吓諗吓, 企係個廚房到望咗一陣
嗯...有烏冬喎..好不如就炒烏冬啦
好豐富嫁, 好多餸嫁
有金菇, 雜丸, 青椋, 黃椒, 翠王\瓜
仲加埋屋企仲有啲蝦
簡直係餸多過烏冬呀..嘻嘻
咁咪又一餐囉, 有時啲朋友問蕭c奶
日日都要煮, 成日問我煮咩
其實因為我哋倆公婆咩都食
所以蕭c奶真係好容易煮飯買餸
所以蕭c奶都好多變化
唔會比少爺食到悶嫁.
2010年1月24日 星期日
有大有細BBQ@YOHO TOWN
2010年1月23日(星期六)
最近忙東忙西, 攪到個人好緊張咁
又攰又無精神
同事阿儀早前攪BBQ
問我去唔去
心想...都好喎, 其實佢哋成堆人
成日出去食晚飯或去琛圳玩
我次次都例行唔出
佢哋又好好, 就算知我多數唔出
都會問我一聲去唔去
咁好啦, 都好想同佢哋一齊玩吓啊...就答應咗了.
去邊到燒好呢...
諗吓諗吓, 我就提議不如去我同事的會所到燒
因為好平, 地方又正, 又方便
係YOHO TOWN
佢哋個個都話無問題,
咁我就請咗coey同事幫我book場了
多謝您呀, 唔該哂!
呢到個環境真係好好， 又大又乾淨， 又舒服
開始燒了．．．
嘩．．．有鱔呀， 金沙骨， 芝士腸等．．
好肥美呀．．．
成堆人咁難得可以聚埋一齊
又幾ｈａｐｐｙ的
嘩．．勁多嘢食，有廚師腸，紅腸， 芝士腸，豆腐卜，
燒賣，青黃紅椒，雜菇，粟米，餃子，茄子，翠玉瓜
仲有豬扒，牛扒，龍脷柳，羊架，羊粒，金沙骨，
雞翼，鱔，番薯，雜丸，麵包，熱狗包等等．．．
仲有各式飲品
美女廚房－－－ａｐｐｌｅ小姐
係喎， 仲有魷魚添呀．．．
大廚好忙呀．．．未停過手
仲有豬頸肉都未寫呀．．．嘻
多嘢食到， 不得了．．
左： ｇｉｇｉ， 中間： 蕭ｃ奶，右：ａｐｐｌｅ
ｇｉｇｉ及老公ｋｅｎｎｅｔｈ
肥ｓｈｉｒｌｅｙ及光爺
（倆公婆）
仲有佢哋一對仔女呀．．．
阿文及ａｐｐｌｅ ， 勁ｓｗｅｅｔ啊．．
我同ｇｉｇｉ要做中間人， 分開你哋．．哈哈．
好好玩， 好好笑
比ｓｈｉｒｌｅｙ個老公笑死咗
笑到我喊添呀．．．
最衰少爺要去新居，
唔係就可以一齊玩了
咁多嘢食， 梗係食唔哂了
最後每人又食又攞走
正呀．．．下次睇吓攪咩活動先．．．
好開心， 輕鬆咗一日，
真係好．．．
仲有啲嘢食好好味啊
尤其係羊架，雞翼呀．．．
訂閱：
文章 (Atom)