花旗參石斛煲廋肉湯

這款湯水又是媽媽教我的. 我很喜歡飲用有花旗參的湯水,有次媽媽煲了這款花旗參湯時, 拿了一碗給我飲,當我飲了一口時,便問: 媽媽這款花旗湯同平時飲的不一樣啊!這次加了什麼材料呢? 媽媽答: 這次加了你從沒見過的-石斛. 媽媽說: 石斛味甘,清熱,補腎的作用,適合夜睡或睡眠不足,出現潮熱煩燥,口渴,口苦的人飲用.

自此之後,我每次如果經常夜睡或者感覺好口渴或者好熱氣時,我就會不其然煲下這款湯水,因為貪其方便,容易.

材料:

石斛           1兩

花旗參       1兩

蜜棗           3粒

廋肉           1斤

做法:

(1) 廋肉洗淨,汆水,備用.

(2) 石斛,花旗參和蜜棘洗淨,備用.

(3) 湯鍋注入清水, 加入所有材料, 以大火煲滾,後轉中火煲1個半小時或2小時,

      加入鹽調味,即可.

 

珀麗灣一日遊

 

今日難得奶奶可以放假,一早約定奶奶同佢出去行吓. 好耐之前巳經好想去'珀麗灣'到參觀,所以我就決定約埋奶奶同阿榮一齊去行吓了.

今日的天氣雖然沒太陽

,陰陰天,但係都唔錯喎,好開心

呀,前一晚仲好擔心會下雨

,哈哈,上天真好,今日沒有下雨呢? 而且不是太冷,不是太熱,超好呀!  約咗奶奶一點鐘

在天水圍西鐵站等,然後在荃灣西鐵站轉搭直逹珀麗灣的船. 好平喎,都係五元正,而且啲座位好舒服,風景又靚,不到十分鐘,就巳經到逹'珀麗灣'了. 一落船,好正呀,比我的第一印象係好似去咗啲渡假地方咁,因為去到見到有海啦,有好多狗仔

啦,有好多好似遊客

,好多椰子樹

,好多花花草草

啦,又有啲餐廰

,真係好舒服呀!都未入到去,只係入到嚟少少,我巳經好鬼鐘意呢到了,再行入去少少,睇到啲樓,就咁望上去,巳經覺得好舒服,因為有八成的都係望到海嫁,而且呢到無車

,啲空氣真係幾清新嫁.

嘩,再行入啲,都幾好喎,仲有埋個'馬灣東灣沙灘'(好似係咁叫,唔係好記得),唔好理啦,總之就有沙灘啦,超正呀,如果住係到真係好好,一落樓就有沙灘了,除時約三五知己嚟沙灘到游吓水,然後係club house到book埋bbq

,諗起都爽呀!參觀完沙灘之後,我哋隨意咁行吓,無啦啦就比我哋行到去'馬灣公園'. 幾好喎,我以為係啲好細的公園仔啦,哈,原來又唔係喎,都幾大吓嫁,你哋睇吓我影的相

就知了, 而且佢仲分咗唔同的部份,佢哋的設計,環境一啲都唔馬虎, 有好多不同的花,草和樹. 行到去最高點,叫做'鳥望台',好靚呀,可以看到青馬大橋及附近的風景,而且係呢到仲可以睇日出同日落,又可以聽到

聲(其實真係好似去咗行山咁嫁),好舒服呀! 行完呢到之後,奶奶都攰了,所以我哋就準備返屋企了,今次我哋回程就擇咗搭車

出番去,因為佢有車直達荃灣地鐵站,奶奶話想睇吓搭車要幾耐同埋睇吓條路線. 搭車就要六元正,而且車程比較長少少,但都ok喎!

總結,我哋未睇過入面的單位間隔,就看外面的環境,都比80分以上,希望有機會可以參觀吓啲單位就好了!

 

杞子竹笙冬菇煲豬月展湯

喜歡這款湯水原因是煲完後,湯水很清澈,而且杞子補肝腎,明目. 竹笙益氣,冬菇益胃助食,配合豬月展滋陰潤燥益氣.

大家不妨一試.

材料:

杞子                半兩

竹笙                30條

冬菇                10隻

豬月展             1斤

做法:

(1) 豬月展洗淨,汆水,備用.

(2) 杞子與竹笙用水浸洗淨.

(3) 冬菇浸軟, 洗淨,去椗.

(4) 湯鍋注入清水,放人所有材料. 水滾後轉中火煲2個半至3個小時,加鹽調味,

     即可.

鹹蛋芥菜豆腐湯

呢款湯簡單且好有功效,尤其可以降火....第日邊個激親你,有火,記得煲呢款湯水了.

 

功效：

• 芥菜性味苦甘涼，有抗癌消腫之療效
  
• 豆腐是大豆製品，內含石膏，其性味辛寒有清胃熱之功
  
• 全湯既清熱降火，又不傷脾胃
  
• 惟脾胃虛寒者不宜服用本湯

材料：

• 生 / 熟鹹蛋 1 隻
  
• 芥菜 1/2 斤
  
• 老 / 嫩豆腐 1 磚
  
• 薑 2 片

做法：

1. 如用熟鹹蛋切粒備用
   
2. 芥菜洗淨切小段
   
3. 豆腐洗淨切小件
   
4. 
   煮滾適量水，先放薑片煲 2-3 分鐘
   
5. 把芥菜和豆腐放入鍋中煮滾，加入生 / 熟鹹蛋，轉中火煲 15-20 分鐘，加入適量鹽調味即成

擔心媽咪

最近好唔開心,因為擔心媽咪的身體,點講好呢?當我發現媽咪突然有高血壓,個心沉咗一吓,好想喊,好唔舒服,好心痛.媽咪一直身體都好好的,我知媽咪因為擔心阿哥的事,又擔心阿婆的病,令到佢唔開心,一個人唔開心,就會容易有病,所以我真係好擔心. 我可以做咩呢? 我只可以每天打個電話關心媽咪,叫佢唔好諗得太多,要小心身體. 我見到媽咪唔開心,我自己又唔開心,所以我決定同媽咪去旅行散心,不過,都要等阿婆的病情穏定先,我今晚都有問過媽咪阿婆的情況,媽咪話都係未好番,我諗媽咪一定好擔心,就好似我擔心佢一樣. 所以未知去唔去到旅行,因為我都知媽咪會唔放心阿婆,我都係,所以睇定啲先.

有時覺得自己因為自己的家事,好唔開心,好想同朋友傾吓,但係......又唔知應該點講好?又唔想煩到佢哋?聽得多都煩啦! 好彩而家我有阿榮老公,真係好彩有呢位好好的老公,好似星期六咁,好唔開心,老公訓緊覺,我走入房望住阿榮老公,攬住佢,個一刻我終於忍唔住喊咗出嚟,就係咁,嚇到阿榮老公即刻醒咗,問我做咩呀,做咩事喊呀.....我就只係係咁喊同寧頭,都唔想講,只係好想佢攬住我,當阿榮老公攬住我的嗰一刻,個心舒服咗好多,定咗好多,擔心都少咗,唔開心都無咗九九十十.