沖繩咖喱

 

2010年3月10日(星期三)

 

今日臨時請咗半日假

因為好想放假

有太多私務要做

平日放工, 巳經無咩時間

一於自己攞假做啦

 

趕完私務, 望吓個鐘都成五點了

嘩....要趕搭車返屋煮飯

難得放到假, 想煮飯食

因為出街食得多, 又貴又唔知食咩

仲要無自己煮咁好食

食完就要同少爺返日文堂了..

 

因為返到去都成六點半

去到街市都唔知買咩好

諗諗吓.....諗起屋企有咩咩咩

好...一於就煮佢哋啦...

 

沖繩咖喱

上次去沖繩買的咖喱都未食

一於貪方便, 煲落飯, 整番熱啲咖喱, 倒入去啲飯到, 咁就食得了

呢款 '58' 係苦瓜咖喱

入面有少少苦瓜及肉, 味道唔錯呀,

而家食慣咗苦瓜, 仲嫌佢唔夠苦味呀

呢款 '98' 係黑糖咖喱

好特別咁喎, 黑忟忟的, 買一個嚟試吓囉

倒出嚟的時候, 好水汪汪咁嫁

唔似平時啲咖喱咁杰身

望個樣, 好唔靚仔, 以為唔好食

點知食落去又幾好咁喎

不過我覺得真係杰啲仲好味

咖喱辣辣哋中, 帶出左黑糖啲甜味

又幾得意, 特別!

之前買咗兩毎棷菜, 仲有一個未煮,

啱哂了, 見個雪櫃仲有幾條腸仔

就加埋入去炒, 咁咪又一款簡單的小菜仔囉

有時大家不妨動動腦袋, 咁就可以有好多花款嫁了

蕭c奶的餸, 方便, 簡單, 易煮, 便宜, 仲要.....好味!

BIG 4

 

 

嘩...等到頸都長,  一知道佢哋4個會開演唱會

就好想睇, 因為實在好難得

 

一直都等緊BIG 4的演唱會票

直到前日,終於都收到了

嘩...勁正呀, 係第三行

不過咁, 其實第二行同第三行都巳經差好遠

唔好睇少一行之差呀

影相同埋現場觀賞都差啲嫁

因為坐第二行的有一位女仔都同蕭C奶一樣

都係用CANNON 500D

但係因為佢可以係第一行的兩個人中間到攝嚟影

完全無遮擋

至於我坐第三行, 其實我巳經比第二行及第一行的人遮哂

所以我係影唔到好靚的相啊....>-<

 

反而部G11可以影到好近^-^

仲正過500D啊....

但點都好, 我都唔算影好多相

因為如果掛住影相

其實會分咗心

咁就欣賞唔到個演唱會嫁了

 

稍後整理好啲相後

就POST出嚟比大家睇吓啦.

原定計劃

蕭C奶一直都無諗住買樓

亦都好開心可以抽到一個

地點，方向，環境，方便的‘正’公屋

最近因為房協推出‘夾屋’-將軍澳的叠翠軒

一推出，好吸引喎

好似好平，好似環境好美化，又鄰近地鐵站

130萬就可以上車

300萬唔駛就可以有800幾尺

平過隔離的新都城50至100萬喎

係人云亦云之下

蕭C奶及少爺都覺得好正

好想買呀！

 

後來經過多日的深層考慮

跟雙方的屋企人商量

倆公婆又一齊商量之下

都係決定唔買夾屋了

因為好多朋友都話好多問題

加上我哋間公屋真係太正了

唔係舊公屋， 係剛興建的新公屋

加上交千二蚊，咩都唔駛煩

可以輕鬆啲

而且真係無諗住而家買樓

 

而且諗諗吓，如果要買中層或以上

都要180萬喎，兩房兩廳

如果想要三房兩廳，全部都過200萬

你話好平咩， 諗深一層都唔係話好平

夾屋仲要一定最少住五年，然後補地價

先可以租讓

咁你可能會講， 居屋都係要補地價

無錯都一樣

只要係諗住自住， 其實又真係無所謂

 

