2009年5月19日(星期二)
今晚補回好友'蕉蕉'的生日飯局
因為蕭C奶病了, 但是連主角 '蕉蕉' 都病
所以這餐生日飯局改到今日才可以慶祝啊...
今日的地點為銅鑼灣的東湖海鮮酒家
呢間係有次叻叻介紹咗比蕭C奶
蕭C奶就帶咗左髀媽媽去光顧過
覺得好好味, 服務都唔錯而且環境都好乾淨
加上我仲係病緊, 有好多嘢都唔食得
所以就希望食中餐囉...
謝謝各位好友的體諒.
蕉蕉祝您: 生日快樂, 繼續咁靚啊!
主角 蕉蕉及蕉老公
經理做的士多啤梨蛋糕
我就有得睇無得食..因為咳啊...
切蛋糕了...
其他照片
沙薑雞腳
畔水翠芹香
竹笙如意燒豆腐
咸魚茸家鄉煎藕餅
奇妙沙拉骨
砵酒焗鱔球
鮮腐竹魚肚浸時菜
鮮淮山浸菜苗
米通鯪魚球
家鄉砂鍋滋味雞
唔記得係咩蛋角, 因為係之後叫的
生果拼盆
另外多謝好友ivy姐的韓國手信啊...
每人一份, 永不落空!
又係時候要報告一吓左髀媽媽的病情啊...
因為身邊有好多同事及朋友仔都成日問候左髀媽媽
又話我做咩唔update吓媽媽的近況
oh...唔好咁啦...我都唔想嫁
因為病咗無mood啊
我都最近呢幾日精神好多
才開始update番個blog呀...
左髀媽媽原定要準備約做電療
做完手術之後
見完張醫生,
檢查好身體及傷口
沒有問題, 仲埋口埋得好好
不過左髀媽媽話手有少少 '泌泌'哋咁
而且唔可以提高隻手, 因為肌肉會 綳綳緊
但係張醫生話係正常
要過多三至四個星期會轉好
叫媽媽要做多少少手部運動
見完張醫生, 咁就返去屯門醫院到覆診及排期做電療
但係因為左髀媽媽的手提唔到高啊
所以醫生有見及此
立刻安排媽媽做物理治療
要盡快將手練習到可以提高先可以做電療
所以左髀媽媽而家每日要到醫院做物理治療
做咗真係好好多呀
媽媽的手而家可以同個膞頭平排
目標係要再舉高啲啊...
各位朋友仔啊...
放心啦. 暫時媽媽都好好啊....
不過有時我都比媽媽激死
因為佢的手係唔可以攞重嘢
及要多點時間好好休息嫁嘛
但係佢好唔聽話嫁...
我都成日要話左髀媽媽囉....
點都好, 祝好運永遠陪伴在媽媽身邊!
2009年5月21日(星期四)
今日蕭C奶偷懶啊..
因為咳到夜晚瞓得唔好
攪到呢幾日都好攰,唔想返工啊
今早鬧鐘響, 禁息咗之後
真係個頭好攰, 好唔想起身呀
所以決定唔返工了, 請假一天
好好瞓一覺, 補充番啲精神先
瞓到十一點左右
比好友'蕉蕉'的來電嘈醒咗囉....
跟住再瞓多一陣
覺得真係精神好 就起身
跟住約咗朋友仔---阿yan去咗元朗到行一陣及食吓嘢
傾吓講吓, 咁又到咗五點lu..
我就要返屋企煮飯
阿yan就出去旺角同朋友仔食飯了
而我媽咪入咗嚟
所以今晚我哋三個一齊食飯
煎紅衫魚
煎到個外皮脆卟卟啊...好好味...
蕃茄煮豬扒
係我的至愛, 因為酸酸哋囉...
節瓜冬菇煮豬肉
第一次煮, 聽媽咪教點煮, 唔錯呀, 好味, 清清哋
咁又過咗一個好寫意的一天
今日瞓得足夠
真係差好遠啊...精神真係靚好多囉...
聽日又要努力工作了
2009年5月16 及 17日
(星期六及日)
大掃除日
呢排蕭C奶真的病到咩都無做過
就算間屋幾唔掂都好
蕭C奶真係無能為力了...
終於早幾日蕭C奶真係頂唔住了
就約好蕭少爺這個星期六及日實行大掃除行動
首先係主人房先, 先嚟大變身
移吓啲位先...而家好好多啊....移咗位間房仲大咗
最後我哋仲買咗個四層的櫃添
咁蕭C奶又可以多咗個空間擺嘢lu....
嘩...然後就勁了, 蕭少爺又要抺窗, 抺地,
洗風扇, 洗厠所, 洗冷氣機, 仲要將啲雜物清理等等
咁蕭C奶係到點咩呢????哈哈..
咪做監督囉....
唔係...我都要做助手嫁. 咪洗吓其他嘢囉
有時咪幫吓蕭少爺手咁囉...
到咗細房, 因為一早當咗佢係雜物房咁
好多嘢, 又亂....
最近因為好想執好間房,
想買套新牀'玉'及被鋪
想有時等媽咪, 奶奶佢哋邊個想嚟住幾日
都有間是正啲的房比佢哋瞓啊...
所以今日最滿意的就係執好呢個房囉...
今次仲有心機過新年的大掃除
蕭少爺同蕭C奶講: 老婆呀, 點解我哋住咗成兩年先認真咁打掃嫁???
而我哋可能都就快分到共屋了, 而家先執屋.
講完我都覺得攪笑,
咁都唔緊要啦, 而家間屋執得好好呀
仲大咗啲添喎..哈哈...
好鬼乾淨, 好舒服呀
打掃的時候
洗啲毛巾呀...黑到無得再黑呀...
而家就白到無得到白呀....yeah!
打掃咗兩日
蕭少爺同蕭C奶都攰到想屎呀....
不過就超有滿足感囉...
(啲C奶本色又嚟了, 少少嘢都興奮一餐,
仲攪到星期日晚瞓唔著喎....)
下次的大掃除可能真係要到新年啊...
其實希望唔會啦.....
間屋乾淨啲, 人都醒神啲,
病都快好啲!
