Happy New Year 2011

 

蕭c奶及少爺在此祝各位

新年快樂!

 

這一年, 不好的, 不開心的, 不如意的

將會於2010年12月31日00:00 closed

 

新的一年, 會比舊年

順利, 如意, 開心, 幸福

 

 

除夕夜, 沒有出外, 沒有煮意

只想跟最愛的人好好享受

留待家中渡過這麼的有意思的日子

 

2011年訂下了目標

會否達成呢!

我會努力的.....

你們呢.....

 

最近自家煮(內附食譜)

 

最近不算日日都煮飯仔

因為實在太多節目了..

所以經常都跟少爺出外吃飯啊

 

最近煮了這幾款餸菜

當然有些不太特別就沒有拍照啊

 

蒜鹽黑椒龍脷柳

這個菜非常簡單

十分適合我們又要上班又要煮飯的人

只需要預先解凍龍脷柳

然後用廚房厠紙吸乾水份

用蒜鹽及黑椒醃龍脷柳的兩邊

大約醃15至30分鐘

然後煎至微微濃, 表面脆脆哋, 肉熟透就ok嫁了

食時有少少蒜香味再加少少黑椒的辣味

十分開胃嫁.

彩椒豉汁龍脷柳

 

材料:
三色椒一包(去籽切件)
龍利柳兩條
蒜蓉少許

調味:
水 1/3 碗
豉油 3 湯匙
味醂 2 湯匙
糖 2 茶匙
黑胡椒少許

做法:
1. 龍利柳洗淨用蒜鹽, 胡椒粉醃至少十五分鐘

2. 醃完既龍利柳抺乾並撲上粟粉, 用大火煎至兩面

    金黃色, 盛起

3. 加少少油爆香蒜蓉後加入三色椒炒香

4. 加入調味料煮滾後試味, 加入少許日本麻油炒勻,

   淋上龍利柳面, 即成

 

燉花膠

天氣涼又乾燥喎

所以媽咪好有心機咁燉了很多隻花膠過我

把每隻花膠個別用袋袋包好

不吃的時候, 把它放在冰格

每次要吃的時候就取一袋

然後在煲飯時蒸番熱佢

咁就可以慢慢嘆了...

女士們, 一定要補啊

 

.

 

新居硬照

 

 

搬來了新居都有三個月了

一直都沒有時間為新居拍照

剛好某天這班好友來新居

趁好友未到，就為新居影了幾張相

（不過拍得不太好，要找天再有時間重拍留念啊）

 

加上很多朋友啊，BLOG友們啊，

紛紛都催了蕭C奶很多次

所以今天給大家少少的相片欣賞

原諒蕭C奶這麼遲才寫BLOG啊。

 

新居其實即場看，比起拍照靚很多呢

所以朋友們，都是親身來我家走一趟吧！嘻嘻。

 

好吧，請用心及慢慢參觀啦。。。。

 

地方細細，可是也五臟俱全呢

一進門巳是偏廳了，

左邊訂做了一個大型衣櫃兼儲物櫃

（下次會打開影埋入面給你們參觀）

不要少看這個衣櫃，

經過少爺，蕭C奶再加埋設計師黃小姐

用上三人之合作

設計了這個可以容納所有的衣服

很滿意這個衣櫃，除了外觀非常喜歡之外，

最重要是功能

總共分了四個大格

一格為長褸

一格為短褸

一格為西裝

最後一格入面，分了三層，分別放了可摺的衣服呢！

 

至於右邊身，用作儲物

哈哈。。巳被蕭C奶用來了做手作仔材料櫃啊

另外。。還有一格用作放電飯煲及電水煲啊

（因為廚房不算大，所以蕭C奶親自設計了這個位置啊）

下次影相，你們就會明白我的意思

 

行近一點，左邊是廚房

右邊的隱形門是浴室

這度門是少爺設計的

他想設計可以和廚房及浴室的中間牆同一水平

加上我們把廚房門及浴室門收細了

這樣才可以分別把雪櫃及洗衣機放進去呢!

 

最令我和少爺開心的是

一直很怕做了衣櫃,

會把這個偏廳變得很狹窄

呵...可是很驚喜啊

衣櫃安裝好後

發現還有很寬濶的地方

所以最後可以購買這個摺合式的餐枱啊

廚房並沒有用心影相啊..嘻

請見諒

未裝修前,蕭C奶勁不喜歡這個廚房

因為覺得非常細

可是, 又一驚喜, 經過一番設計

裝修師父安裝好後

發現原來我家的廚房一點也不算細小啊

原來可以容納很多廚具呢

加上我們暫時性這樣使用

望真一點,其實還有很多空間可以使用啊.

