驚喜

2008年12月8日(星期日)

 

今日訓到九點半左右,

起身梳洗後, 與阿榮老公吃過日本買回來的番茄杯面,

嘩....叻叻的朋友真係好介紹呀,

份量大, 味道好,

好好味呀....等我叫gigi去東京時幫我買番幾個返嚟先.

做埋少少家務, 我哋就去咗街市到買菜了.

因為我同咗阿哥講, 今日由我負責煮,

好讓他可以休息一吓...

買完返到屋企, 就係梳化到訓咗一個鐘左右,

然後我就先番去媽咪到, 準備吓今晚的餸,

番到去, 見到媽咪精神唔錯, 講嘢都多咗,

令到我都好開心呀.

媽咪問我買咗咩餸, 我話有'梅子蒸排骨'

佢一聽到就係咁話: 好呀, 好呀, 酸酸哋, 好胃口呀.

我聽到當然高興啦, 心都甜哂.

今晚整咗啲咩餸呢...

薏米赤小豆鯽魚湯

青椒炒肉絲

蒜蓉炒白菜仔

梅子蒸排骨

糙米飯

今日聽媽咪講佢好好胃口呀,

全日都食咗好多嘢呀.

而且下午仲出咗嚟客廳到坐咗一陣添.

今晚除咗食咗好多餸之外,

媽咪仲再添多碗湯呢,

而且仲要食完飯, 仲坐係到同我哋傾咗成個鐘呀,

有講有笑, 媽咪心情好好呀,

佢話今日無想嘔, 都有少少暈, 但係ok的,

我哋都好開心呀, 因為見到媽咪好咗咁多.

跟住媽咪話佢都要休息了, 咁我哋就走了.

今日係一個好的開始,

可能係啲化療藥要比幾日時間佢適應啦,

點都好....總之今日我的心情超靚, 超正呀!

 

真係感謝上天呀....我都知你真係聽到我的祈禱嫁啦.

放開心情

2008年12月6日(星期六)

 

今日一睡便睡到下午兩點, 趕快起床, 梳洗, 化妝,

急急腳便出門了, 因為約好了'叻叻' 在銅鑼灣等.

早幾天'叻叻'代為購買帽子給媽咪,

是一頂紅色的帽子, 但媽咪覺得紅色太sharp了,

不太喜歡, 我便約好叻叻今天去換,

而且因為我很想答謝她的好友送來的幾本書籍,

便約叻叻陪我到她好友工作的地點,

很想親身答謝她的好友.

今天'美美'又送來一本書及兩隻cd給我了,

真的很感謝她的心意,

也感謝上天再次令我認識多一位好心人.

  

  

  

今天是好友'gigi'的大日子,

較早前還在考慮去不去的,

但經與好友'經理'的勸告,

說我應該要去的,

除了因為gigi是好友外,

她說我現在都會處於不安的日子,

她提議我去這些高興又溫馨的活動,

好讓自己放鬆一吓.

想了想....好吧...就去吧.

的而且確今晚輕鬆了一晚,

與好久不見的朋友見面,

談天說地, 你一言我一語,

真的很愉快啊...

可以暫且把傷心的事放在一各.

 

新娘子的確廋了呀...雖然還是肥咗啲...哈哈...

呢張我影得gigi好廋啊....

好sexy呀.....

irene 與mavis

carmen 與新人合照

我與mandy

司儀阿欣...見到我, 佢好開心啊...

我用咗gigi的回禮小物的袋做頭飾啊....

係一粒金莎嚟的

我再次祝gigi新婚愉快!

 

~百年好合、永結同心~

無助

2008年12月5日(星期五)

每日都好掛住媽咪, 每朝早,下午都會打一個電話比媽咪,

問候吓媽咪吃過早餐沒有?

那裡不舒服?

媽如同的說: 頭暈, 想嘔, 只想睡, 不想講話, 不想坐, 不可以看電視, 看書...等等...

每一次從電話裡聽到媽的柔弱聲線,

心裡都不禁'痛'起來...呢一種的'痛', 真是很難受.

　

放工立刻回媽咪家, 很想快點見見媽咪,

很想多點時間陪她.

今晚如常開飯時, 一起吃飯,

但是....媽只吃了幾口, 不想吃,

只看見媽很不自然, 不自在, 不舒服的樣子,

此刻的我, 看在眼裡, 痛在心裡,

眼不禁紅起來, 但心想, 要強忍,

這刻我不敢看媽咪, 因我怕我忍不到, 眼淚掉下來!

