Fancy 化妝包@第39件手作仔

 

update完自家煮

係咪又覺得蕭c奶好耐都無update吓手作仔呢

其實蕭c奶之前做咗好多手作仔嫁

只係一直都未有時間幫啲手作仔影硬照

加上有部份係為咗生日送比朋友仔的

又唔想咁快曝光

 

今次呢款手作仔

中途曾經想過放棄

不過最後得到手作同學的鼓勵

蕭c奶最後都完成咗了.....

完成後, 真係好大滿足感

因為好靚呀....

 

請大家細心欣賞了....

Fancy 化妝包

 

正面

選用了拼布款的布布

加上包邊, 最主要係右下角的玫瑰花喱士

簡直係fancy派的女生一定喜歡呀...

背面

跟正面一樣的

拉鏈頭側面

第一次整呢款側面

係要另外駁住縫的

都好靚呀...^^

拉鏈尾側面

嘩...都係第一次另外用布布包住條拉鏈尾咋

原來加咗布布包住, 又有另一番味道

裡面

嘩...有無尖叫呀...wakaka

第一次做內袋的化妝包

好滿意呢個內袋

因為加入了喱士邊邊做內袋

而且呢個內袋係用明線縫的

縫得都好靚, 我自己都好滿意

 

裡面

入面的裡布, 係咪好fancy呢

都係用咗拼布款的裡布

仲要係粉紅色花花, 好鬼fancy及浪漫呀

再近鏡望望個內袋...真係好滿意呀.

完成了這款化妝包

因為用了很多心機

一定要送給一位好友及值得送贈的人

想了好一陣子

剛好是好友靚靚ivy的牛一

yeah...反正我都係打算做一個化妝包送給她的

加上我覺得這個款很適合她

而且她是一位愛惜朋友禮物的人

所以我就送這個給她作為生日禮物了...

 

 

 

 

 

 

蕃茄炒肉片 (內附食譜)

 

2011年8月23日(星期二)

 

嘻...今日都有煮飯呀

都係因為天氣問題

依然都係好想食啲酸味的餸菜

所以今日煮咗呢款:

 

蕃茄炒肉片

 

材料:

蕃茄    4個

廋肉   15元

蒜茸   適量

蔥    適量

 

做法:

(1) 先將肉片用豉油, 糖, 油, 黑胡椒, 米酒醃15至30分鐘

(2) 蕃茄切件, 備用

(3)  燒鑊, 加入少許蒜茸, 先將肉片炒至八至九成熟, 盛起, 備用

(4)  再燒鑊, 加入油爆香餘下的蒜茸, 加入蕃茄炒一會, 加入少許糖及鹽,

然後再放入巳炒過的肉片, 炒吓炒

(5) 加入少許水, 茄汁兜勻, 放蔥段再至滾及熟, 即可

久違了的自家煮意..

 

2011年8月22日(星期一)

 

最近係咪覺得蕭c奶少咗update個blog

因為蕭c奶真係好唔得閒

連手作仔都會擺埋一邊呀 ><

可想而知有幾忙

 

最近的而且確連自家煮都少咗的

不過都間唔中盡量抽番時間煮

因為我哋兩公婆都係愛住家飯多一點

 

菠菜很久沒有吃

因為蕭c奶及少爺body check的問題

唔可以食菠菜

不過真係超耐無食

所以今日買咗菠菜

蒜茸炒菠菜

 

呢排唔知係咪太忙

攪到連胃口都麻麻哋

可能又因天氣熱的問題

所以好想食啲酸酸味味的餸菜

咁當然係蕭c奶最拿手的

梅子蒸排骨啦

仲有就係之前跟大家講

想湯想到痴的蕭c奶

滾咗呢個

大眼雞豆腐湯

 

 

嘩...好耐未試過咁豐富了

又湯又菜又肉

呵呵...今晚起滿足呀...

少爺飲湯都飲到傻呀...

 

大眼雞豆腐滾湯

 

2011年8月22日(星期一)

 

 

最近蕭c奶真係想飲湯想到痴了

因為媽咪屋企要裝修

所以蕭c奶媽媽要暫時返香鄉住

e..攪到蕭c奶無哂啲湯水飲呀..

嘩...好掛住, 好掛住...媽媽....的靚湯呀....

wakaka...正衰女包

係掛住啲湯水, 唔係掛住阿媽

 

其實係兩樣都好掛住

湯水及媽媽巳經成為一體嫁了

 

為咗止飲湯癮

咁咪為有自己滾湯囉

煲湯又無咩時間了

 

簡簡單單

就滾咗呢個

大眼雞豆腐湯

夠營養

含蛋白質, 又有魚肉

正呀...

 

 

The Verandah@Peninsula

 

 

好友相聚

 

The Verandah@Peninsula

 

(August 16, 2011 Tuesday)

 

 

 

八月份是好友靚靚ivy的生日

一早約好了alice一同放下午假

就為好友慶祝一番

 

原本打算到半島high tea的

可是經過商量後

怕大家的肚仔都捱不到餓

最後決定改為直接食lucnh了.....

