2009年5月18日(星期一)
可能星期六及日太過興奮
攪到琴晚瞓唔著喎...嘻嘻...
所以今日都不是太精神啊...
而我的病呢...就好咗好多
淨番咳囉...但都咳少咗嫁了
不過一到瞓覺就會勁咳囉..比較辛苦啲
今日是媽咪的生日
上年的今日我就同媽咪係日本了
今年sorry呀...媽咪..無得同你去玩啊
一來你要好好休養, 而我呢位囡囡呢
就病到九彩, 下年啦...
等你好番, 我一定會同你去玩餐勁的...
今年就簡簡單單咁食餐生日飯慶祝
係到祝媽咪: 身體健康, 快啲好番,
生活快快樂樂, 無哂煩惱!
點解媽咪無除眼鏡的....嘻嘻
倆婆孫.....
生日快樂啊...下次我會親自整番嫁了....
呢個孫仔...成日影相都係咁嫁...
笑到....
嘩...我真係水腫咗好多呀....好腫.
許願了....祝媽咪願望成真!
分享是一種智慧！
你擁有六個蘋果的時候，千萬不要把它們都吃掉，
因為你把六個蘋果全都吃掉，你也只吃到了六個蘋果，
只吃到了一種味道，那就是蘋果的味道。
如果你把六個蘋果中的五個拿出來給別人吃，
儘管表面上你丟了五個蘋果，
但實際上你卻得到了其他五個人的友情和好感。
以後你還能得到更多，當別人有了別的水果的時候
也一定會和你分享，你會從這個人手裡得到一個橘子，
那個人手裡得到一個梨，最後你可能就得到了六種不同的水果，
六種不同的味道，六種不同的顏色，六個人的友誼。
人一定要學會用你擁有的東西去換取對你來說更加重要和豐富的東西。
所以說，放棄是一種智慧。
做人最大的樂趣在於通過奮鬥去獲得我們想要的東西，
有缺點意味著我們可以進一步完美，有匱乏之處意味著我們可以進一步努力。
蕭C奶睇完這篇文章，好想同大家分享啊。
從上面分享的道理，哈哈， 証明蕭C奶係智慧型嚟的。
因為我一向都愛與朋友分享所有的好與壞！
蕭C奶今日為大家介紹的
唔知你哋又試用過未呢
係年幾前, 我睇開的中醫到
買咗呢盒嘢番嚟
當時盒上寫: 吸濕, 排毒, 廋身及不眠改善
見係日本製而當時又唔貴
咪一心買嚟試吓囉....
可能嗰時個人體質好啦, 用咗都唔覺有咩好
但最近因為蕭C奶病得太勁了
而且識我的多年好友都會知
我係一位勁濕氣重, 又多肝火,
夜晚成日要起身兩至三次去夜尿的人
所睡眠質素勁差的人
最近又因為加上咳, 仲加唔駛瞓
突然諗起呢盒嘢....
即刻叫老公幫我係瞓覺前貼
嘩....可能而家真係身體勁差啦
貼咗呢幾日, 無起身喎, 仲好好瞓添呀...
簡直係我的救星囉...
我同老公及朋友都研究過
其實真係唔知佢係咩原理
點解貼前係白色, 過咗一晚之後
佢話會幫你吸咗身體的濕氣呀, 廢物呀等等出嚟
用法係咁的, 可以貼係腳板, 背, 手肘, 肩膀上, 大腿, 小腿, 腹部等
但佢話最好貼腳板的
撕去黏貼膠布, 將有字的一面貼在膠布, 雪白的一面貼向腳板或所需要
身體的部位, 以黏貼膠布貼緊, 固定位置, 待5-8個小時後,
便可以撕去, 丟掉, 用後如有藥液黏附腳板, 請即時洗腳.
早上撕開,嘩...真係變咗啲深啡色喎....
雖然唔知佢係真定假?
但係朋友仔話如果係心理作用
但係可以真係另到你瞓到, 唔駛起身
都抵啦...
咁我都認為係咁, 因為瞓得唔好
真係好煩人啊...
睇吓....係咪好核突呢...哈哈...
最神奇係...我兩邊肩膀都成日好似千斤重咁
前晚因為肩膀好攰咁, 成日都係咁
咁前晚無貼腳, 貼咗係肩膀到
真係好神奇囉...早上起床, 撕開咗
當然又係有深啡色啦, 不過無腳板咁勁喎
但係就真係無咗千斤重喎
所以我就覺得佢係work的
不過, 我中醫嗰度而家無得買lu...
但比我係萬寧到見到以下呢款
大家睇吓張相, 有無印象見過呢
竹酢和田保健貼
呢款只係係萬寧到有得買
我唔見其他有呀, 如有通知我啦
而家做89元, 買一送一, 即係平均4十幾一盒
我大手掃咗幾盒
聽人講話有時會再平啲,
3十幾一盒添呀...我要多啲留意至得
若果大家都有肌肉攰, 瞓得唔好
或者覺得自己濕氣好重等等
不妨試吓啦...
佢雖然話有廋身功能, 但我,老公及朋友仔都傾過
廋身呢方面就覺得未必有了,
反而我真係自己試用過,
係疲勞及睡眠質素方面係有效的
都係嗰句啦...真係唔知係咪 '心理因素'
但都真係不妨一試
最後...blog友米奇都有用呀..
我引用咗佢, 大家不妨都可以睇吓佢用咗的感想啦.
http://hk.myblog.yahoo.com/cyh_mickey/article?mid=5736&suc=1
2009年5月13日(星期三)
哈哈...終於都可以煮飯了
個人精神好多了
其實琴晚星期二
都有煮飯嫁, 不過無影到相之嘛.