現在蕭C奶重新喜愛這個新KITCHEN呢

參觀浴室

最多人喜愛的是這個玻璃鏡櫃

蕭C奶也一樣啊

這個玻璃鏡櫃可以給我收納

所有的化妝品及護膚品啊...

超正超實用!

 

另一個也是很多人喜愛的位置

就是洗手盆的台面

夠大, 可以足夠放很多日常要用的物品啊

 

新居的浴室比較大

原先未裝修前,

蕭C奶跟少爺都彈這個浴室

要咁大嚟把鬼咩...比多啲尺寸第二度好過啦

但是經過裝修及設計後

原來浴室大是很舒服的

加上當中所有的日用品,例如: 厠紙呀, 清潔用品呀

洗衣機呀, 活動晾衫架等等,

通通都整齊的被收納起來呢

轉個身, 就到了小型客廳

跟大型衣櫃一起統一款式

這個組合櫃集合了裝飾及電器及鞋櫃之功能啊

絕不簡單

 

衣櫃及組合櫃的色板

拍照只能看到白色加上灰黑鏡

可是我要告訢你們啊

親眼看到的, 漂亮很多

因為不是只有白色這般普通

其實兩組櫃的櫃板

是有紋理的, 朋友看到了

也十分喜歡,因為一看上去便知不是普通貨色啊.

由於地方細小, 一個家其實有很多雜物

所以一開始, 就決定做這款儲物地台

我們做了足100尺的儲物地台

超級收納王呀

因為可以把家裡很多的東西放進去

例如: 行李箱, 換季的衣衫, '被舖', 書本,

工具箱, 手袋, 摺合式乾衣機等等

WOW. 全部收起, 這樣看是否覺得全屋都很整齊呢.

近WINDOW位置

用作了睡覺之用

沒有床, 只買了健康而可以摺合式的床'肉',

若有朋友到來, 就會像現在這樣

可以把被舖摺起來, 就可以有更多的空間

給朋友坐啊..

 

雖然我和少爺的新居真的很細小

可是真的麻雀需小, 真的五臟俱全

只要花少少腦筋, 用上心思

也可以把細小的地方設計得

美觀又實用啊!

 

** 下次我會把所有櫃打開來拍照, 好樣大家看看我們的收納效果.

另外, 其實我們的新居還有很多地方未完工的, 例如: 有些層板未按,

一些掛衣釣未按, 還有一些相架也未按裝呢!

此外, 待蕭C奶再有空閒時間, 我會出一篇裝修前後馛對比,

給大家欣賞!

 

希望可以趕得及在新年前完成啊...

在此順道提提少爺啊...嘻嘻

聖誕快樂

 

蕭c奶及少爺

祝各位:

 

送給家人的聖誕禮物

聖誕將至

早兩個月左右

奶奶曾說很想要一個可以上膞的lunch bag

新抱仔記在心中

 

少爺的姐姐, 一向是snoopy的粉絲

知道家姐愛snoopy,

很久前買下一幅snoopy的布布

做弟婦的也記在心中

 

終於.....終於....

它們面世了....

 

 

在十月份時, 親自到台灣選了這一幅

橙色底花花的布布

在挑選時, 當然花了不少時間在布行四處搜尋

當然想到老人家一定比較喜歡耐污穢的顏色

但我不想要黑黑沉沉的顏色啊

最後看到此布布

覺得可以耐用外, 這個橙色加上這種花花

我覺得很適合奶奶

 

 

這一set子母袋袋, 不是用手縫的

是我跟blog友sammi學衣車而做的

因為一直都很想試用衣車

果然衣車用來做大袋超級方便超快

謝謝sammi的幫忙及教導啊..

 

 

原本打算只做一個袋袋的

後來sammi提議做多一個

這樣就成就了這set子母袋了

 

 

大的按了奶奶的意思

做了可以上膞的帶

細的加上了索繩

方便放東西, 以防物品丟掉

 

 

昨天冬節, 終於可以送到奶奶手上

趕得上聖誕前送啊....

看到奶奶收到這set子母袋時

溜露出甜絲絲的表情

作為新抱仔的, 心都甜哂呢.

 

奶奶, 祝您聖誕節快樂!

