慳家

自從我哋結咗婚之後,仲家少出街,一來又唔知去邊啦,二來星期一至五都要返工,阿榮老公每個星期六都要返, 仲攰啦. 三來最重要係想慳錢囉.

出一出街呀,唔多唔少都要用錢的,就算你window shopping呀,咁你出去搭車錢,口渴時又話買嘢飲,行行吓有啲肚餓,又會買少少嘢食喎,所以點都會要用錢囉. 而且阿榮老公不嬲都唔係好鐘意行街的,所以攪到我跟咗佢之後,我都少出咗,都係懶咗囉. 除非有必要先啦, 咁又時我哋都會出去的,不過就真係有需要先會去街了.

而家啲嘢咩都貴咗,仲家唔想出去咁多,真係要慳多啲錢,我哋大家都有共同目標,所以都會努力搵錢兼慳錢. 好彩我哋倆個都有個共同優點,就係唔多鐘意咩都買,又唔係話好要名牌嘢,又唔係咩都要最好的,我哋覺得最緊要係用得著就得了.當然有啲嘢係唔慳得的,就一定要買好啲啦.

又好彩阿榮老公好鬼慳家的,佢份人好易話為,著衫唔會要求名牌,唔太講究,只求舒適,合身就夠了. 食嘢佢又唔會話好高要求喎,總之唔係'苦'的,超難食的就ok嫁啦. 又好彩阿榮老公又唔會有咩高消費的嗜好,例如:音響,攝影,遊船河,卡啦ok呀等等....如果唔係就慘了.最重要係阿榮老公唔鐘意出街,佢可以日日留係屋企都得嫁,佢話好舒服喎.

而我呢, 比起阿榮老公我係比較大駛同多嘢買的,其實我而家就少買咗衫,手飾呢啲,但係護膚品及化妝品就要買了,不過咁喎,我唔係一出新嘢就去買的人,我一定係用哂先去買的.而且化妝品其實來來去去都係咁嫁,只係有時啲包裝換靚咗,所以我都好有節制能力的. 不過,我最用得多的錢的係,我太多朋友,好多飯局囉. 不過咁,可以不時見到啲老朋友一齊食飯傾吓偈,係好relax 及 happy的事嚟的,所以我會係第二度慳番囉!有時我都覺得用得太多錢,攪到我鬼咁唔好意思喎,因為阿榮成日都係慳自己,唔會慳我個份嫁.......嘻嘻.....呢啲老公好難搵嫁! 呵呵....

而且而家有自己的屋企,真係要用的錢多咗好多嫁,而且我又希望可以每年都可以去旅行,無論係同自己家人定係朋友,所以我都會寧願平時慳啲,用少啲,儲多啲錢,可以用係一啲我覺得更加有用,有價值的事.

同咗阿榮老公,的而且確改變咗我好多用錢的方法及需要, 多謝老公改變咗我呢方面,咁樣我哋就可以快啲實現我哋的目標了.

 

北京奧運開幕禮

今次的奧運在中國北京舉行,身為中國人的當然開心啦! 其實每次奧運我都未曾全程睇過開幕禮及閉幕禮的. 今次我就同了老公, Jordy, 阿逹及曦曦五個人一齊係Cafe到食飯,玩遊戲兼一齊睇奧運開幕禮了.

嘩! 原來開幕禮係咁好睇嫁喎,中國今次做得好好呀,佢哋全部咁多人, 我諗排練時,佢哋一定好辛苦,因為我見佢哋全部的跳舞都跳得好齊呀!

而且當中的服飾,道具都做得好靚呢? 如果有幸可以幫到手,都真係好榮幸及興奮,我想現場的氣氛一定好熱鬧,好正囉!

奧運當中,我最喜歡看體操,跳水,唔知你哋又喜歡看邊樣呢?

 

塞翁失馬,焉知非褔

升職的結果巳經知道了.....而我......又無份了. 不過,都預咗啦, 自己知自己有幾多斤兩的. 讀書成績又唔出眾, 做嘢又唔係特別叻. 而家有份工做,而且工資都唔錯, 比起私人公司好好多了,仲想點呢?

