今日係蕭少爺的生日
係到同少爺講聲:
生日快樂!
2009年7月3日 星期五
準備做電療
係時候又要報告一吓
媽咪的最新情況
話說等咗好耐都未見醫院通知
係6月中開始
媽咪親自打電話問過
又親自去醫院問過
幾時先有得做呢????
答案都係: 叫你等電話.
最後...蕭C奶忍唔住, 就親自打咗個電話去問個清楚.
個姑娘好好, 解釋咗好詳細比我知,
咁佢仲話差唔多了, 下個星期應該會收到電話通知,
仲叫我哋放心, 唔駛驚.
咁我即管等埋下星期啦...
到最後, 醫院真係有打比媽咪
叫佢6月30日及7月2日
呢兩日都要返去醫院檢查
無問題的話
7月6日就可以正式做電療
聽媽咪講30號及2號的檢查
係好辛苦的
原來今次係要check清楚及劃位
劃位呢方面醫護人員都要好仔細,
好清楚, 好準備, 好專業
咁劃得好準好準,好正確先得
稍有少少移位, 都唔可以
又要再劃過
當中最辛苦的係媽咪
因為媽咪話要保持一啲姿勢
係講緊要好長時間
媽咪好叻好勁....因為佢心知
佢一定要忍, 因為佢知一郁咗少少
又要再重頭做過
佢知道除咗會浪費大家的時間之外
最重要媽咪唔想再做同一個姿勢
因為佢話真係好辛苦
所以媽咪話係做的過程
一定要忍
媽咪你真係好叻, 好堅強
我哋做後生的, 真係要向你學習
真係唔好遇到少少挫折就係到怨
要學識堅強
總算幸運, 無驚無險又過咗呢兩日checking
下個星期一就開始第一次電療
願上天保佑一切平安, 順利!
2009年7月2日 星期四
2009年7月1日 星期三
自製銀針粉
２００９年７月１日
之前同事翠姐自製銀針粉
蕭Ｃ奶聽到之後
覺得好勁呀， 自己製銀針粉
唔係呀嘛．．．．
以為好難整
跟住經翠姐講解後
原來係好容易整的
早前翠姐仲親自帶蕭Ｃ奶去買材料添
不過一直未有時間
（都話呢排蕭Ｃ奶太多節目啊．．．）
諗住今日約好媽咪一齊整啦
明明約好咗嫁嘛
點知媽咪放我飛機囉．．．．
約咗人， 唔理我呀．．．嗚嗚嗚．．．
咁我就唔等媽咪了
開始整：
將澄粉及木薯粉撈勻， 搓成粉團
用手取一團仔粉團
雙手來回搓成長條狀
睇吓搓咗幾多．．．
見唔見呀，好實的白色
排好係碟後， 用猛火蒸四至五分鐘
睇吓下面張相， 同上面張相比較
蒸咗之後，由實的白色，
變成咗咁精瑩通透的銀針粉了
嚟張近鏡睇睇．．．好靚呀．
真係好精瑩通透啊．．
今日就係整咗呢到咁多咋
好容易整， 下次再等我整多啲先
隨意咁係屋企到搵咗啲料
隨意咁炒咗呢碟雜錦炒銀針粉
個賣相好靚呀，啲銀針粉好似出去買咁呢
蕭Ｃ奶你好叻啊．．
呢個係蕭少爺明天的午餐啊．．
少爺你好
蕭Ｃ奶今日好開心
因為成功整咗銀針粉
ｙｅａｈ．．．
神奇清潔泡綿＠最好用牌子
大家唔知記唔記得
係新年時， 蕭Ｃ奶介紹咗一款
神奇清潔泡綿(科技泡綿)
比大家認識的
詳細如下，請ｃｌｉｃｋ：
http://hk.myblog.yahoo.com/jobechan0911/article?mid=3464
因為之前介紹比大家的
未係最好用的牌子
而家因為買到最好最好的
所以又要比大家睇吓真正最好用最正的
係以下呢款
係千色店或者實恵有得買
原價＄１６一包
記得認住 '激落' 先好買，
仲有左上角的 'ＬＥＣ' 的牌子，ｏｋ
仲有要認住 包裝的 眼仔樣呀， ｏｋ
希望大家都可以
輕輕鬆鬆咁係屋企做家務啦！
神奇洗碗布
蕭C奶好似好耐無介紹啲新的家居用品比大家添
終於都有了.....
只係蕭C奶呢排太多節目
未能抽空post比大家
當然每次蕭C奶一定要預先自己用過先
咁先可以介紹比大家
今次要介紹的好適合女士們啊...
做老公的見到有咁好介紹
記得唔好話比老婆仔聽住
買咗返嚟先
然後送比老婆仔.....咁老婆仔一定好冧好甜啊
一定會覺得做老公的你...好細心啊...
做仔女的買嚟送比媽媽
媽媽收到, 一定又係好冧好開心
究竟係咩呢....
'鄧鄧鄧鄧'......就係
不用洗潔精的洗碗布
我哋做女士的唔多唔少都要用洗潔精
嚟洗碗, 抺吓廚房的爐呀, 磚呀, 牆呀等等
其實好傷皮膚, 對手好容易會 '鞋' 哂, 唔滑
而家用咗呢款洗碗布
咁就相對哋會用少咗洗潔精
唔係想慳洗潔精
係想好好咁保護我哋隻手啫...
知冇!
有人或者會話戴手套咪得囉
都係一個方法
不過我蕭C奶一向做所有家務
都不喜歡戴手套
呢一點因人而異
唔好駁我, ok.
蕭Ｃ奶買咗番嚟
第一時間洗碗．．．
哈哈哈．．．好正呀．
真係唔駛洗潔精
好乾淨， 好神奇啊．．
跟住第二日比媽咪玩吓
媽咪洗完都話好鬼神奇啊．．．
唔駛用洗潔精都可以除去油漬及污垢
咁啲洗潔精去咗邊呢．．．
咁因為蕭Ｃ奶唔識日文嫁
唔鬼理ｌｕ．．．總之唔駛用洗潔精就得啦．．．
就係呢款了
大家認住個封面呀
千色店而家買緊＄４５一包， 有５條
背面係咁的， 有好詳細解釋
除咗用嚟洗碗, 仲可以抺吓廚房的爐呀, 磚呀, 牆呀
佢仲可以抺窗添呀
抺窗蕭Ｃ奶未試，但係同事就試咗，佢話超乾淨
記得認住 '激落' 先好買，
因為有同事買咗無'激落'的字， 係唔得嫁．
仲有要認住 包裝的 眼仔樣呀， ｏｋ
不過蕭Ｃ奶試過整完蛋糕之後
洗啲用具， 但係用呢條洗碗布係唔得嫁
我諗洗走啲煮食油係ｏｋ， 但係牛油就唔得了
洗唔到嫁， 仲有啲油淋淋的感覺
所以蕭Ｃ奶試用後
認為用係洗碗時係最有效的
雖然蕭Ｃ奶唔識日文
但係估應該係條布的質料用咗啲唔知咩纖維做
又加上有啲唔知咩化學作用呀．．撈埋一齊
令到佢咁神奇
唔駛用洗潔精都可以除去油漬及污垢
總之一句講哂
值得買嚟用呀
希望大家滿意今次的介紹啦！
訂閱：
文章 (Atom)