日本九州之旅--由布院--博多
2008年11月16日(星期日)
(第四天)----Part IV
終於都返到嚟博多了, 好肚餓呀...食咩好呢?
最後我哋係博多站附近見到有個商場, 有好多食店, 走咗入去, 就決定去以下呢間食我哋係日本九州的'最後晚餐'.
領隊'叻叻'仲話大家今晚可以唔駛睇價錢, 總之鐘意食咩就食咩....太好了.
(1) 左上角---枝豆
(2) 右上角---雜錦刺身
(3) 左下角---炸蝦餅
(4) 右下角---炸雞塊
(1) 叻叻和我的---博多御饍
(2) 經理和阿榮的---天婦羅刺身御饍
(3) ivy姐的---海鮮刺身御饍
(4) 哥哥的---明太子蛋燒
大家估吓呢碟係咩-----係---'馬肉刺身'.
食落唔似平時的肉, 有啲韌, 淡味, 唔係話好食, 但又唔係唔好食喎.
總之都係想試吓啫.....都係一個好好的經驗嚟的, 反正香港無得食.
都值得一試嫁.
我同阿榮老公望住碟'馬肉刺身'個樣.....哈哈...
食了....
嚟張合照先....
請大家細心欣賞以下的相片....
食完晚餐...領隊'叻叻'給每位團友送上紅葉一片....好有心思啊....
謝謝您啊....叻叻領隊.(下次都要再跟你團)
食完晚餐後, 哥哥攪咗個飲酒party.
哥哥係熊本買咗幾款酒, 大家一於試吓先....
食飽飲醉後...我哋就要返房到執拾行李, 準備明天離開日本了....
諗到呢到好唔舒得啊.....
由布院之旅完滿結束了,
下一篇將會係我哋最後的一天,
明天我哋仲會有咩節目呢.....
下一篇再見了...