當天知道結果,我當然要告訴給一直支持我,鼓勵我,關心我的同事知啦!當我告訴他們知後...... Veronica and Ada姐姐,怕我不開心, 靜靜買咗香格里拉酒店的Cheese Cake比我食,  Veronica出錢, Ada姐姐就出力, 佢哋買咗好多件.....好靚呀.....未食都巳經比蛋糕的外表引死了. Veronica話要好好慶祝吓我仲可以留係到幫佢哋做嘢喎, 佢仲話我哋係好自私嫁, 雖然好想我升職加薪,但係就要失去我喎. 我聽到呀....心都甜埋,想唔留低都唔得啦,所以話呢, 塞翁失馬,就焉知非褔! 非常多謝Veronica的心意同驚喜! 還有, 原本約咗Nat Nat, Monica, May and Winnie食午餐,佢哋好好咁,知我升唔到, 請我食飯呢? 攪到我鬼咁唔好意思囉! 佢哋真係好好人,好心地, 放心啦....我一定會有好嘢請番比大家食的.

就連圖書館的Esther,當佢知我升唔到呢?都怕我唔開心,都買咗嘢送比我, 安慰我囉! 好多謝你呀.

升唔到,當然有些少失落啦, 不過, 個心都輕鬆咗的,因為我知升咗之後,條路會比而家辛苦好多, 但無論如何, 現在留係到,咁就好好地做好呢份工囉! (曾特首教的). 哈哈!)

而我身邊呢, 有位Clara 朋友, 佢由Office Assiatant升去 Clerical Assistant, 好為佢高興! 努力呀!

當天晚上回家第一時間告訴給老公知啦,當然我老公會錫我,佢仲話好啦: 老婆, 你都係適合做蕭師奶呢個職位, 高層的嘢,等我呢位老公做啦. 你好好照顧屋企, 搵錢就由我嚟啦! (老公從來都唔會比壓力的).

跟住打比奶奶啦.....我話奶奶呀...我又失敗咗了,我又升唔到了......以後的日子要辛苦你個仔了. 結果我奶奶都唔會比壓力我的, 仲鼓勵我,支持我呢? (不過,佢臨尾都補咗句, 努力讀書囉!) 哈哈! 好可惜的係....我呢位新抱仔呢....無上進心,無野心囉! 當然我即刻答奶奶......哦!

點都好啦,在此還是要再三多謝身邊一直支持及鼓勵我的家人,朋友及同事!

Thank you so so so so much!

擔心阿哥

前幾排阿哥因為工傷,經常都要出入醫院, 嗰排真係好忙,又要幫阿哥跟工傷的事. 講真,我真係好擔心阿哥,佢呀,傷到個右邊面及右邊的眉的位置. 當日,阿哥諗番轉頭都好驚, 出事的時候,傷口係咁流血,我阿哥當時仲攪笑,以為: 嘩,咁大雨的, 即刻上番地面先, 一上番地面,佢另外三位同事見到我阿哥咁樣,佢哋都呆咗一陣,先有反應,阿哥見到佢哋咁的樣,打開隻手睇吓啦.....嘩, 咁多血的,先知道自己原來傷咗. 咁啲同事咪立即送佢去醫院囉! 去到醫院阿哥都未知自己有幾傷,個傷口有幾深, 當係醫院時,阿哥照吓鏡,一睇: 阿哥個心就開始驚,原來眉頭個到傷到見頭骨呀!哎呀,好恐怖呀! 阿哥開頭同我講,又話無咩事啦....當我去到見到佢, 哎....其實個心好痛囉! 而我媽咪見到阿哥,其實個心又係好擔心阿哥,又好心痛.

由於阿哥係將軍澳到番工,所以要送阿哥去最近的醫院.大家都知我住邊區啦! 所以好唔方便囉,同埋真係好遠,我就嗰幾日都放咗下午去探阿哥,而阿媽就辛苦啲囉! 好彩住咗幾日就出得院了.

其實自從阿哥工傷之後,我感覺到阿哥變咗少少,老實講,以前阿哥唔會講好多自己嘢比我知,無論開心定唔開心,有事定無事,小事定大事,阿哥都唔會主動同我傾. 我記得細個的時候,阿哥好錫我,阿哥有好多時都會同我傾吓的,但係到咗大個之後,阿哥就唔係點理個屋企,無關心屋企的人或事,係呢十幾年裡面,其實我都好唔開心呢方面,有時諗,一家人點解唔可以開心見成講呢?有咩嘢係唔可以解決呢?一家人係可以共患難的?我其實好嬲阿哥,係呢十幾年裡面,佢咩都唔理,做任何事都只係為自己,永遠都唔會諗吓身邊人的感受,好自私呀! 但係好奇怪,無論阿哥點都好啦,佢都係我阿哥,係我的親人,我愛我屋企人,所以我知道只要有'愛',咩都可以解決到.

