今晚要睇奧運閉幕禮呀,
所以唔可以出去了.
夜晚,就煮飯仔了.....睇吓今晚食咩餸先.
番茄炒蛋...酸酸地好胃口呀...
腐乳炒勝瓜....辣辣哋好味呀...
下午做咗啲咩呢,
趁老公去咗剪頭髮,
一個人係屋企,
而又有心情喎,
明天又係奶奶的生日,
我就自己係屋企到整蛋糕了.
整咗個日式芝士蛋糕,用嚟明天lunch同啲同事食的.
跟住再整個無cream的送比奶奶做生日,就係戚風蛋糕, (不過用咗個普通模整炸)
如果想知呢兩個蛋糕的做法,可以去我的蛋糕篇到睇,有詳細的食譜及圖片!
2008年8月24日 星期日
戚風蛋糕(內附圖片及食譜)
戚風蛋糕
由於我的戚風蛋糕模借咗比朋友,咁又想整喎,就用咗普通的八吋模了,如果你哋第時整就用番個戚風蛋糕模先整了,會靚啲囉.....
材料：
蛋黃 5個 砂糖 90g
沙拉油(粟米油) 80ml
水 80ml 低筋麵粉 130g
蛋白 7個 雲呢拿油5滴
預備：
低粉過篩備用
焗爐預熱 180-200度
餅模內掃上一層牛油
1. 蛋白用電動打蛋器打至起泡，加入45g砂糖再打，打至完全企身
2. 用另一器皿放入蛋黃稍為打散，加入45g砂糖攪勻
3. 沙拉油分次少量地加入混合，再加水繼續攪拌
4. 加入雲呢拿油、低筋麵粉攪勻，攪至完全沒有粉塊/粉粒便完成
5. 將1/3量的蛋白霜加入4的蛋黃麵糊中，拌勻
6. 加入剩餘的蛋白霜，再拌勻~(切記勿攪破氣泡快手地亂攪一通)
7. 將麵糊從較高處倒入模中, 用兩手將整個模提起，然後在抬上輕敲兩下，
讓裡面的空氣釋出，放入焗爐焗約35-40分鐘,即成.
裝飾後....
日式芝士蛋糕(內附圖片及食譜)
日式芝士蛋糕
做法:
1. 先將牛油紙鋪在焗盤內,再用鍚紙包外圍
2. 2隻蛋白加25g糖打發起，打至企身為止。
3. 125g忌廉芝士、13g糖以慢速打勻
4. 慢慢加入2隻蛋黃，打勻
5. 分次加入60g淡忌廉，打勻
6. 篩入25g麵粉, 打勻
巳將麵粉打勻了的樣子
7. 將之前已打好的蛋白伴入芝士漿內，千其唔好亂搞一通，否則個蛋糕就發唔
起， 唔靚嫁啦！
攪勻的樣...應該係望到好滑的
8. 拌好全部芝士漿，就放入已鋪好的餅模內及注清水在焗盤中。
10. 放入焗爐以二百度焗一小時左右. (好香呀....)
出爐了......都唔錯掛.....
2008年8月23日 星期六
訂閱：
文章 (Atom)