介紹吓我哋的姊妹團,兄弟團,司儀及花仔花女先:
姊妹團
由左邊開始:
Nat Nat, Ice, Alice, Fion, Gi Gi,
Ivy and Carmen
還有這位好姊妹'Edith'呀,因為她發燒,所以她晚上才出現呢?
企在阿榮旁邊的男士,就是'Edith'的未婚夫 - George
兄弟團
由左邊起:
阿威,阿達,阿華, Gavin, 新郎阿榮, 羅輝, 阿榮的哥哥(阿華), Jordy 及 曦曦
伴郎及伴娘:
我的表妹Carmen及阿榮哥哥Daniel
司儀:
Nat Nat and Gavin
花仔及花女:
斯斯及嘉豪
係到想同你哋講句: 好多謝大家的幫忙,當日我同阿榮老公的婚宴,如果無你哋的幫忙,安排,有點會咁順利呢?
大家,辛苦哂啦!
結婚當然要拍婚紗相啦。。。在我認識阿榮之前，我巳經很早前巳很喜歡 ‘台灣蝴蝶樹’的拍攝手法，有時在家沒事做，我也會常常瀏覽 ‘蝴蝶樹’的網頁，每次看都不厭倦，連侄仔嘉豪都常取笑我：姑姐，你又睇呢個網址呀，又係睇呢啲相呀！真係服咗你了。 哈哈。。。我自己都笑了笑。我自己每次看都會想一想，若果我日後結婚，我一定要在 ‘蝴蝶檥’影結婚相。
哈哈。。。真的到了自己要結婚了，阿榮老公問我，在那裡拍結婚照，不用兩秒，我巳經告訴他，我要去台灣影啊，他說，好呀，還可以順便去旅遊呢？一舉兩得，就咁決定啦。
嘩。。。。超級靚，超級滿意。。尤其係化妝，好多謝化妝老師啊！（台灣人叫化妝老師的，不是叫化妝小姐的）有少少失望的，當天天氣下雨，所以不可以到沙灘拍照啊！
台灣婚紗照之花絮:
化妝老師的化妝技巧超好呀，呢啲花絮只係用普通數碼相機影都影，我以為個妝會好濃啦，哈。。。又幾靚喎，個妝一啲都濃呀。
化完出來，阿榮一見到我，即刻話：嘩，老師化得你好靚呀，化得好自然同透薄喎，老師真係老師。。。
女仔係貪心的，我成日都覺得無係沙灘到影結婚相，有少少遺憾囉。但係阿榮老公好好呀，佢成日都話同我去影多一輯，係我租婚紗的BASAA，睇過佢哋的拍攝手法，都好靚，而且還比一個好價錢給我們，哈哈，結果我哋就係香港到補番影沙灘相了。（今次我哋真係無講比其他人知呀！等佢哋有啲驚喜先！）
早上在BASAA到準備時,影咗幾張花絮:
各位,要睇台灣及香港的靚靚結婚相,請到blog的相薄到慢慢睇啦! 謝謝!