 

 

趕完奶奶的子母袋袋

另一個禮物就是要趕做給家姐了

一直都沒有時間去做

這次一定要做起它

結果用上了兩晚時間就縫好了

 

 

這個snoopy化妝袋袋

夠大夠實用

其實內袋做不太好呢

所以下次要做一個更美的給家姐啊...

 

 

裡布擇選了這款藍色水玉

襯起這塊snoopy布布, 看來不錯啊...

 

家姐, 粗粗地收住先啦..嘻嘻

在此也祝你聖誕快樂啊.

 

能夠親手縫製禮物送給家人

真是一件很幸福的事!

西芹炒豬肉

 

2010年12月19日(星期日)

 

是日晚餐:

 

西芹炒豬肉

 

 

西芹好呀, 有益呀,

對於我同少爺的飲食方面

每餐我都要好小心咁擇選食材

這天想起了它---西芹

就這樣煮了這個正氣的菜出來

還加了一隻青椒及cc自家種的紅蘿蔔仔添

享受郵輪假期@朋友仔新書

 

2010年12月19日(星期日)

 

一早就知朋友仔henry將會出書

終於都比我等到了...yeah.

今日立刻跟少爺到書局購買

朋友仔出書, 做朋友的一定要support support啦

我並沒有很誇張的買下十多本,

只買了幾本, 除了支持朋友外,

還想用作送給和我們一樣熱愛旅遊的朋友.

 

朋友仔henry及其太太candy都是懂得享受的一對年輕夫婦

看著他們倆時常到各處旅遊

回來帶給我們的相片, 手信及感想

都會帶給我無比的快樂及幸福!

 

他們倆的度蜜月都是選擇郵輪的

嘩....當時聽到起級羨慕啊

因為總覺得郵輪是很昂貴的

而且還覺得郵輪是適合一些比較年長的人參加

加上全程都在郵輪上

總覺得很悶似的

 

可是一次跟他們閒談起來

才發現郵輪不是想像中的這麼貴

而且還有多姿多采的節目

不但可以上岸觀光

還可以參加郵輪上的活動

一點都不悶啊

反而有另一種旅行的享受呢!

 

聽到他們的說法

令我及少爺對郵輪改觀了不少

而且還希望有機會的話

起碼要試一次郵輪假期啊...

 

不知道各方好友有沒有郵輪的經驗呢!

若果沒有的, 可以趁這機會買下這本'享受郵輪假期' 一書

不妨從這本書了解一吓郵輪啊

 

在此恭喜henry出書成功及順利!

期待你的第二本, 第三本, 第四本等等的旅遊書啊

 

記得呀....我要一本親筆簽名及要同你影相嫁!

 

yeah.....賣吓廣告先.

 

各位朋友仔, 有興趣, 可以到各大書局購買,ok.

而家買仲有機會參加大抽獎

會送出總值兩萬元的超豪郵輪假期啊...

勿失良機!

 

魚+瓜

2010年12月3日(星期五)

 

最近因為同少爺的驗身報告出咗

有啲數值都不太理想

經醫生講解後

我和少爺的尿酸過高

當時我一聽見尿酸過高很容易變成

痛風症

嘩...心想不得了

這次一定要戒口

醫生巳告知, 有以下的食物暫時不能進食

內臟, 牛肉, 貝殼類海鮮, 菇類, 菠菜, 豆腐, 乳製品, 豆類等等

oh....聽罷...咁我哋有咩係食得呢.

 

除咗尿酸不合格, 還有好的膽固醇都不夠啊...

加上少爺還有三豬甘油都不合格

所以很多高脂肪的都不能進食呢

除了要戒口, 其實最主要是要多做運動

所以同少爺而家每晚吃完飯

都會落樓下散步, 唔好淨係掛住坐囉...

可以book到, 就打羽毛球啦.

 

今日星期五, 明天不用帶飯

想起很久沒有吃魚了

兩條撻鯊魚都係買15蚊

我覺得算平囉.

咁又一餐了..

上次的日本南瓜仲剩半個

今晚就試吓買啲欖角嚟加埋廋肉蒸嚟食

以前一定會買半肥廋豬肉

因為有啲肥先夠滑夠好味

但係今時唔同往日lu....

嗚嗚嗚.....要全廋呀...

涼拌木耳(內附食譜)

 

少爺一直都很愛吃涼拌小食

蕭c奶一直都沒有時間去整

最近心血來潮, 見屋企有木耳喎

一於嘗試一吓...wow..結果係...

好味到震...

又easy又好味....你哋都不妨試吓.

