左髀 ● 入廚樂

2006年3月25日星期六

海綿蛋糕Sponge Cake (傳統做法)

海綿蛋糕Sponge Cake (傳統做法)

材料 :

蛋 3隻

糖 90克

低筋麵粉 72克

牛油(溶) 48g

制法 :

1) 首先預熱焗爐180度

2) 將蛋和糖打起打至濃稠；(可以係蛋醬上打到個星形而，不會很快下沈消失)

3) 加入麵粉(分2-3次落) ，慢慢輕力攪勻(用手版或膠刮刀由底至上輕輕地攪拌) ，以免蛋醬下沈。

4) 最後加入牛油攪勻(攪法和上面的一樣)

5) 快速倒落餅模內放入焗爐，以175-180度焗25-30min。焗完出爐後要之即脫模。

2006年3月11日星期六

設宴地點

決定結婚後，第一件事就是要看看擺酒地點了，當然要尊重兩邊的父母，先問問他們有沒有心水的地點，哦，兩邊父母都齊口同聲：你倆個決啦，最緊要你哋開心同鐘意就得了。（太好了，佢哋無意見，比哂話事權我哋，多謝老爺奶奶，阿爸阿媽）

我哋想方便親友及朋友，所以想集中在九龍區，睇咗好多婚紗雜誌，上網搜羅，以及在婚紗展中參觀了很多酒店，酒樓。大約有幾間心水的，但就想親身參觀，所以要找放工或者假日先可以去。但由於當時阿榮老公太幫，平時都八，九點才放工，太夜了，所以一直都未能親身去各酒店或酒樓參觀。

一天，剛約了Andy and Peggy吃飯，我約了他們放工後在上環等，由於我放工時間較他們早，突然想一想，在婚紗雜誌及網上經常有人提到‘上環的大舞台飯店’可以擺酒，環境好古典優雅，高貴，而且還提到有兩層的。心想，這麼特別，但又想來想去又想不出究竟它的場地是怎樣呢？好，難得約了他們在上環，而我又有足夠時間，便自己一個人走去‘大舞台飯店’看個究竟。

其實原來所謂的‘大舞台飯店’即是在西港城入面的一間酒樓，從電梯直上二樓，在二樓的電梯往上望，巳看見一個很大的水晶燈（好高貴啊！），沿著電梯往上走，巳聽到播著一些懷舊的音樂，而且四周環境昏暗，（所謂昏暗並不是漆黑一片，是浪漫氣氛那種啊`！）直到真的在‘大舞台飯店’的地面了，我四處張望，哦。。。。。環境很優雅，古典，懷舊，好似歌劇院咁，真係有兩層嫁，好特別呀。我簡直一見鐘情呀。

當我還在陶醉於 ‘大舞台飯店’的環境時，經理巳經走過來招呼我，問問有什麼可以幫我呢？我就順便問問她婚宴的各樣事項。嘻嘻。。。。其實個心都巳經十成想係到擺了。

當我離開 ‘大舞台飯店’，立刻打電話給阿榮老公，我跟他說笑：我巳經決定在那裡擺酒，而且還給了訂金。然後他說：係呀，好呀，最緊要你鐘意，但係係邊嫁，間酒樓點嫁。聽到阿榮老公當時把聲，好鬼得意，我不禁笑了出來，便跟他說：嘻嘻，擺酒地點，我真係睇仲咗，好難形容比你聽，不如星期六我哋出嚟一齊再睇再傾啦。訂金當然係未比啦。。。我點會咁自把自為喎，都要同你一齊睇過，大家都鐘意先開心嫁嫲。

阿榮老公一看之吓。。。佢都係一見鐘情，所以我哋都十成會係呢到擺酒了。但係都要回去問問大家的父母先。

最後，我們帶了奶奶及媽咪到‘大舞台飯店’飲茶及參觀，看看她們喜不喜觀，有沒有意見。（哈哈，當然係無意見啦，而且佢哋都覺得好特別，不似一般的酒店或酒樓，很有特式）

就是這樣我們就決定在這裡設宴，讓各位親朋好友在此見証我倆的重要時刻。

2006年1月10日星期二

求婚篇

其實我哋都唔知係咩情況之下話要結婚的....我哋係大家有日好有共識,好自然的情況下,唔知點樣就話結婚了...哈哈!

講起求婚....我一直都好有憧景的,因為我好鐘意睇愛情戲,有時睇到一啲好感人呀,好浪漫呀,好激情呀的求婚片段,都會幻想吓自己係當時的女主角,心想,如果係我..就好了.只可惜...我的阿榮老公呢, 係一名老實派囉....當然好浪漫的求婚就無了, 我以為阿榮老公唔會求婚的,哈,又估佢唔到喎. 阿榮老公有向我求婚的.

話說當我們決定結婚後,又決定住係天水圍,咁我哋咪要開始去天水圍到打點一吓囉,有日我係個廰到執緊嘢時,阿榮老公無端端變咗隻'鑽石介指'出嚟,然後好深情咁同我講: 嫁比我,

好唔好,我會照顧你一生一世,我會錫你一世嫁. 嗰一刻,其實我好驚喜,有幾秒好似發緊夢囉. 因為我無諗過阿榮老公會無端端向我求婚囉. 然後,我就怕怕羞羞

咁答應咗嫁比佢了. 然後阿榮老公戴起呢隻求婚介指了。跟住有咩做，相信大家都估到啦。。。。。嘻嘻。。。咀咀囉。。。。（好肉麻啊！）

跟住阿榮老公仲同我講，呢隻鑽石介指粒鑽石的分數唔係好多，原本睇中咗另外一隻分數比交大，不過粒鑽石唔清，無咁靚，而家呢粒的鑽石的分數係細啲，但係我最後都係擇咗呢隻送比你，因為呢粒鑽石的級數係極好，超清。跟住同我講：我都知隻讚石介指細咗啲，不過，我應氶你，我將來一定會努力搵錢，買番一隻分數又大，粒鑽石的級數又清的送比你。