叻叻多謝您

早前因為公司的不愉快，心情不是太好。好友‘叻叻’特意送了小禮物給我，是一塊用木造的書簽及用木造的留言/相片夾，上面均有刻上名字及字句。

當叻叻送給我時，她說因為知我最近為了公司的事，而心情不好，她便想到送少少禮物給我，想令我開心一吓，她還安慰及開解我呢？嗰一刻真的很感動，叻叻就是這樣的了，她為人有善，心思細密，往往都會為身邊的人著想。

有時總覺得自己做得不夠好，每次當我有不愉快時，她總會在我身邊，也總會做一些令我驚喜的事。。。。（唔，如果佢係男仔，我諗阿榮老公一定唔會比我同佢來往呀，甚至乎可能連交談都唔得呀！）

叻叻多謝您啊！

 

 

 

小婉之生日小型派對

  同事小婉姐生日,一早約了叻叻及benny先生為她慶祝生日,我就負責做蛋糕,benny先生就請飲料及沙律,叻叻就出力啦....我哋三個一早夾定唔好講比佢知,而其他的同事都唔知嫁...因為唔想穿煲囉! 哈哈!

到咗下午佢哋都係以為老細benny先生好平常咁請飲下午茶,當我哋攞碟,又攞刀叉,又聽到我哋有蛋糕...佢哋就好好奇地問,點解有咁多嘢食的?點解有蛋糕的?....咁我哋先講比大家知同主角知,我哋為小婉開個小型生日派對啊!

希望小婉鐘意啦.....生日快樂!

 

先嚟張合照先...

嘩,你哋睇吓小婉幾風騷...小心呀.... 

 

我的靚靚魚魚之公司篇

這就是我公司的魚及魚缸了.

 

靚唔靚呢? 呢十幾條魚爸爸同魚媽媽我都養咗好耐了,每日番工,做到悶悶哋,攰攰哋,望吓佢哋游來游去,好舒服嫁.....

不過,佢哋好餵食的,如果一有人走近佢哋呢,佢哋就會顛咗咁,游來游去想人餵嘢食比佢哋囉......餵食魚....唔知飽 嫁...

佢哋好抵死嫁,如果你走埋去,只係望吓佢哋,過多一陣間,見你得個望字,又唔餵嘢食比佢哋呢,佢哋就會立刻游開,即係我哋口語化的'汕水', 唔會再咁顛,佢哋好醒嫁!

 

呢一缸係魚bb嚟的,不過,大咗好多了...係上面其中三條魚媽媽生的,原本有成五十條到啦,我一半係公司養,一半攞咗番屋企養囉.

佢哋初時只係一條科斗咁的,而家大條咗好多了,有啲開始條尾有色了...好開心!希望佢哋會好似佢哋的魚爸魚媽一樣咁靚啦!

鬥氣

你常跟我說，我不是‘喜歡’妳。

我是‘愛’妳。

你總是說， ‘愛’與‘喜歡’是不同的。

我總愛跟你鬥氣說，有甚麼不同呢？

你一定會反駁我說，當然是不同啦！

你可以喜歡很多人物，東西。

但‘愛’是不同的，

‘愛’是包含了很多更深的意義，

當中包含了包容，體諒，忍耐，接受等等，

你總是滔滔不絕的告訢我知。。。

其實你每次都很認真的跟我說，我是知道的。

只是我愛跟你鬥氣啊。。。

因為我愛看你跟我鬥氣的樣子。

而且每次你總愛跟我說，我是‘愛’你啊！

不是‘喜歡’你，你明白嗎？

（心裡不禁甜絲絲的笑在心中）

可以跟自己愛的人鬥氣，也是一種無比的幸福啊！

阿榮畢業禮

 

 2007年11月28日係阿榮的另一個重要日子,就係阿榮老公畢業了.

阿榮辛苦咗咁耐,用咗咁多心機,金錢以及犠牲咗同我拍拖的時間, 休息時間,玩耍時間,到咗今日阿榮老公終於有收成了. .

老公你係得的.....我永遠都會做你背後的女人....支持你一生一世嫁......

分咗三日影相留念, 大家慢慢欣賞啦!

 

多謝大家呀!