2009年11月16日(星期一)
嘩...天氣真係凍咗好多呀
好彩蕭c奶上個星期向老闆請咗兩天假
今日同聽日都放假
可以好好咁休息吓
今日唔係瞓得好晏咋
起咗身食過早餐
就去咗元朗到報名
報名?????
之唔係...蕭c奶同少爺一齊報讀日文囉...
嘻嘻...
下年一月開學, 逢星期六晚上7點
原本係同愛麗詩讀
可惜因為工聯會的地點及時間
點夾都夾唔到
原本諗住自己學
點知, 少爺聽到話得我一個人讀
佢就話陪我讀喎...
都係好事, 可以一齊練習嘛.
因為今晚約咗少爺家姐上嚟打邊爐
咁報完名, 就去買定啲打邊爐食物囉...
今次無平時咁大陣像lu....
因為家姐食好少嘢, 而我同少爺都唔可以食太多
所以都係買咗啲好普通的嘢咋...
加上早幾日去咗sogo到買咗一大隻 '皇帝蟹'
比少爺及家姐食
所以其實少少的食物都夠哂...
就係呢隻 '皇帝蟹' 了
早前係sogo到做特價
隻隻都過1kg, 每隻$355.8元
之前同少爺行sogo時, 巳經好想買
不過見幾百蚊, 又唔係好捨得買喎
今次得蕭c奶一個人行, 諗起少爺,
不如就比個驚喜少爺啦
加上諗起少爺家姐都like
所以就買, 仲即刻約定家姐嚟食蟹及打邊爐囉
小肥羊...最終都忍唔住買咗嚟食
唔肥的肥牛..
老公最愛的金菇
新鮮海蝦
少爺家姐指定的....竹笙
唐篙 (其實唔知點打)
西洋菜
油麥菜
牛丸, 芝士丸, 蟹子丸, 魚丸及蟹柳
新鮮帶子
桶蠔
三個人咩都夠食了
開餐了, 呢兩姊弟好忙喎...係咁拆蟹鉗
蕭c奶就好得閒, 因為唔可以食咁多
都係專登買嚟比佢哋咋...
少爺比咗個蟹鉗蕭c奶, 叫我將個蟹柳及真係蟹鉗影相喎
唉...蕭c奶就係咁. 少爺話咩就咩, 我又跟佢咁傻.
少爺家姐拆得靚好多喎....
嘩...一啖咬落去又真係幾爽嫁...
家姐好快手就食飽了
我哋倆個都係
所以又食淨咗啲嘢了
聽日又要繼續打邊爐lu...
其實醫師係唔比蕭c奶打邊爐嫁
不過以蕭c奶的性格
點忍得呀...所以一, 兩次都ok掛
蕭c奶唔理咁多呀
因為太愛打邊爐呀....
