Training變咗Shopping

 

2009年6月22日(星期一)

 

今日攞咗啲香蕉muffin番去了

一早出咗個mail比佢哋

約定下午4點半係小婉姐個位到等

蕭C奶好開心可以親手整muffin請大家食

見到佢哋全部食得咁開心

個心都甜哂lu.....哈哈

放工返到屋企

當然要好好品嚐媽媽的煮意啦..

 

蕃茄薯仔紅衫魚湯

好好飲呀, 媽咪煲到啲湯的色水好靚呀...

灼菜心

黑忟忟的???? 原來係薯仔蚊豬肉

我覺得好肥同埋咸咗啲啲, 所我食咗兩嚿咋

 

2009年6月23日(星期二)

 

蕭C奶今日唔駛返工

但都唔係放假

而係去咗上training

仲係去咗觀塘到上添, 好近APM

係食飯時, 一個人無嘢做, 咪行行囉...

點知...就大件事了

training 變成咗shopping

話說行吓行吓....見b+ab好耐無行過

諗住入去睇吓之嘛...(無諗過買嘢嫁..)

點知...比我見到我好想買的鞋喎...

咪試吓囉....oh no....一試就屎了....好啱好好睇

好鐘意....咁就買啦

轉頭我又見到另外一款

咪又試吓囉...oh no...仲型仲靚..

就係咁....蕭C奶就買咗兩對鞋呀....

試吓試吓...望吓個鐘...嘩....夠鐘了

即刻同個sales姐姐講, 我落deposit, 我趕時間

放工再嚟

返到屋企, 都成8點lu....

媽媽同少爺等緊我開飯囉...哈哈.

今日係十五, 所以蕭C奶一家食齋

今日真係好齋呀...

 

灼菜心

列行工事, 一定餐餐都有

灼芽菜

你哋見到有無唔想食呢.....太啖太齋, 但係蕭C奶一家食得好滋味

因為好清甜呀

齋餃子

媽媽買回來的, 我覺得比較咸, 只吃了一只

 

還有就是齋金邊粉啊....無影到相啊...

 

每個月有兩日左右係食齋, 都幾好呀,

清清哋, 當清吓腸胃咁, 唔錯呢!

 

泰好味...

 

2009年6月21日(星期日)

Part III

 

係時候要食晚餐了

見到個ddung煮麵公仔嘛

即係話蕭少爺同蕭C奶今晚食粉麵囉...

記唔記得早前蕭C奶介紹咗一款牌子的丸比大家呀

彈彈吓魚蛋..

今晚一於食佢先....

早前好友'叻叻' 於泰國節時買了一包

泰國金邊粉比蕭C奶

今日一於煮番兩碗泰國風味的粉嚟食吓

呢包就係'叻叻'買來的泰國金邊粉

可以用作湯及炒的

先用水煮至八分鐘, 再用凍開水浸, 就可以食嫁了.

彈彈吓魚蛋的介紹, 請click以下:

http://hk.myblog.yahoo.com/jobechan0911/article?mid=6054&prev=6099&next=6049

 

蕭C奶比較食慣淡味, 所以大家可以睇到個湯底係清....

因為只係用咗水加少許鹽.....我諗你哋就會食唔慣lu...

之前去泰國時, 買咗一樽'乾脆蝦辣醬', 所謂的醬其實都唔係醬嚟的,

只係一啲脆卜卜的炸過的蝦米, 用嚟送粉麵就最正了

 

睇吓.....啲魚蛋, 魚片及牛丸...好大粒呀...睇見都想食...

 

兩碗充滿泰國風味的金邊粉.....

好彈呀....

 

咁又過咗一個泰好味, 泰好玩,

泰滿足的一個星期日啊...

 

 

係到再次多謝叻叻

送來美味的金邊粉啊...

 

Michael Jackson

 

2009年6月26日(星期五)

 

今早起床開電視

嚇然聽到新聞播

Michael Jackson的逝世消息

很驚訝....

又一巨星不在人世啊...

真的很可惜

 

只好用心去懷念這位

無人能代替的

超級巨星

Michael Jackson

 

 

順應小婉姐的要求....