 

 

涼拌木耳的做法

1.  木耳用適量温水浸泡，可以有助於木耳的清潔。

木耳軟化後，徹切清洗乾淨.

2.  鍋中倒入清水大火加熱至沸腾，放入木耳灼3分鐘，撈出過冷水後瀝乾

3.  將木耳撕成小块。香菜(即係芫茜) 洗淨切成長的段。

4.  红黄椒去蒂去籽洗淨後，切成長的细絲。大蒜去皮，切成蒜泥

5. 將木耳，香菜段，红黄椒絲，蒜泥倒入一个大碗中，

調入白醋，豉油，白糖，辣椒油 (我無加) 和麻油，攪拌均匀即可

 

 

 

 

南瓜蒸排骨@新居煮意

 

2010年11月29日(星期一)

 

前排sogo做discount

同少爺去咗超市到入貨...呵呵

見到有日本南瓜平喎

咁就買咗兩個

一個係自己, 一個係留比媽咪的

都成一個星期了

今日放假, 一於今晚整咗佢嚟嘆吓先

我鐘意南瓜, 因為好甜又有益喎

處理南瓜都幾得意嫁

佢啲皮好鬼硬, 所以去皮時要份外小心啊

南瓜皮硬, 但係南瓜肉遇熱就會變軟

所以切件時要留意唔好切得太薄啊...

南瓜蒸排骨

 

材料：
排骨 30元
日本南瓜  半個
蒜頭 3 粒（切蓉）
指天椒 3 隻（去籽切絲,今次無用）
蔥花 少許

做法：

(1) 排骨洗淨，吸乾水份，加入 豉油, 麻油, 湯, 豆豉,蒜蓉及粟粉撈勻，

醃15至30分鐘。

(2) 南瓜去皮去籽，切件, 不要切得太大件及切得太薄.

(太大件又怕難熟, 但太薄的話, 蒸出來, 又怕太軟,無嘢食咁囉)

 (3) 將南瓜放碟底，放上排骨，灑上椒絲，

隔水大火蒸約 15至20 分鐘即成。

是日晚餐

三餸一湯

 

今晚有花旗參石'合'廋肉湯, 涼拌木耳, 炒生菜及南瓜蒸排骨

唔好話咁多份量呀...因為我哋兩個都帶飯返工嫁

所以其實係買三個人份量嫁. 明未啊各位???

 

每分每秒都在忙忙忙

時間真係過得好快

每一日蕭C奶都好充實

真係由早忙到晚

 

返工，係勁多工作，

多到日日都真係好充實

無時間諗其他嘢咁滯囉

 

放咗工，唔係要返屋企煮飯

就會約咗朋友仔

一係就約咗家人

一係就約咗少爺

實在太多活動

忙到不得了

 

忙到連手作都無時間縫

忙到連做家務都唔得閒

（所以決定請鐘點姐姐幫手。。。YEAH！）

忙到連想煮啲新意思都無時間諗

忙到連FACIAL都無得去做

忙到想幫朋友搵資料，又係無時間搵

忙到有啲HOUSEWARMING又未安排

忙到要探婆婆，姑姐，阿叔等等，都無時間

忙到連新屋的燈，部份的傢俱，裝飾都無時間

去睇，去買， 去擇囉

總之就係忙忙忙啦

 

咁忙，係好定唔好呢？？？

真係唔知囉，好的係充實，証明你沒有浪費每分每秒。

唔好的係，太忙好似攪到有好多嘢未做，會有壓力，

忙會影響健康啫。

 

當然，我忙嚟忙去， 除咗公事，

其他的都係私事，係開心事嚟的。

大閘蟹·新居

 

 

上次突然比朋友仔係咪引誘食大閘蟹

那次終於即晚約了少爺到‘東海’止血，哈哈。

當然我同少爺都止到一半血咋

所以早前少爺心思思

就去咗灣仔到買大閘蟹返嚟

YEAH。。。今次好味好多

不過。。。。。。都係唔多夠喉喎

 

 

 

 

開爐打邊邊·新居

 

 

開爐打邊邊·新居

 

 

正好在秋天時節搬進了新居

天氣涼了，蕭C奶及少爺最愛打邊邊啊。。。

一直都很想打邊邊

只可惜之前沒有餐枱啊

最近終於都買了新餐枱

終於都可以在新居到打邊邊了。。。。

 

謝謝朋友仔送來的入伙禮物啊！

滋補煮意

 

終於都安安定定咁住係新居了

可以煮吓飯仔了

 

嘩咁快又到秋涼時間

女人唔補好易老

又係時候補一補。

 

好味道呢。。。

要食多啲花膠花膠花膠。WAKAKAKA

 

當然唔少得我最拿手的餸菜之一

梅子蒸排骨

我係非常非常之愛這個餸

因為酸酸哋， 好醒胃囉。

每一餐都不可以少咗的

菜菜

 

一個人, 一隻手, 一部腦, 想點!