 

靚靚ivy上網search過位於半島一樓的

The Verandah

當中的食評都得到很高的評價

雖然預算中高了一點

可是我想是值得的

便來一次吧....^^

 

 

The Verandah

是以半自助形式的

由前菜, 湯, 小食, 甜品均是任食

然後再來一道主菜

 

嘩..聽起想來都巳經很飽了..嘻嘻...

 

 

坐下服務員即送來一籃美味的麵包

然後還問我問要忌廉湯還是清湯

她會幫你送上的...

good...湯是任飲, 但都有服務員送上

服務真好啊...

 

湯送來, 先來一口

嘩...好香濃的忌廉及菇菇味啊...

而且還很滑溜

我們三人喝完一碗

真的很想再添飲啊...

可是想起還有很多食品及主菜

就暫時停一下..嘻嘻

 

 

慢慢享用了美味的餐湯

當然開始出動了....

這個長枱放滿了餐前小食/小點

旁邊有沙律, 壽司, 甜品等等

 

 

這裡有幾款壽司

雖然不能跟壽司店相比

但值得一讚是的的色色, 味道又唔錯喎

 

還有帶子, 大蝦碌喎...

 

 

 

冷盤有豬有鴨

 

 

 

 

 

 

看看這裡的各式各樣的美味又美麗的食品啊...

 

 

 

蕭c奶每樣拿小小來試試....

 

估不到那腐皮壽司, 好味啊..

 

看到那玻璃盛著的帶子嗎??

入口嫩滑加上汁料是酸酸的, 很配啊...

 

蝦夠大隻又夠爽口, good 呀

 

芝士波配蕃茄仔

 

還有我最愛的

 

 

 

第二輪了....

那些黃椒, 紅椒, 翠肉瓜沙律, 好味呀

仲有魷魚沙律及雞肉沙律好清新呀

 

(其實大家都見我只係小小小小咁啦...

但係我都巳經好飽了. 但係仲未食主菜及甜品喎...點攪!!!)

 

 

兩點正, 才叫服務員上主菜

 

我們每人要一款

就可以share一齊試了....

 

 

左:  燒盲鰽魚柳配炒鮮露笋及香菇伴銀魚柳汁

 

右:  上湯浸煮幼嫩春雞配蘑菇介指雲吞及田園素菜

 

後:  香煎香草牛仔餅配馬鈴薯蓉伴煙肉汁

 

 

 

服務把主菜送來時

剛好春雞在蕭c奶旁邊上菜

嘩..巳經聞到陣陣的清湯味啊...

 

先試一試春雞, 果真嫩滑,

若果預先不知它是春雞, 食落口時, 一定不知這是雞啊

那種肉的質感, 十分嫩, 不像雞肉的. 很特別!

 

牛肉餅及魚沒有春雞那麼突出

魚保持外皮脆, 肉滑

牛肉餅有啖啖的香草味, 不錯.

 

 

甜品時間到

甜品我通常都沒有甚麼食評

因為蕭c奶本身不太愛吃甜品

所以沒有特別評語啊...

 

你們用眼睛評評吧....

 

 

 

 

 

 

 

有酒店自家製的雪糕

 

香滑濃味.

 

 

忘了這款甜品名稱

但非常特別

一試愛上

 

上面的慕絲非常淡口及滑溜

是我的口味

 

最下面的黃色部份, 有種酸酸甜甜的果味

 

good呀.

 

 

 

 

 

 

嘩...有馬卡龍喎,

每色都試

做得非常好, 不算太甜

除了綠色那款

 

 

最後送上法式小甜點

供食客一邊享用咖啡/茶

 

 

 

 

有機會的朋友仔

都不妨找一次到半島試試...

貴精不貴多的自助餐

值得一試!!!

 

 

 

能夠約三五知己來relax一下

真的很幸福

 

這樣在繁忙的工作中

閒時抽一點時間

來慢慢享用午餐

真的很寫意, 很輕鬆

 

 

 

 

 

最後:

祝好友ivy: 生日快樂, 幸福愉快!!!

 

 

大執位...

 

嘩！！！！ 攪邊科？？？

 

地台大執位中。@@

 

嘻嘻....無啦啦無咩大執位

秘密!!!!

 

稍後公佈給大家知道啦!

密切留意呀.....呵呵...(懶巴閉)

有禮...

 

好開心又驚喜，星期六收到幾樣的小禮物：

有hei hei的handmade cupcake,

仲有winnie的自家製玫瑰曲奇，

還有慢小姐hand ​made的俄b電話套及髮圈呀！

全部禮物都是HANDMADE的，yeah.~~

 

謝謝hei hei送給我們的HandMade CupCake呀! 好靚呀! ~~

真係唔捨得食呀...