最主要係個地點： 將軍澳

我同少爺本身覺得將軍澳的配套及環境都做得唔錯

不過唔知點解， 就對呢個地方無咩興趣

如果用藍田及將軍澳比較

我同少爺個人認為藍田吸引好多

真係好方便， 咩都有， 我哋就覺得好過將軍澳

不過咁， 只係純為個人意見咋

都好老土一句， 住到邊， 自然就會適應。

 

因為我自己諗深一層

若果我真係攞180萬至200萬買一層樓

講真。。人生有幾多個180萬呀？？

我蕭C奶就好坦白的

老實講 ， 自己唔係有錢人， 亦都無咩學識，

唔係搵好多人工的人。

係我人生入面，可能我只會擁有一層樓啫

咁我就係到諗，與其要攞咁大數目

點解唔買一層自己鐘意的地點的樓呢！

加上有朋友識入面的建築師

原來叠翠軒除咗漏水問題， 仲有好多問題

所以朋友仔一知我想抽

即刻SAY NO

咁又係喎， 180萬，仲要係有咁多問題的樓

要放番出去又咁難, 咁煩,

係咪值得買呢？？？

最後分析都係覺得唔多值了。

 

 

再再諗清楚

點解啲人話好平，好抵買

因為有啲人又無資格抽公屋

又可能無首期係手， 加上而家樓市又咁高

啲人就買唔起私樓

咁而家抽居屋或者夾屋

除咗樓價平啲，首期又唔駛比三成咁多

咁啲人就可以上到樓

我自己分析，自己有好多朋友恨都恨唔到

我同少爺可以抽到公屋

因為平， 靚 ，正

雖然係細啲， 但不至於細得好誇張

又係好老土咁講

出面的私人樓, 有啲話係400幾尺

買成200幾萬, 實質個實用面積

咪又係得200幾尺, 但係要成200萬喎

而且我同少爺諗深啲

真係好鐘意而家抽到的公屋

因為各方面都好平均啊

真係除咗細， 但係我都好多謝朋友的支持

細的地方， 都可以裝修得好骨緻

而且咁平宜的租金

咁我哋可以慳番啲錢

寧願可以享受多啲啲

唔駛話買嘢, 去玩要慳住慳住

所以話呢....買樓呢家嘢

都係遲吓先算啦

儲多啲錢, 到時真係覺得OK, 咪買囉,

再唔係諗過唔想咁辛苦揹層私樓

又想住大啲, 咪轉二手居屋市場囉

咁長遠的嘢, 都唔好諗咁多

遲吓先算啦.

雖然有時一見到人有自己的屋

都好羨慕, 妤羨慕咁大, 好羨慕有自己的家

但係背後我都知係要付出

有得必有失!

 

少爺就曾經問我: 你想有自己的大屋? 定係想享受人生?

我心裡掙扎, 便答: 希望有自己的一間小屋及可以享受人生,

兩者都希望擁有啊.

但若兩者要選其一,

我不需要豪宅, 一個小屋都可以了. 總之唔係瞓街就得了.

然後我希望可以同少爺每年都出外旅行, 享受餘下的人生.

唔想有壓力, 有太重的負擔.

終於自家煮-棷菜大蝦及腐乳蒸雞翼

2010年3月7日(星期日)

 

終於自家煮--作為標題

因為實在實在蕭C奶好耐都無親自下廚

原本今日倆公婆都約咗朋友

不過後來又取消咗喎

咁就好好休息一天

難得放假，跟少爺先去圖書館

然後買咗成100蚊的抽濕用品

買埋菜就即刻返屋企

咁就成4點幾了，嘩。淨番啲私人時間無幾多啊

倆公婆各自各做自己想做的嘢

嘩咁快又到晚飯時間

睇吓蕭C奶的--終於自家煮有咩好嘢食

 

棷菜大蝦

而家啲菜仲係好貴，係百佳見到棷菜只售4.9

比起其他菜便宜很多啊

即刻買咗兩個，今晚只炒一個就咁大碟了

見雪櫃有啲急凍大蝦

平時又無時間整，又要挑腸又要融雪

見有時間，就整了。

嘩。。好大隻啊，少爺見到，對眼發哂光呀。

 

