今年踏入我們的結婚三週年了.......
2010年6月18日 星期五
有啲進展了
哈哈。。好耐都無UPDATE吓我新屋的情況
係因為。。跟本無進展囉。。
都無嘢講 ，得啖激氣。
都費事寫呀。。
話說少爺吹三吹四之下
呢幾日終於都有啲啲嘢睇吓
不過都仲係未油WALL
想屎呀。。
門框及門送咗嚟
裝了門框，用咗啲木條固定咗佢
門未裝上
雲石吸咀都裝埋
WALL就只係油咗一層唔知咩啦。。
（佢話油咗，但我哋唔覺囉）
廚櫃送咗嚟，仲裝咗添
不過佢話個媒氣煮食爐表
要搵媒氣公司師傅嚟改一改個位
下面個櫃先可以裝到喎
所以今日星期六約咗媒氣公司嚟睇位
至於浴室上星期CONFIRM咗
都叫佢起埋貨比我哋
我哋同佢講咗6月27日要入伙
我真係睇吓佢點攪
佢仲叫少爺係時候準備張萬一蚊的支票
我睬佢都有味呀
總之佢要裝哂個廚櫃，油埋WALL及
裝埋個地枱，我就比錢。
而家唔比都咁拖我哋，比咗錢仲睬我哋
屎都唔比。就算係比，我都只會比
最多一半。
好了，講住咁多先。。。
行為修正
蕭C奶因為某些原因，所以有好多嘢都
要改變。。。朋友給了我以下的文章
叫做”行為修正”，我覺得很有用啊。。
跟大家分享一下。
甚麼叫”行為修正”？有甚麼要注意的地方？
“行為修正”(Behaviour Modification)是指改變一些不良的行為和習慣，主要有兩大方面要注意：飲食及生活習慣．
不良的飲食習慣 行為修正
＊暴飲暴食 每餐吃七成飽
＊嗜肥嗜甜嗜零食 戒除零食，肥膩及甜食
＊三餐在外吃 減少出外飲食
＊每餐5分鐘內完成 每餐進食時間20分鐘或以上
＊每餐不定時不定量 三餐定時定量
不良的生活習慣 行為修正
＊並無運動習慣 維持每星期3次運動
＊進餐後坐下看電視 進食後散步30分鐘
＊多坐 多站
＊多站 多行
＊餐後立即睡覺 餐後最少3小時才可睡覺
2010年6月17日 星期四
抽血結果@懷疑是紅斑狼瘡
一波未平, 一波又起....
真係一浪接一浪...
子宮頸的問題, 暫時有了決定
可以放埋一邊先
6月10日星期四, 下午回到公司
'鄧'都未坐暖
收到之前抽血的診所打嚟
護士話醫生約你明天回去看抽血報告
oh....聽見要看報告...心知不妙啊...
ok...明天早上11點, 無問題...
唉...一間就要去睇個私家醫生
有關子宮頸的問題
而家聽日早上又係睇醫生....
成個病'壞'咁囉...三日唔埋, 兩日就要見醫生
6月11日星期五, 早上11點正
到逹診所, 醫生叫名....敲門入去
坐抵....醫生就打開報告
醫生說: 報告出咗, 好多嘢, 都好正常, 無問題,
但係唯獨有一項的度數比較高.
'Anti-Nuclear Antibody抗核抗體' 呢一項度數比較高,
'Anti-Nuclear Antibody抗核抗體' 簡稱 'ANA'
正常為低於40, 但你係 '160', 高出咗好多.
ANA的診斷義意是在於分辨紅斑狼瘡的可能性
我便問: 紅斑狼瘡.......(唔係呀話.....又一樣煩嘢....我心諗.)
咁醫生咁即係點呀?
醫生答: 較常受影響的包括皮膚﹑關節和腎臟，
常見的病徵包括水腫﹑發燒﹑關節腄痛及發炎﹑
脫髮﹑皮膚出現紅斑或紅點? 咁你有無以上的問題?
我答: 無. 通通都無, 係隨咗皮膚痕囉...
醫生答: 如果你咩病徵都無, 表面咁診斷, 應該唔係紅斑狼瘡,
所以你唔好咁擔心先. 因為紅斑狼瘡, 係要有四項以上
的病徵, 先可以叫做紅斑狼瘡. 加上仲要驗埋其他嘢
先可以確定你係紅斑狼瘡.
我問: 咁而家應該點呀?
醫生答: 我會轉介你到醫院的內科專科到睇,
等內科部同你作最詳細的檢查. ok.
我答: 咁好啦.
之後我叫咗醫生簡單咁講解咗紅斑狼瘡其實係點的.
跟住, 我就打咗去博愛醫院到預約
個期都幾快, 下個月,即係7月20日
之後返到公司, 因為我有一位同事係有呢個病的
所以我請問咗佢有關紅斑狼瘡的問題,
佢好好, 仲同我講, 照表面睇唔似係,
因為我只得一個病徵, 就係皮膚, 同埋
同事話, 唔可以單睇ANA呢個度數
仲要驗埋其他的, 才可以確定.
而且同事仲問我, 係咪壓力大, 唔開心, 個人緊張
因為佢叫我放鬆啲, 有可能過多幾個月
呢個ANA度數有可能會變低的
佢話心情唔好, 壓力會影響
同埋佢話, 就算真係唔好彩有呢個病
係可以醫到的, 唔好咁怕.
ok. 聽完同事咁講, 都係個句
放鬆自己, 唔好比壓力,
都係既來之, 則安之.
