瑤柱節瓜甫
成日去飲都有呢個餸, 都心思思好想試吓整嫁了, 較早前老爺買咗啲日本瑤柱比我, 咁嗰日去買餸, 見啲節瓜好鬼靚, 就買定嚟整呢個瑤柱節瓜甫囉...
原來呢道菜好鬼容易做, 超簡單, 賣相好靚, 好鬼矜貴喎, 簡直係宴客之選！
材料：
節瓜2個（切成2cm厚）
瑤柱適量（視乎切多少件節瓜）（浸軟）
上湯半杯
調味：
蠔油一湯匙
老抽半湯匙
砂糖一茶匙
埋獻:
生粉少許
做法：
(1) 先將瑤柱用水浸軟, 備用. (最好起碼浸一個小時), 然後隔水蒸10至15分鐘,
(因為我今次無做呢個動作, 所以啲瑤柱比較韌), 備用.
(2) 洗淨節瓜及去表皮, 不要刮太深, 因為外觀無咁靚嫁.
(3) 在每件節瓜中間用匙刮出一個小洞，把蒸過的瑤柱放在中間。
(4) 把節瓜平放在碟上，淋入上湯，隔水蒸30分鐘。
(5) 把蒸好的節瓜水和上湯倒出來，加入調味料再煮滾, 加入生粉水埋獻。
(6) 便可淋在節瓜瑤柱甫上，完成！
注意
完全無難度，但千萬不要把蒸好的上湯倒掉，要留下做獻汁。
2009年4月4日 (星期六)
清明節及兒童節
病咗幾日, 都無好好咁煮過靚餸
攪到自己及老公都無啖好食咁呢
無計啦...鬼叫蕭C奶唔舒服咩...
今日只係瞓到九點半
阿榮老公早過我起身喎...
我見瞓夠了...不如早啲落去嘆個早餐先
好耐都無同老公嘆早餐了...
食完早餐...見個頭有少少暈暈哋,
我都唔敢係條街到行咁耐...
老公就拖我番屋企休息吓了...
番到屋企我就瞓係張sofa到休息吓
跟住阿榮老公就開咗日劇嚟睇
今次我哋睇的係叫做
交涉人
交涉人即係談判專家
由米倉涼子做女主角
好好睇, 好刺激
所以我哋用咗一日時間
就睇哂全套lu....
朋友仔, 有機會都睇吓啦....
又一好劇介紹
今日煮咗兩個我從來都未煮過的餸
就係
瑤柱節瓜甫
及
蒜茸蒸茄子
食譜稍後補上
瑤柱節瓜甫
蒜茸蒸茄子
今次我好滿意個瑤柱節瓜甫的獻汁,
我自己覺得好靚同埋個味道剛剛好.
禮儀師の鳴奏曲
好久，沒有看過這麼好看的電影了。
某天看了這電影，久久不能說話。
電影的主題實際上十分沉重，但是電影沒有刻意地借題發揮摧淚一番，
反之，電影中，充滿了人與人之間的情
電影從新的禮儀師入職開始說起，
從開始的憎惡對後來的領悟，
親人對去世者的懷念，
原來，許多的人，
等待親人去世的時候，才好好去看清楚她的面容。
兒子看着母親的靈柩被火點燃的瞬間，
才察覺到母親對自己的關心。
火葬場的操作員，
比喻自己是守着生死之門的看守人，
看着老朋友一個個被送到火燄中成了塵土...
故事選擇在主角的故鄉，
舊時的事，
舊時的人，
老舊的浴場，
都是情。
禮儀師每天為去世的人清潔冷冰冰的身體，
每天看着他們的親戚悲傷送別，
才會感覺到擁抱身邊的人，仍然感覺到對方体溫的可貴。
時間一天天的急馳，
雙親，你愛的人，甚至你自己也一天比一天接近死亡。
請在這有效日期內，
給他們知道你對他們的愛，
能牽手的時候，請別只是肩並肩，
能擁抱的時候，請別只是手牽手，
能在一起的時候，請別輕易分開
在一切變得太遲以前。
「死亡不是一個終結，死亡只是一扇門，穿越了這扇門便會去到另一個境界。」---《禮儀師之鳴奏曲》
好睇指數:
2009年4月3日(星期五)
今天真的沒有上班啊
因為真的很不舒服
其實感冒巳經好了很多
但是可能因為吃了西藥的問題
頭還是頭重重的
暈暈的
很累, 沒有精神,也沒有胃口
又口渴
今天巳經睡到十二點左右就起床
吃少少東西, 上吓網
頭又開始唔知想點咁
到咗四點左右
又去睡覺....一睡就巳經是晚上六點半了
肚有點空空的
等不及老公買外賣回來
自己就滾了個紅棗豬潤廋肉湯
一口氣飲了三碗...因為口實在太乾渴了
很想補充一吓
過了一會, 老公終於回來了
真好...有飯食了...