腐乳蒸雞翼

呢味餸想整好耐嫁了

一直又係未有時間整喎

今日終於都可以試整了

不過因為今早諗住整第二款的味道

係後來突然諗, 不如今日有時間

試吓整腐乳蒸雞翼啦

因為好突然先想整

所以醃的時間唔夠長

所以唔夠入味啊

少爺入口即講, 而..有啲腐乳味喎

叻呀. 食得出喎...哈哈

不過我就話, 唔多夠味,下次要醃長啲時間

及多加多啲腐乳落去蒸

BUT, 第一次整, 我都滿意啊.

 

嚟緊又唔知幾時會親自下廚呢?

少爺要等吓了.....

 

大少奶的絕頂情感味覺

 

有次無意中係BLOG到搵到

大少奶的BLOG

老實講,初時我對大少奶一般啦

因為我比較鐘意睇第二位

但我都有時會走入去大少奶的BLOG到望吓

因為大少奶BLOG入面的相

影得好靚啊,所以平時睇完佢的靚相

就閃.

 

大少奶之前出咗兩本書

第二本, 好友米米送咗比我

到咗今次大少奶出第三本

米米原定送給我

但是,我堅持要自己比錢

因為我唔想米米你蝕錢啊...

你係老闆, 可以比個友情價我

但絕對不能送啊...

 

之前大少奶的第一本及第二本

我睇過無咩特別, 一般啦

但係到咗今次的第三本

好好睇呀, 因為今次大少奶加咗

有關同大少爺的愛情故事, 婚後的生活點滴

我只係用咗兩個鐘都無,

一口氣睇哂.

 

一邊睇一邊笑

因為發覺大少奶同大少爺的很多

生活點滴都同自己好相似

連習慣, 生活方式, 相處之道,

乞人憎之道, 想法等等

幾乎係一樣

所以一路睇, 好有共鳴, 好有FEEL!

 

 

睇完大少奶呢本有關佢哋倆公婆的書

好有衝動自己都好想寫

寫低同少爺的一切一切

點解人哋咁叻叻嫁

可以咁有心機寫低佢嫁

能夠擁有自己的一本書

我都覺得好幸福好有價值啊.

真係要向大少奶或者其他作者學習啊.

祝安康。。。

祝安康

因好友叻叻的媽咪（簡稱‘叻媽’）前天

不小心摔倒了，以至左腿菠蘿蓋傷了

昨晚前去探望叻媽

幸好沒有傷及身體其他的部位

精神還不錯

可算是不幸中之大幸

亦教蕭C奶及少爺安心

日間只能自己一人面對醫院的人員

食飯，飲水，以至上洗手間均只能靠叻媽一人啊

真教叻叻及她的家人擔心

家人只能每晚六時後才可以探望叻媽

此時相信是叻媽撒嬌的時候啊。。

 

在醫院裡又怎能好好睡一覺呢

在醫院裡每隔一會兒

醫護人員都會為病人

一時量血壓，一時又叫食藥

一時又話食早餐， 又食午餐，又食晚餐

再加上其他病人的各種聲音等等

跟本唔會瞓到一覺

 

今日原本約好了叻叻及米米食LUNCH

BUT因為叻媽扭計，同醫生撒嬌

要出院啊。。。

所以今日的期待LUNCH取消咗

叻叻帶著歉意‘不好意思’

嗱嗱嗱。。。唔準你再講呢句呀

大家都係識分輕重的人

只要你講出事理，大家就會明白嫁了

都係果句，一切盡在不言中！

 

希望叻媽番到自己的‘狗竇’

好好咁睡一覺，快啲好回復體力及精神，

同埋唔好再咁任性，比左腿好好休息啊。

自然就會快好嫁了！

我要惠康印花

各位blog友仔

蕭c奶儲緊惠康印花

如果有blog友仔唔要的話

可唔可以留起嚟比蕭c奶啊..

謝謝各位!