工作量越來越大

可能你會問'點解'??????

問嚟都無用,因為最終結果都係

要做囉!

 

其實做嘢係無問題,

只係有時會發覺,

自己辛辛苦苦係咁做做做,

但係結果係....老細係唔用,唔理,唔睇.

咁當初做嚟做咩呢.

好浪費我的時間,我的心機囉

 

實在有太多嘢做

係一啲濕濕碎碎的工作

好聽啲可以話係秘書

唔好聽的....咪打雜囉

我諗我係爭在未做埋清潔阿姐的工作啫

 

成日又要做埋啲DOUBLE咗的工作

嘩...大佬呀,唔係你做,你梗係覺得好EASY嫁

但大佬呀, 要時間囉, 一個人, 一對手, 一部腦,

又要有兩日上就去咗第二個OFFICE做嘢

咁點呢....

 

而家成日都多咗開OT

咁又點...

老細真係好勁嫁

係咁比嘢我做喎

但係又唔知我有好多工作喎

總之就係咁加工作

又唔會問你會唔會好辛苦呀???

問吓你HAND 唔 HANDLE到呀???

只會係咁比, 要求你呢樣, 要求你果樣.

 

最頂癮係咩呢.....

如果萬一出事, 佢會置身於事外,

然後就話...咩都唔知呀!

唔係我做嫁! 都無人問過我!

點知呀! 唔關我事呀!

 

有時好唔想開OT

因為講真如果老細好

真係無所謂, 都唔會覺得無得計OT,好似好蝕底

因為你有做嘢, 好老細會知, 亦都會明白你開OT

亦都會覺得要你開OT,佢會自己覺得唔好意思囉.

 

但係老細唔好的

就唔同講法啦, 開咗又點呢,

佢會覺得明白,了解你點解要開.

亦都唔會唔好意思.

亦都唔會感謝您囉

所以有時一諗到咁, 條氣真係好唔順囉

就好唔想開OT

因為開咗都無人會理!

 

所以講真, 要開,都係因為自己太多嘢做

想清一清啲工作

不過咁, 我都盡可能唔開啦

大佬呀....我哋要返屋企洗衫,煮飯嫁

你估我有工人呀!

加上亦都唔想比太多壓力,負擔自己

做壞咗,身體有問題, 你估佢會可憐你呀

所以不如好好保護自己罷啦

總之做好自己本份,

做到就做, 做唔到都無計.

都係果句, 一個人, 一隻手, 一部腦, 想點!

邊個話我傻傻傻@買布樂

 

2010年10月21日(星期四)

邊個話我傻傻傻@買布樂

 

自從開始手作仔

初時購買材料包

但開始很想自己動手剪布布

畫紙樣,很想一手一腳自己做啊

 

一直都留意很多買家的布布

自己都有為自己訂布布

日本布布實在太美了

但亦價錢貴很多呢

尤其是日元高企, 嘩....再連埋運費

一幅布布實在太貴了.

 

加上一向都很想買靚靚的綿布

老實說在香港很少會買得到

因為老師都是往日本,台灣,美國訂購的

可是我略嫌她們的綿布布款來來去去都是那幾款

沒有新意,並且人人都是差不多一樣的

我不喜歡啊...

我個人喜歡跟別人不同呢!

 

一直都有幾位台灣BLOG友的

所以知道台灣有個布市場

日本布質地靚, 圖案靚, 是真的, 可是太貴了

台灣布, 相比日本布,雖然質地差一點點,

講真真是差一點點啊

但是台灣布真的平,靚, 正啊

所以很早前, 知道少爺十月會到台灣工幹

巳跟少爺約好,這次工幹, 我會過去找他,

因為有目標.

少爺返工, 我就去買買買...

 

上一次原想跟少爺到德國, 最後沒有去,

我沒有失望, 反之, 我期待這次的台灣工幹

若果沒有得去, 這次就真的失望極了.

 

帶了一個20吋喼, 專程用作購買布布的

結果.....爆喼了.

你們看...這是我的戰利品啊..

