我的幸福禮物@手工皂
琴日好開心, 係我做嘢做到好鬼悶的時候
發現有嘢比我喎...
見到封面寫有小嘉的名字...
正....未打開巳經開心到飛起
令蕭C奶即時醒目哂!!!
連同上次小嘉送比蕭C奶的一齊影
係...小嘉你見到啦...嘻嘻..
上次送我的, 我還未捨得用啊...
因為實在太精美了
感謝您!!!
自從踏入了手作達人
(識少少, 就扮哂係手作達人的我...WAKAKA
覺得HANDMADE的都十分珍貴
能送給朋友的, 好開心好幸福
但相對地, 能夠收到朋友送的HANDMADE禮物
除了幸福, 開心外,
還多了一份窩心的感覺!
再次謝謝小嘉呀...
蕭C奶會盡快用的, 放心...
如果唔係咪浪費咗你的心意.
YEAH....有新嘢用了...
既然你收到人作禮物咁開心+窩心~ 咁你都要多d多d送禮比人喇^^
回覆刪除[版主回覆07/20/2011 13:27:00]嘻...上星期我靜靜雞送咗個HANDMADE靚靚口金比小嘉LU...好開心佢好鐘意...我哋兩個都係互相欣賞對方及一齊交流的BLOG友仔.
謝謝豬小姐嚟探我呀...你有一輪都無時間寫BLOG啊...係咪好忙呀.
哈哈!!你收到喇^^
回覆刪除自己D手作仔做出嚟有人欣賞真係超開心,送既開心,用既又係好開心^^
你千祈唔好唔捨得用呀!!!我得閒就會整吓架!!!
[版主回覆07/21/2011 10:51:00]咁又係呀, 唔用我就蝕lu...用哂佢就有籍口等收...wakaka ...(我好似好奸咁喎... )
唔奸唔奸...我整一鍋出嚟都有好多件,自己用都有擺用唔到啦^^
回覆刪除不過呢排無咩時間,遲D又要學車...我本來想快D整鍋洗碗液架...因為有一樽唔太good既椰子油,唔想掉左佢,諗住用嚟做埋洗碗液.等遲些有時間,我就整一大鍋,然後又俾D你試哎!!
我之前整過,都幾好用...多泡又去到油咁,雖然話支椰子油一般,但我估點都無洗潔精咁多化學野同傷手~
[版主回覆07/22/2011 23:46:00]嘩...好勁呀,洗潔精都可以整嫁...好呀好呀....
其實手工皂真係好好, 嗯..不過我又無興趣自己做喎, 但就有興趣用...嘻....都好, 識到你..都唔錯呀...好彩你又大方啫.
唔知我會唔會有一日會有興趣自己做呢...
洗潔精都好易整...做左一舊皂團出嚟,放兩個星期等佢完全皂化,咁就可以按自己需要用既比例落水,咁舊皂團溶左就會變成洗潔精/洗手液/洗髮液架喇!!!
回覆刪除哈哈哈!!!你鍾意用就好啦!!我唔係大方架....我都收左你個口金架!!哈哈哈!!
不過做左出嚟,我自己用唔晒,咁佢遲早變壞...咁梗係送俾真係有心用既朋友仔好啦!!!!
你用用吓,可能遲D有興趣整都唔奇架!!!!!!
[版主回覆07/23/2011 16:08:00]聽你咁講, 好似好easy咁...用用吓有興趣都唔出奇/?? 呢句都係...嗯...不過我屋細呀, 真係無可能又要縫嘢, 又要煮食, 仲玩埋呢樣...我怕真係無哂時間及地方...忍吓先...反正我而家靠你了...呵呵...
哈哈哈!!咁你靠住我先啦!!! 我希望聽日有心機整洗潔精....如果聽日真係整,咁一OK,我地又約食飯,到時我拎埋俾你啦!!!!
回覆刪除