不久, 媽說: 我不想吃, 我要睡在床上.

她一邊說一邊步入房內....

吃過飯後, 進入廚房, 一心想著喝碗熱湯,

一邊喝, 不禁哭了起來...因為心太痛, 有誰能明白此刻的心情..

不想阿哥阿嫂擔心, 立刻走住洗手間,

哭過不停....真是眼淺, 沒用呢?

一邊哭, 一邊同自己講: 要冷靜啊...不要給媽咪看到.

冷靜過後, 走進房內, 與媽咪傾了幾句.

她對我說: 不用擔心, 你要早點回去休息, 我會好好照顧自己, 反正你們是幫不到我的, 我的不舒服, 只有自己感受到, 只有自己知道. 放心, 我一定會捱過的, 為了你們我一定會捱下去的.

此刻....我很想哭. 很想...很想....但...我不可以在媽面前哭, 強忍.

我對媽說: 我怕你悶, 整天沒有人陪你啊...很想與你傾談.

但媽說: 我真的不想講話, 因為實在太暈了, 又想嘔, 媽真的不需要傾, 只想睡在床上. 不可以嗅到人家的飯味. 不可以聽到嘈雜的聲浪. 總之只可以靜的環境.

此時...心更加難過, 心更加痛.

我很想再多陪媽一會, 但媽說真的很想睡, 我便說, 好了, 那我早點回去吧!

步出房門只是一步, 眼淚終於忍不到了, 掉了下來....

我實在太沒用了....哭是因為當你親眼看著自己最親的人, 這麼辛苦, 而眼白白只看著她辛苦, 而甚麼都幫不上, 做不到. 此刻心覺得很無助,心真的很難過.

這一種感覺真的不能用文字形容出來, 真的是'針咭唔到肉係唔知痛'.

只感到心很痛, 很痛.....

少少副作用...開始嚟料了...

 

2008年12月4日(星期四)

 

今天如常工作, 因是月頭, 要做每月的數比老細,

所以要快快手攪掂佢.

今日約早上八點半左右, 打個電話比媽咪,

電話接通, 聽到親切的聲...是媽咪啊...

在電話裡頭, 聽到她精神的聲音,

心裡倒覺得安心, 開心,

問媽咪食咗早餐未呀,

佢話: 食咗lu....而家係到休息囉.

咁我問佢有無邊到唔舒服, 仲有無想嘔呀!

咁佢話: 好攰, 無咩力, 有啲頭暈.

心裡其實都好痛心的. 媽咪話唔緊要的, 都ok的, 攰咪訓吓囉,

無事的, 叫我放心, 有事佢一定會同我哋講.

到咗下午, 我又打番去搵媽咪,

咁佢話都仲係好攰, 個心口有是好想嘔, 同埋頭暈.

我又好擔心咁, 問佢ok嗎?

咁媽咪都話ok的, 總之就要成日訓啦.

放咗工, 同阿榮老公回媽咪到吃飯,

因為好想睇吓媽咪,

其實點講好呢,

返到去, 只見媽咪係張床到訓,

我問佢點呀...佢話頭暈暈, 心口'毅住毅住', 同埋好攰囉..

佢話坐唔到, 一坐就好唔舒服, 坐唔到耐,

佢話要訓係到係最舒服.

食完飯, 媽咪坐咗都唔夠20分鐘,

佢又要返入房到訓係張床到,

我哋個心其實係好心'up'的, 但心諗咁樣都好過食唔到嘢,

嘔到死, 口腔潰爛等等呢啲問題.

少少苦楚, 媽咪一定會捱到的.

我都知嚟緊係要面對的係,

見到媽咪辛苦, 不適, 都幫唔到佢的,

只有佢自己先知, 感受到,

對於我哋嚟講, 其實都真係好心痛嫁.

每日我都有向上天祈禱,

願上天好好的照顧媽咪,

若果真的需要有一定的痛楚,

唔緊要, 而家呢啲巳經足夠了,

唔好再有其也不好的副作用.

我相信上天是知道的.

好了, 今晚天氣開始轉冷了,

大家都要好好保重啊!