 

2009年6月21日（星期日）

Part II

 

少爺食咗一個想嘔的午餐之後

少爺就掛住上網，少奶就想整COOKIES

可惜唔知發生咩事囉

焗咗幾盤---都唔得呀。。。WHY？ WHY?  WHY？

Why Whay tell me Why....

焗唔到。。。算鬼數，但係好浪費我啲材料同時間囉

唉。。。咁點好呢。。

唔好諗咁多先，先嚟個BREAK先

整啲生果嚟食吓先， 天氣咁熱，要補充吓多啲水份啊，

有橙，奇異果及荔枝

我都係縱壞少爺嫁了。。。啲荔枝我係挑走咗粒核

咁少爺食的時候咪一啖就可以吞落肚囉

（朋友仔見到又話我嫁了。。。）

 

少奶百無了懶

心心不憤, 唔想浪費時間

諗起星期五嗰日

同事小婉姐對蕭C奶有以下的要求

對話如下:

小婉姐: 呀jobe呀, 我有啲嘢想同你講, 但係又驚你鬧我喎.

jobe: 講啦. 咩事啫..... (其實個心有啲驚驚哋, 唔知咩事?)

小婉姐: 就咁的, 啫係呢我唔係話你低級, 而家係呢到好似得你

一個唔駛減人工喎, 咁你係咪好應該請我哋食嘢呢!

(周圍同事聽到後, 即刻狂笑..

.)

jobe: 哦...就咁呀, 好呀, 無問題......

就係因為咁的原因, 我就整咗香蕉muffin請啲同事食囉...

一款係淨香蕉muffin, 一款係香蕉合桃muffin

聽日就要攞番去請佢哋食了

我唔可以令到你哋銀包脹卜卜,

咁就等我令到你哋個胃脹卜卜啦....

諗起stella7月生日, 而佢6月29日就開始放一個月假

全家人飛去參加大女欣欣的畢業典禮兼歐遊

所以stella今年係歐洲渡過佢的birthday,

8月先返工, 所以特別預早送一個birthday muffin比佢啦

 

 

整完muffin都成7點lu...

少爺係我整緊muffin時

佢巳經係梳化到瞓著咗lu...

我即刻快手洗好嘢, 沖埋涼

整好哂啲嘢後,

就準備今晚的晚餐了...

睇吓下一篇..我哋食咩啦...

 

待會見....

 

食到蕭少爺想嘔。。。

 

2009年6月21日（星期日）

Part I

 

今日可以好好留係屋企LU。。

蕭C奶都係瞓到十一點到啦，

起身做吓少少家務先，然後梗係準備整午餐比少爺食啦

哈哈。。。見到個標題啦。。食到佢嘔呀

究竟蕭C奶整咗啲咩比少爺食到嘔呢？？

蕭C奶好少咁失敗嫁喎！！

攪邊科呀！

 

答案就係： 納豆

其實唔關我事嫁，早前同少爺到SOGO超市，

係佢自己話不如買嚟試食吓，少爺話見日本人咁鐘意喎

點知。。。佢一路食就一路喊住話好難食。。

不過佢都好勁又叻，成碗食哂，唔浪費喎

 

打開咗之後，係有包介辣及麻油

 

少爺撈埋咗了。。。個樣都幾靚呀

 

早前好友‘蕉蕉’同‘蕉生’去咗首爾旅遊兼掃貨

買來了這個‘泡菜魷魚’給蕭少爺

今日有機會試食LU。。

 

打開咗之用咗一個密封袋入住的

 

嗱。。個樣就係咁嫁了， 辣辣哋送飯最好味。

多謝蕉蕉及蕉生啊。。。好味，好滿意啊

 

少爺的午餐

 

少爺將啲納豆撈哂落啲飯到， 個樣都好吸引呀

好彩有泡菜魷魚咋。。唔係我諗少爺真係會食唔落呀

 

 

呢一餐就係食到蕭少爺想嘔的一餐，

好彩唔關我事啫。。。哈哈。。

啲豆唔係我整， 又唔係我叫買的。

有時啲嘢，係要自己負責番的。

話時話，仲有一盒添呀，蕭少爺，

我提吓你。。記得要品嘗埋呀！