焗藍莓芝士蛋糕
材料 : (6吋)
餅底 :
麥維他餅 100g 溶化牛油 50g
芝士餡:
忌廉芝士 250g 砂糖 20g
淡忌廉 10g 蛋 2隻
溶牛油 55g 檸檬汁 2-3g
檸檬皮茸 半個 藍莓醬(72%果肉) 100g
制法 :
1. 先將麥維他餅壓碎，加入溶化的牛油攪勻，模底塗上原塊牛油，把材料壓平及壓實在模底，冷藏15-30分鐘備用。
2. 忌廉芝士放室溫約半小時至一小時，加砂糖打滑，分三次加入蛋汁打勻，再加淡忌廉打滑，再加檸檬汁及皮拌勻，再加溶牛油拌勻，最後加入一半份量的藍莓醬拌勻；
3. 預熱200度焗爐15分鐘，把芝士材料放入模內，輕蹬一下，放入座熱水的盆中，用180度焗35-45分鐘。
出焗後放涼片刻，取出待涼，再加上餘下的藍莓醬作裝飾。
香橙雪芳蛋糕 Orange Chiffon Cake
材料：
蛋黃 2隻 糖 20克（加入蛋黃）
蛋白 2隻 糖 20克（加入蛋白）
橄欖油 20克 水 5克
低根麵粉 50克 泡打粉 1/3茶匙 鹽 少許
鮮橙汁 35克 橙皮茸 適量
做法:
先預熱焗爐160度
(1 to 3) 蛋黃加入20克糖打至淡黃色
(4 to 6) 橄欖油+ 水入microwave叮20秒, 之後加入蛋黃醬內,
再加橙汁及橙皮茸攪勻
(7 to 9) 加篩過的麵粉，泡打粉及鹽，攪勻至沒有粉粒及滑溜感
(10 to 14) 蛋白加入20克糖打至企身(分兩次加糖) 。
(15) 打到蛋白反轉個盆都唔溜落嚟, 就為止打起. (如圖15)
(16 to 18) 加巳打起的蛋白霜入蛋黃麵糊, 攪勻。
倒入蛋糕模入焗以150C焗35-45mins 。(時間要視乎焗爐而定)
出爐倒扣放涼便可享用 。
好鬆軟嫁....而且仲好香香橙味啊...
我同阿榮老公都想搵一對得意,特別但又要似我哋的花車公仔喎,都幾難搵的.
直到我哋去台灣影婚紗相, 順便係到搵吓啦....呵呵......真係好了,比我哋搵到呢對豬仔結婚公仔喎, 我一見到就好鐘意了,因為好得意呀,而且都好似我哋呀....唔係講身型呀....係個樣好cute,似我哋囉....哈哈....終於我哋就買咗佢哋返嚟了.
剛巧我哋07年係豬年,真係夠貼切了.
至於結婚介子呢? 我同阿榮老公都搵咗好耐呀, 平時嗰啲金鋪的結婚介子好鬼老套同埋其實間間啲款式都係差唔多,所以我哋都睇唔啱了.
最慘係試咗好多間,有時就我戴得好睇,但又輪到阿榮唔好睇,好鬼煩呀....而且我哋想搵對簡單,無鑽石的,唔要咁光身的....
直到我哋有次係尖沙咀的周生生,諗住入去睇吓啦, 經售貨員介紹之下,原來周生生有條line係日本的. 叫做'Regalo', 好簡單的,白金的,介子的濶度又可以除個人喜好,想要幾濶,幾粗都得.
我哋一見到就大家都好鐘意.咁就訂咗呢對結婚介子了, 不過,訂做都要成兩個月,因為佢哋要將我哋的要求,send去日本到做,然後做起,又要再send番返嚟香港. 雖然對介子係貴咗啲,不過,係值得的.
對介子的表面刻咗我哋的名字,內裡刻咗結婚日期及結婚地點.
海綿蛋糕Sponge Cake (傳統做法)
材料 :
蛋 3隻
糖 90克
低筋麵粉 72克
牛油(溶) 48g
制法 :
1) 首先預熱焗爐180度
2) 將蛋和糖打起打至濃稠；(可以係蛋醬上打到個星形而，不會很快下沈消失)
3) 加入麵粉(分2-3次落) ，慢慢輕力攪勻(用手版或膠刮刀由底至上輕輕地攪拌) ，以免蛋醬下沈。
4) 最後加入牛油攪勻(攪法和上面的一樣)
5) 快速倒落餅模內放入焗爐，以175-180度焗25-30min。焗完出爐後要之即脫模。
