結婚公仔及結婚介子

我同阿榮老公都想搵一對得意,特別但又要似我哋的花車公仔喎,都幾難搵的.

直到我哋去台灣影婚紗相, 順便係到搵吓啦....呵呵......真係好了,比我哋搵到呢對豬仔結婚公仔喎, 我一見到就好鐘意了,因為好得意呀,而且都好似我哋呀....唔係講身型呀....係個樣好cute,似我哋囉....哈哈....終於我哋就買咗佢哋返嚟了.

剛巧我哋07年係豬年,真係夠貼切了.

 

至於結婚介子呢? 我同阿榮老公都搵咗好耐呀, 平時嗰啲金鋪的結婚介子好鬼老套同埋其實間間啲款式都係差唔多,所以我哋都睇唔啱了.

最慘係試咗好多間,有時就我戴得好睇,但又輪到阿榮唔好睇,好鬼煩呀....而且我哋想搵對簡單,無鑽石的,唔要咁光身的....

直到我哋有次係尖沙咀的周生生,諗住入去睇吓啦, 經售貨員介紹之下,原來周生生有條line係日本的. 叫做'Regalo', 好簡單的,白金的,介子的濶度又可以除個人喜好,想要幾濶,幾粗都得.

我哋一見到就大家都好鐘意.咁就訂咗呢對結婚介子了, 不過,訂做都要成兩個月,因為佢哋要將我哋的要求,send去日本到做,然後做起,又要再send番返嚟香港. 雖然對介子係貴咗啲,不過,係值得的.

對介子的表面刻咗我哋的名字,內裡刻咗結婚日期及結婚地點.