其實我還很想買下去, 只是真的很重..HAHA

先來作介紹:

佢叫做: 一條柴SAN

係少爺改的...幸好在出發前完成了這個娃娃

專登帶佢嚟見少爺嫁...呵呵

少爺就幫佢改咗個名: 一條柴SAN

 

後面的布布..回港後,望了又望, 摸了又摸

就算唔用, 都好正...哈哈哈...

每一塊的布布, 都是自己親手挑選的

回來後, 我只看到有一兩個圖案, 在老師裡見過

其他的....如無看錯, 都沒有跟其他人相同啊...

 

還有防水布布

擇的時候, 都擇咗好耐呀

最後就擇了這十二卷啊...

WOW...而家睇番都仲好開心...

哈哈..我真係痴痴哋.

真係買唔夠嫁

不過學朋友仔咁講, 咁先有籍口比你再去多幾次喎

YEAH....下年再去過...

而且我仲希望可以同某幾位朋友仔一齊去添

因為我哋傾開都話

不如今次我去探路

下年一齊攪番一團買布團

三日兩夜....YEAH...

 

五朵正花到訪·Housewarming

 

2010年10月14日（星期四）

五朵正花到訪·Housewarming

 

搬咗後，忙於安排親朋好友

來新居坐坐

不計父母，也不計無心插柳下的幾位朋友來過

這幾位朋友就是頭炮到訪啊。。

 

這幾位朋友，查實係蕭C奶的良朋

她們全都是高級法庭XX主任。。。不便透露，免得她們鬧我。

她們沒有架子，又好人

成日都幫蕭C奶嫁，又成日照顧我，

一直都很想感謝她們，

她們知蕭C奶有新居，又送禮又幫忙

這次邀請她們來坐坐

為了答謝她們，蕭C奶當然是。。。

親手縫一些小禮物送給她們啦

 

這個俄羅斯娃娃鎖匙扣

既簡單，可愛又實用呢？

用來送給叻叻，因為她將成為業主啊

那這個鎖匙扣正正合她用呢？

一面是藍色，一面是紅色

第一次縫製，我自己很滿意啊。。。

另外做了這幾款送給

Monica， Gloria， May and Winnie

每一個都不同的，希望你們喜歡啦。

哈哈。。。感謝您們啊！

能夠看見您們手上都有我親手的作品

非常開心呀。

 

等我呀。。。

蕭C奶返嚟了

返到嚟香港

公私兩忙

忙到跟本都無時間上網咁滯

你哋等我呀

我會慢慢UPLOAD啲旅行相

及其他開心事

同大家分享啊。。。。

做跟得夫人先得.....

少爺去咗台灣工幹

今次都算幾耐呀

由14號至到22號喎....

咁蕭C奶就飛過去搵少爺啦

原本想去一星期,

只可惜請唔到咁多日

因為無人嚟替我個位啊..

所以最後我只能請到2天

咁我就明天晚上放工

搭夜機飛去搵少爺啦....

 

頭兩日少爺仲要返工

得番蕭C奶一個人係台灣到行街啊

我要大血拼.....

 

係呢個BLOG到知我去台灣的

千萬請大家不要在FACEBOOK裡

提我去台灣啊.....OK.

MARC JACOBS

 

 

一向都喜愛這個牌子

MARC BY MARC JACOBS

因為它的袋袋

價錢可以接受

就算是用皮來做的袋袋

相比起其他的牌子要平成半有多

覺得都幾抵用!

 

 

這個袋袋巳出了很多年及很多圖案

每年每季都會出不同的圖案

最初出的淨色

自己巳擁有一個桃紅色

用後勁鐘意, 因為超級好用

可以放很多東西, 最重要是袋本身用上輕的物料

所以當你放入很多東西時

揹上它也不覺得膞頭痛啊...

加上又容易襯衫呢

 

最近我的桃紅色用得很舊了

加上很想買一個有圖案的

心裡一直都很想走去MJ專問店望望

之前成日出的圖案

總是買不到, 因為它一出新的

巳很快比人購置一空啊

前幾天, 約了朋友吃飯

還沒夠鐘, 心裡想起MJ

便走去逛一逛

誰知.....看到此圖案覺得很合眼緣

加上這個有中size啊...

想也沒想, 便買下來了....

 

少爺返嚟香港找數呀....哈哈.

 

古典花花口金@第15件手作仔

 

古典花花口金@第15件手作仔

 

這款花花布, 白色底真係幾靚

再配上一個古銅色口金

古典味極濃

 

不用多說, 巳想到非'妳'莫屬!