決定結婚後，第一件事就是要看看擺酒地點了，當然要尊重兩邊的父母，先問問他們有沒有心水的地點，哦，兩邊父母都齊口同聲：你倆個決啦，最緊要你哋開心同鐘意就得了。（太好了，佢哋無意見，比哂話事權我哋，多謝老爺奶奶，阿爸阿媽）
我哋想方便親友及朋友，所以想集中在九龍區，睇咗好多婚紗雜誌，上網搜羅，以及在婚紗展中參觀了很多酒店，酒樓。大約有幾間心水的，但就想親身參觀，所以要找放工或者假日先可以去。但由於當時阿榮老公太幫，平時都八，九點才放工，太夜了，所以一直都未能親身去各酒店或酒樓參觀。
一天，剛約了Andy and Peggy吃飯，我約了他們放工後在上環等，由於我放工時間較他們早，突然想一想，在婚紗雜誌及網上經常有人提到‘上環的大舞台飯店’可以擺酒，環境好古典優雅，高貴，而且還提到有兩層的。心想，這麼特別，但又想來想去又想不出究竟它的場地是怎樣呢
其實原來所謂的‘大舞台飯店’即是在西港城入面的一間酒樓，從電梯直上二樓，在二樓的電梯往上望，巳看見一個很大的水晶燈（好高貴啊！），沿著電梯往上走，巳聽到播著一些懷舊的音樂，而且四周環境昏暗，（所謂昏暗並不是漆黑一片，是浪漫氣氛那種啊`！）直到真的在‘大舞台飯店’的地面了，我四處張望，哦。。。。。環境很優雅，古典，懷舊，好似歌劇院咁，真係有兩層嫁，好特別呀。我簡直一見鐘情呀。
當我還在陶醉於 ‘大舞台飯店’的環境時，經理巳經走過來招呼我，問問有什麼可以幫我呢？我就順便問問她婚宴的各樣事項。嘻嘻。。。。其實個心都巳經十成想係到擺了。
當我離開 ‘大舞台飯店’，立刻打電話給阿榮老公
阿榮老公一看之吓。。。佢都係一見鐘情，所以我哋都十成會係呢到擺酒了。但係都要回去問問大家的父母先。
最後，我們帶了奶奶及媽咪到‘大舞台飯店’飲茶及參觀，看看她們喜不喜觀，有沒有意見。（哈哈，當然係無意見啦，而且佢哋都覺得好特別，不似一般的酒店或酒樓，很有特式）
就是這樣我們就決定在這裡設宴，讓各位親朋好友在此見証我倆的重要時刻。
其實我哋都唔知係咩情況之下話要結婚的....我哋係大家有日好有共識,好自然的情況下,唔知點樣就話結婚了...哈哈!
講起求婚....我一直都好有憧景的,因為我好鐘意睇愛情戲,有時睇到一啲好感人呀,好浪漫呀,好激情呀的求婚片段,都會幻想吓自己係當時的女主角,心想,如果係我..就好了.只可惜...我的阿榮老公呢, 係一名老實派囉....當然好浪漫的求婚就無了, 我以為阿榮老公唔會求婚的,哈,又估佢唔到喎. 阿榮老公有向我求婚的.
話說當我們決定結婚後,又決定住係天水圍,咁我哋咪要開始去天水圍到打點一吓囉,有日我係個廰到執緊嘢時,阿榮老公無端端變咗隻'鑽石介指'出嚟,然後好深情咁同我講: 嫁比我,好唔好,我會照顧你一生一世,我會錫你一世嫁. 嗰一刻,其實我好驚喜,有幾秒好似發緊夢囉. 因為我無諗過阿榮老公會無端端向我求婚囉. 然後,我就怕怕羞羞
跟住阿榮老公仲同我講，呢隻鑽石介指粒鑽石的分數唔係好多，原本睇中咗另外一隻分數比交大，不過粒鑽石唔清，無咁靚，而家呢粒的鑽石的分數係細啲，但係我最後都係擇咗呢隻送比你，因為呢粒鑽石的級數係極好，超清。跟住同我講：我都知隻讚石介指細咗啲，不過，我應氶你，我將來一定會努力搵錢，買番一隻分數又大，粒鑽石的級數又清的送比你。
聽到之後，我簡直甜在心頭，眼淚汪汪，呢一刻我覺得好感動，其實我只要一隻就足夠了，無論日後阿榮老公買唔買都好啦，我反而覺得珠寶的嘢，一對手又戴得幾多，只要有一隻好有紀念價值的，一隻就夠了。最重要係我哋倆個都恩恩愛愛，開開心心
雖然阿榮老公向我求婚時,沒有浪漫的地方,沒有美麗的鮮花
呢隻就係求婚介子了,係八心八箭嚟嫁! (阿榮老公咩你咁多心嫁....)
