渡蜜月告吹了！

呀。。。。。。。。。。。呀。。。。。。。。。。，哈哈，我哋的渡蜜月要告吹了

，因為阿榮星期一去見咗份新工，見咗足足成三個鐘咗右，聽阿榮老公講話interview時雖然佢對自己的表現好滿意，但係當見IT Manager時，比個Manager問到佢口啞啞喎，以為唔得啦，而且阿榮老公有問，幾時會收到通知呢？咁間公司話如果OK的，我哋會係兩個星期內覆你的。哈，老公又好幸運喎，到咗當天下午二點左右，間公司就話請佢，叫佢呢個星期六去簽約，仲想佢九月二十四日上工呢？咁老公現時的公司係要一個月前通知的，所以老公星期二就辭職了，當然佢老細一定會留佢啦，足足同佢講咗成差不多四個鐘，但係。。。。。老公當然都係話要走了。老公仲向佢老細要求，想再早多一個星期走，想同我去旅行，但係佢老細就唔想囉，而我老公就諗住睇吓公司呢排請唔請到人了，如果請到，咁阿榮老公就可以早少少走囉！

其實我就一早有心理準備我哋的渡蜜月會告吹的，因為我都知阿榮老公想轉工好耐，而且佢公司最近都走咗好幾個人，我都想佢轉工的，因為我知佢係公司到好大壓力， 有時放假都要比啲客搵，根本就無私人時間的，就好似24小時都要返工咁，我除咗擔心佢壓力之外，當然最擔心的係佢無足夠的休息時間。而家好啦，雖然都唔知新公司會唔會成日要OT，但有新的發展及前途，呢樣係最重要的，所以好‘鄧’阿榮老公開心的，佢好我都會好呢。

所以我哋的渡蜜月要再延期了，長旅行就唔去得了，我哋應該會去短線囉，但都要睇睇去邊到，而且最重要的係要阿榮老公最後可以有幾多日假期了。我就同阿榮老公講，咁我哋就去‘澳洲’，阿榮老公就話，夠時間咩，我話夠，‘澳門’加‘長洲’呀，三日兩夜仲唔夠，我哋就一齊大笑了

。