囍帖

 

 

最近陸陸續續都收到朋友的'囍帖'了,

講吓講吓又咁快到各位朋友的好日子了,

今年超勁, 因為我由11月11日至12月6日,

呢段期間, 一共係要去5單飲宴及一單註冊.

今日終於都收齊5張囍帖了,

其中2張係我最喜歡的.

有一張係我結婚時都睇中咗,

但係後來見大舞台的囍帖都好簡約及高貴,

所以最後決定用番大舞台的囍帖,

但而家好開心呀, 我竟然可以收到我鐘意的囍帖,

超多謝朋友阿恩, (原來我哋咁有品味的).

所以我都忍唔住要影張相留念呢?

 

 

就係呢張了,

點解鐘意, 因為我覺得成日都收到啲囍帖都係打開的形式, 而呢張只係一張嫁炸, 最重要係我最like佢的質地, 係絲絨嚟嫁, 我個人覺得好高貴, 而且仲要係紅色的絨, 好鬼靚呀....

最抵死的係, 我同阿恩都係一樣...當時我諗住用呢款時, 我都係擇呢個圖案囉....

阿恩我哋真係有品味嫁啫....

 

 

而另一張係同事的囍帖, 都好特別, 之前自己擇囍帖的時候都有見過呢款, 但我同阿榮老公都係比較愛傳統的款式,所以呢啲咁新款的, 唔啱我哋lu...

但又好開心喎, 因為自己唔會擇, 但係而家又收到,

好正囉...又係唔駛好以平時啲款咁.

收到時, 好有一種特別感覺.

其實佢的款式都係新時代又帶點懷舊,

因為係用咗以前的月曆嚟做封面, 比我地諗番起以前的月曆, 呢款都唔錯呢?

 

 

話咁快就要開始的魚翅生活lu....

好似啲濶太咁, 隔四日就要食魚翅撈飯...

而阿榮老公呢...就只有一日會同我去飲宴,

當我享受緊魚翅的時候,

阿榮老公要乖乖留在家自己食自己lu....哈哈...

....