當佢無到先, 到時先算啦.
2010年6月16日 星期三
第三位醫生的意見
6月9日星期三見完屯門醫院的郭醫生
返公司跟好友叻叻分析
又打了一通電話給好友蕉蕉分析
晚上又跟少爺好好的商量
初步大家都是覺得咩都唔做住
但心裡總有點不安
所以今日，6月10日星期四
下午約了另一位私家醫生
問問意見
到達Dr Leung的診所
本應心情緊張， 可是給reception的
護士攪到我無時間緊張
因為護士小姐係咪同我閒聊
都好的，分散吓啲注意力
有時係出面到‘等’入去見醫生
其實係好難受的，個心好唔定的
等咗十分鐘左右
終於都叫我個名了
入到去，Dr Leung ， 一名女醫生
Dr Leung問我咩事？？？
我就將由我發現子宮頸的問題
做咗手術，之後的屯門醫院的郭醫生的見議
總之就將成件事，一五一十講比Dr Leung知
我其實係想知我究竟而家應該做咩好？
Dr Leung一見到我的主診醫生Dr Chan的報告
Dr Leung就同我講，原來你係Dr Chan的病人
佢就同我講：係香港，有關子宮頸的問題，腫瘤等
呢方面的，只有幾位醫生最TOP，而家幫你做手術
的Dr Chan係其中的一位。
（Dr Leung一講話Dr Chan係咁TOP，果一刻個心
其實實在好多）
跟住我答：係呀。
Dr Leung就講： 係呀。Dr Chan係好專業，
同埋好有經驗的醫生嚟嫁。
講番你的問題先。
做多次切割手術都可以，
但係都認為無需要咁急切，
加上你剛做完，傷口都正在
復元。我認為三個月後，起碼
抽一次細胞化驗才作決定。
跟住我問：咁如果我真係決定咩都唔做，
擇定期抽細胞化驗，但同時
我又可以生BB。 但我又想知，
咁係咪我生完BB先可以再繼續
抽細胞，定係話BB同抽細胞可以
共存一齊做的？
Dr Leung就講： 係兩樣一齊共存的。唔會影響
BB的。放心。只係若果做切割
手術，因為宮頸少咗，會比較容易
流產。要份外小心。同埋子宮的原
位癌要變成癌症，係比較慢的時間。
若果病人定期抽取細胞，可以早點發
覺，就可以早點醫冶。
其實你唔好太過擔心，因為Dr Chan
係一位好有經驗的醫生。其實我認為
當Dr Chan接你的CASE時，幫你由檢
查到做手術，以至出埋REPORT。
Dr Chan其實巳經心裡有數，你的病情
係去到邊個地步。應該要做咩的。
所以你應該要有信心，唔好擔心。
Dr Chan既然叫你6個月後先抽細胞，
而屯門醫生又可以安排你3個月去抽，
咁我認為兩邊一齊睇，可以有雙重保障，
兩邊一齊FOLLOW，就可以安全好多。
跟住我問：咁3個月抽一次，會唔會密咗啲，對子宮頸
唔好呢？
Dr Leung就講： 唔會。 不過如果你係想生BB，
我會見議你，若果抽咗一次細胞，
或者直至到去埋Dr Chan到抽埋，
化驗報告出咗無問題的話。
我認為你需要盡快有BB，
因為你唔知細胞會幾時變，
若果有幸生咗一個，到時如困不幸
細胞真係有異變，咁你起碼都巳經
生咗 BB，到時有咩事，都可以容易
決定。
跟住我答：咁又係。 我都明白醫生你的意思。
其實我自己都係咁樣分析的。
之後，Dr Leung幫我作身體的子宮檢查，
佢都話個傷口埋得好好，放心。
佢又係話Dr Chan都切割得幾深幾濶
若果要再做，都可以做到的。
檢查完後，都無咩要問了
起碼都得出咗一個比較安心的答案
就係睇多三個月至半年
都係抽第一次細胞，先再才打算
總之係呢幾個月裡，好好減壓，放鬆自己
保持心情開朗，等啲細胞唔好變啦。。。
離開診所，就打比少爺，叻叻佢哋
報告咗比佢哋先
跟住都未趕得切打比蕉蕉，
蕉蕉就打咗比我了。
暫時叫做可以安心啲。
但係一波未平，一波又起呢。。。。
就係抽血結果出咗
今日下午，就收到護士打嚟
約我明天6月11日早上11點
番去見醫生及聽報告
唉。。。仲諗住幾日無收到電話
應該無事。。BUT。。。NO囉。。
不過我自己咁諗
我覺得抽血真係出咗問題
應該無子宮咁緊要掛。。
同埋我開始學放鬆自
既來之，則安之吧。
不過我好唔鐘意
就係呢排日日都好似病壞咁囉
日日去見醫生
當然心情唔係幾多好
不過我會好好咁控制的
都係果句
既來之，則安之！
2010年6月14日 星期一
少爺出trip@台灣
少爺要去台灣工幹
三日兩夜
yeah...蕭c奶放假......
不過...其實少爺明晚就返香港lu....
我唔會去接機了...
係屋企乖乖咁等少爺返嚟啊....
又或者到時
係車站等佢都好嫁....
唔知少爺有無時間買手信比我呢?
訂閱：
文章 (Atom)