而家阿哥都好啲,佢都會主動同我傾吓,同我講,都會肯聽吓我呢個妹妹講. 不過,我唔敢諗得太多,或者太好,因為我怕,我怕到頭來有係得個'吉'字.我唔想希望完又失望,有時我真係受唔到咁的刺激. 我真係好希望阿哥識得諗,為吓我呢個妹妹著想吓,又為吓媽咪著想,為吓嘉豪仔著想. 平平淡淡過啲安穩的生活,一家人開開心心,健健康康就最good了.

八號風球

  嘩!太好了,原本今個星期都好想放一日假,好好休息吓,因為好鬼攰,而且又悶悶哋, 個風球嚟得太好了,可以順利成章不用返工. 最近呢,我同老公都追緊套'康熙帝國',嘩,原本我開頭都無好似老公咁坐定定睇的,多數我都係到做其他事,聽少少又睇少少咁啦. 但聽啲又睇啲之下,開始覺得好好睇喎. 入面啲演員呀,做得好好,越睇越緊張,攪到我呢,就同老公一齊坐定定一齊睇了.

阿榮哥哥剛打電話來,約我們今晚全家出去食飯,由阿哥做東,佢話要慶祝: 不用返工喎!

頭先家姐係msn到講,原來奶奶今日舊曆生日呀,好了.....順便可以慶祝, 到8月25日就係奶奶的新曆生日,到時又再慶祝.

奶奶: 生日快樂呀!祝您:身體健康, 事事順利!

呢個blog仲有好多嘢想整好啲,例如: 版面設計, 相片,分類等等.....不過,要慢慢整先得.

愛上了看英文小說

 

前一陣子,和老公在書店內逛了一會, 心想不如嘗試看英文書吧! 其實我很早之前巳經很想看英文書了,因為有時搭車的回家,看到人家在看英文書時,總覺得很有書卷味,而且心裡也很羨慕人家可以看得明英文呢?  但有很多次當我嘗試去接觸這些英文書時,每次打開一看....噢...怎麼攪的. 全都是英文,一點兒圖片也沒有,而且全版都沒有隔行呢? 排得密密麻麻, 每次一看到這樣就打消了看英文書的念頭. 今次不知是自己的心情超好,還是時機到了. 當我在尋找應該要看怎麼樣的英文書時, 我心想: 不如從封面及書名著手,看看哪本書的封面及書名會吸引我吧!尋找的時候, 有一本的封面是我最愛的粉紅色, 然後看了一吓書名: Can You Keep a Secret?, 打開看看, 當然仍是沒有圖片,滿是文字啦...但心想...好....不如嘗試看幾頁,看看是否明白當中的內容, 怎料...我看了幾頁之後, 噢....我明白喎, 那一刻我就決定買下我人生中第一本的英文小說了.

終於我開始看了,當中雖然有很多生字我都不懂,但只要看了前文後理,我就可以知道當中其實是講什麼? 我不會時常查字典的,除非真的很想知道那個生字的解釋, 如果不是,我都不會花太多時間去查它.

就這樣我終於看完了這本小說, 內容不僅生動有趣,而且很有生活化,還帶一點先浪漫呢, 當中的男女主角都是很像平時的我們, 所以當每次看的時候也不禁會心微笑呢?

就是因為這樣我就愛上了看這一位英文作者的小說, 而且還把她全部的小說都買下來了.或許看多了英文的關係吧! 最近的而且確愛上了看英文書,因為可以學到很多詞彙,而且當看其他有關英文的書籍或者看電視,電影,都很像慣了似的.比平時也容易明白,容易理解.

在這裡分享給我所有的好友,希望各方好友,也看看這位作者的小說吧!

 P.S. 謝謝我的好友-Nat Nat, 當我有不明白時,她都會不嫌其煩為我解釋我不明白的地方, 她是我的好老師啊!

好的開始

原本我係係msn到開blog的,但係發現咗我屋企好幾個月都唔可以開到出嚟.....加上大部份的朋友都係yahoo到開blog, 我想開好耐嫁啦,不過,一直都無時間同懶囉....直到今日有心情同有空...好啦...各位朋友....我今日就開始我的blog了.

係到又可以同啲朋友仔分享一吓自己的開心,唔開心的事...太好了.