講番今晚先
蕭C奶足足半個月無煮飯了
個人因為想多啲休息
又唔想再食粥
又唔想放咗工返入去媽咪或者奶奶到食
因為食完又要坐車返屋企
好攰呀...所以自己煮番啦
灼海螺
灼生菜
蕃茄煮牛肉
蒸師頭魚
2009年5月14日(星期四)
今日好開心呀
因為lunch的時候
可以同我的超級好友一齊食飯
我哋好耐無見了
啲飯局因為我又病, 蕉又病, 一改再改
所以我哋一直都無機會見過面
佢今日見到我, 話我真係瘦咗啲...嘻嘻
(心裡不禁有點點開心)
不過我自己唔覺囉...因為一樣咁肥喎...哈哈
阿榮老公今日打比我
問今晚食咩????
我答佢: 咪煮飯囉...
佢話: 好呀好呀....我真係好耐無咩點食過老婆煮的靚餸lu...
又係的.....
暑仔炆雞翼
灼菜心
2009年5月14日(星期四)
大家好呀.好耐無見呀.
因為蕭C奶病到而家都未好番
今日剛好病夠半個月(15日)
痴線嫁...半個月呀....真係好悶
最慘係而家仲係好攰同埋....咳呀...
咳係最煩啦...
而家咩都唔食得, 大家都知蕭C奶好餵食嫁啦
好鐘意食嘢嫁嘛...
好想食壽司, 好想食泰國菜, 好想食韓燒,
好想食生果, 好想食有糖水的豆腐花,
好想食好多嘢呀......
嗚嗚嗚.....幾時先唔咳呀....
31號朋友仔約咗蕭少爺及蕭C奶BBQ,
距離仲有半個月, 我當然係好想去啦...
除咗因為好想BBQ外, 亦因為好耐無見呢堆朋友仔呢
好想大家一齊聚吓囉...
其實仲有一位朋友LUK LING搬咗新居
一次都未去過, 又係約去佢到BBQ
但都因為我未病好, 無份啊...
而另一位車厘子, 又係搬咗新居,
諗住去佢到攪大食會坐吓...又係因為病無得去...
除咗病, 攪到我食唔到好嘢之外
仲要係錢都去咗啲醫生到
精神又唔好, 又無MOOD
又要無得見媽咪, 奶奶佢哋
又無得去街, 去玩,
淨係係屋企....真係好悶呀..
最慘係蕭少爺囉
連帶佢都咩都無得食, 無得玩, 無得休息
仲要照顧埋我添...又要擔心我
又要返工, 又要煮飯, 又要做家務
仲要有時受吓我啲脾氣仔添...嘻嘻
(似病賣病!)
都唔知係咪風水唔好
可能真係要搵啲辦法攪攪佢先
因為我媽咪有病,
阿哥又工傷, 而家又輪到我....
好驚呀...下個會係邊個...我都唔想囉...
蕭C奶好想快啲好番
好想煮靚餸及整CAKE呀
仲想同大家吃喝玩樂啊....
不經不覺和阿榮老公共同生活了兩年啊
時間過得真的很快
和阿榮老公像剛剛結婚似的
真不像兩年啊...
聽人家說過, 若果結了婚很多年,
但還是覺得像新婚
那就恭喜你了...
這証明你們的婚姻相當幸福美滿
是的....開心的時光永遠是最快過的
結婚週年會想到甚麼?
想到由拍拖變成夫婦
想到求婚的情境
想到當時倆人一起籌備婚禮的過程
想到婚禮當天的歡笑
想到很多...
回憶永遠是最美的
人世間的愛所追求的是[曾經擁有],
甚至有些人[一夜情]
但我倆所追求的乃是 [天長地久], 一生一世
有些人或許會取笑
但很多人心底裡仍很期朌
由倆人認識, 相戀至結合
是有目的
結婚也有目的
目的乃是學習 ''愛''
追求 [天長地久, 一生一世]的愛
於這兩年的結婚生活
我倆不繼學習夫婦的相處之道
使我倆更加了解對方
經過很多事情之後
彼此更加努力學習
學會用心
體諒, 體貼, 尊重, 包容, 愛, 付出, 忍讓, 扶持等等
從而增加了我倆的溝通及處事態度
倆人一起生活
各個方面都需要共同努力及付出
才可以擁有幸福美滿的婚姻
但願大家也一起努力吧!
2009年5月8日(星期五)
琴晚又咳了....狂咳呀...又係無瞓過咁
真係想屎囉....
個鬧鐘一響...超唔想起身呀...
返到公司, 個精神都好好嫁喎...
但係無端端到咗十一點幾
個頭開始唔係好舒服
對眼集中唔到, 暈又唔係暈喎, 痛又唔係痛喎
總之就頭有啲唔舒服啦...
後來咪同老細講
無咩特別工作要做
我想下午放病假啊
咁老細話, 好呀, 唔舒服都係早啲返去休息吓
因為帶咗飯, 所以食埋先走囉
食完lunch, 執嘢諗住走人之制
突然發現...無帶鎖匙...
都好彩係未返到屋企時才發現囉
如果唔係....我一定超唔happy呀
即刻打比阿哥, 叫佢攞比我
返到去, 阿哥仲買咗啲餸
幫我洗好, 切好之後
我都無理佢, 因為我要瞓呀
所以我都唔知阿哥幾時走了
瞓到七點左右
超床, 煲飯先
等阿榮老公返嚟
咁就可以
蒸魚
蒸排骨
蒜茸炒菜心仔