吃過晚飯
因為悶了一整天啊
電視又沒甚麼好看
我便提意開套戲來看看吧..
我們便開了P.S. I Love You來看
本應我要先看了書才看戲的
但是因為書我借了給愛麗詩
而且其它的戲又不想看
所以沒有辦法了...
看了這套..沒有想像中這麼好看
朋友說書比戲好看多了
看來我要等愛麗詩看完了後
我真的要好好的看看書吧...
這樣又過了一天
悶悶的病假
呆呆的在家中
希望這個星期內回復體力
蕭C奶最近試了
灣仔碼頭新推出的
'辣四季豆豬肉' 餃子
好好味....因為佢係中度辣
如果有朋友仔喜歡食辣的
不妨試吓啦....
另外...
平時蕭C奶用的麻油
不太講究
只看價錢
最緊要係平
因為蕭C奶認為款款麻油都是差不多啫
總之係麻油的都會香嫁啦
所以最緊要平...
不過最近蕭C奶成日聽到人人都話
日本的麻油
係非常非常之香
同平時嗰啲麻油係完全唔同
剛巧蕭C奶屋企的麻油用完了
蕭C奶就心思思去到超市睇吓啲日本麻油
嘩...真係好大分別呀
價錢貴成倍幾呀...
一支日本麻油可以買到平時啲麻油兩支呀
蕭C奶有少少打退堂鼓
不過....諗吓諗吓...都係試一支啫
試吓係咪真係咁香咁正
豪一次啦...
買咗返去, 今晚要用麻油喎
一打開..巳經聞到好香好香的麻油味啊...
比蕭少爺聞吓...連少爺都...不禁讚不絕口
一分錢一分貨
係真的....
而家攪到蕭C奶又愛上咗日本麻油添
睇嚟....蕭少爺...
你都係要搵多幾個銀兩返嚟先得了..
我咪就左擇右擇
就擇咗呢支嚟試吓囉...
成28.9元一支呀...其實真係好貴..
不過真係好香好香麻油味..
醃啲食物真係香好多...
2009年4月2日(星期四)
病後第一天上班
真的沒有精神啊
頭好像吃了搖頭丸
暈吓暈吓咁囉
同一個動作, 唔可以睇咁耐
因為會眼花及頭暈
巳經唔係好舒服嫁啦
一大早, 就比我老闆激到我屎
比佢吹到 啤啤 聲
我都因為太攰又無咩氣
所以都無佢咁好氣囉....
唔講佢了
到咗下午, 仲攪笑
我之前入咗兩日病假
跟住順便入埋我下星期二放假
我真係病到 嗡嗡鄧鄧呀...
竟然將放假入咗為病假
老闆問我, 我再check吓...
真係喎...連細老闆都話証明我真係病了...
做做吓嘢....唔得呀...
一入得多啲entry...唔掂呀...超級眼花花...
即時唔再做....
不過, 我將最重要的工作
今日做好
因為我同咗細老闆講咗
我聽日多數都唔返了
因為真係唔掂呀..我一定要休息要瞓覺呀...
不過我都要睇吓明天早上如何啦....
今日唔想煮飯了
買咗啲稻庭烏冬及餃子
是是但但咁食啲嘢就算了
呢幾日就辛苦吓老公個肚仔了
無咩好食...
等我好番啦...必定整番啲好嘢食
最重要係....煲番啖靚湯補番先得....
各位, 都係嗰句...
小心身體啊...
另外,
係度多謝大家對蕭C奶的問候
謝謝大家!
2009年4月1日(星期三)
今天都是放病假
整天待在家中休息
早上起來煮好早餐給阿榮老公
自己也煮回粥吃, 然後吃吓藥,
待老公上班後, 我又睡覺了.
到了中午, 起床後,
肚子咕咕聲, 叫個不停
又是時候醫肚兼吃藥了
這次沒有睡覺
還在家裡打掃及執屋呢...
真好...
洗好今天要煮的菜
看一看...這麼快又到五點鐘了
肚子又咕咕聲...
等不到老公回來
我就先煮了暑仔煮雞翼
自己吃了一點, 然後又再吃藥
然後...去洗澡, 沒多久老公就回來了
我就煮了苦瓜炆排骨
兩個菜都沒有心機拍照
|
吃完以後....沒多久我要睡覺
老公陪我.....
連他都睡了...哈哈...
寫這blog是我睡醒了
等到十點半我就要吃藥
所以現在先寫好今天的blog
就是這樣了..
明天要上班了
其實真的不想
因為還是很累
眼根本都不想打開
我想明天好好的做完工作
可能星期五我會放假了吧
要看看明天才算吧....