順利完成第一次化療針

 

2008年12月3日(星期三) 

今日約咗11點做化療, 媽咪早咗半個鐘到,

早啲去到辦登記手續, 我就吃過早餐, 坐車去醫院到搵佢哋了.

去到4樓化療部, 入到去, 比我的第一印象係:

環境舒服, 清靜, 整潔,

唔似去咗醫院, 令到病人及家人都無一啲懼怕感.

可以令到病人得到放鬆, 順利完成化療.

當我見到有咁的環境, 我的心又定咗好多,

安心好多, 我諗媽咪都係咁諗.

到咗十一點半, 終於都到媽咪了,

姑娘叫我同阿哥係出面等,

不過, 我哋可以係出面到望到佢哋的,

見到姑娘開始捉住媽咪的手, 係到搵血管, 好似都搵咗一陣,

又試咗幾次, 我同阿哥係出面到又有啲擔心喎,

我哋倆兄妹自言自語咁講: 唔係話, 姑娘, 唔好搵咁多次好喎, 阿媽痛嫁.

好彩都ok, 因為見阿媽同個姑娘有傾有講, 咁我哋都放心啲.

其實所謂的化療, 就好似吊鹽水咁的,

時間好快咁過, 無驚無險見到媽咪吊住的藥水用咗45分鐘到就注哂入去身體了.

之後, 我就入埋去, 姑娘見到我, 就話比我知要注意啲咩.

呢位伍姑娘好好人嫁, 好詳細咁講咗好多嘢比我哋知.

跟住量埋血壓, 就走得lu....

離開咗醫院, 我哋三個人慢慢行番去屋企,

係途中, 我哋同媽咪傾, 頭先做化療針, 痛唔痛, 有無咩特別的反應呀.

咁媽咪話當然有啲痛啦, 同埋佢feel到啲化療藥係個喉嚨走過,

跟住又係個腦到走過, 跟住其他地方就feel唔到了.

可能係第一針的關係啦, 加上我買咗一隻好貴的止嘔藥比媽咪,

伍姑娘都話, 食咗呢隻咁有效的藥,

佢估計我媽咪應該無咩問題的, 不過都要睇多幾日先知.

因為啲副作用無咁快出現,

見到媽咪暫時無咩問題, 望吓個鐘, 可以趕得切返下就,

咁我就叫阿哥好好睇住媽咪, 咁我就返工了.

返工時, 有打過電話比媽咪, 佢就無事, 咁我都安心.

放咗工, 又打比佢, 媽咪都話暫時未有咩唔舒服,

咁都好, 希望上天好好眷顧及保佑媽咪.

決定做化療了...

 

2008年12月2日(星期二)

 

今日屯門醫院約咗媽咪9點鐘,

睇吓之前驗血報告等等....

如果ok的話, 咁就可以開始同媽咪做化療.

今日都唔算等得耐,

好似係十點鐘咗右啦, 就有得見醫生.

真係唔好提了, 呢位醫生一啲醫得都無,

無禮貌, 唔專業, 無耐性, 無愛心,

一啲醫生應有的態度都無,

啲語氣差到不得了呀....真係想'車爆'佢囉....

只係想我哋快啲走, 唔好問佢咁多嘢,

我當時真係想鬧爆佢呀,

真係好想投訴佢呀,

臨走時, 我仲好嬲咁問佢貴姓,

佢姓李喎, 臨走時,門都未關,

我就係鬧佢, 我諗佢都聽到啲嫁...

反省吓啦, 如果咁唔想做, 就唔好番工囉...

 

聽日就係媽咪第一之做化療, 其實老實講, 我係好擔心嫁,

聽得太多, 睇得太多,

知道做化療的日子係唔好受的,

我其實好難想像, 由聽日開始, 當我見到我媽咪的辛苦樣,

我會點呢....

其實係有啲驚, 我只求上天可以保佑媽咪,

都求上天唔咁比太多的化療副作用我媽咪,

我都唔想諗得太複習,

順其自然及見步行步啦!

 

原來叻叻的朋友-陳美美, 唔係送兩本書比我,

係送咗成四本有關癌症的書比我和我的家人,

今日比咗一本哥哥, 係有關癌症食療的,

而且都係講解一些癌症的各種問題,.

我就睇另外一本, 阿榮又睇另外一本,

大家分工合作, 都係想清楚了解多啲有關呢方面的事,

咁可以幫我哋更加有效咁照顧媽咪以後面對的問題.