返老爺奶奶到食飯LU

2008年11月28日(星期五)

由於下星期媽咪要開始做化療,所以媽咪趁有呢幾日, 佢就立刻返上大陸, 因為我知媽咪好想見阿婆, 而且媽咪都知之後有排都返唔到去住. 咁我都好明白一個做女的感受.

都好的,等佢做化療前見咗阿婆, 咁佢都放心啲, 咁下個星期就可以專心同啲癌細胞對抗.

今日LUNCH, ADAM同叻叻好好, 約我去食飯,其實我都真係好耐無同啲同事或者朋友仔見面及食飯, 我都知大家好關心我.  今日ADAM請客, 請咗我哋兩位靚女去食蛇呀...食完超暖胃呀. 而且仲飽到死呀...攪到我哋兩個成個下午都好想訓呀. 哈!

放咗工, 專登去荃灣到接阿榮老公放工, 一齊坐巴士返去老爺同奶奶到食飯LU.....

雖然佢哋無專登問我媽咪的嘢, 不過我睇得出佢哋好緊張我哋, 同好關心我哋, 成日都叫我哋小心啲呀, 好好保重身體, 唔好凍親呀...

跟住知奶奶明天放假喎, 我就叫咗佢哋入嚟天水圍到打邊爐, 因為天氣凍咗, 我最鐘意打邊爐嫁啦..而且因為我哋前排買咗樣新產品, 好想試用呀.....係咩嚟....明天用咗, 下期告知大家, OK.

天氣涼了, 請大家保重呀!