上次成功了牛奶麵包
這次試做第二款口味的
早一晚較好了預設功能
第二朝早就可以有新鮮的麵包做早餐了....
今次試整法式麵包
今次做咗最少份量, 500g
雖則話最少份量喎, 都幾大個嫁...
睇吓...係咪好可愛呀..
熱辣辣嫁...法式麵包果然個外皮係比較硬的
不過入面依然係軟綿綿囉...
好味呀..
切開咗, 每人兩塊法式麵包
兩隻雞蛋, 不過我煎得超肉酸...嘻嘻
再加杯熱古古力...
出面食早餐, 都係咁...
但係出面的每人係收你廿幾蚊一個餐囉...
下次要試吓烚腸仔, 火腿....WAKAKA...
正!!!幾時整D俾我地吃呢??
回覆刪除[版主回覆07/20/2011 22:40:00]真係好難...因為無添加劑的包包, 真係要出爐即食, 因為一過咗個幾兩個鐘, 就開始變硬lu...無咁好味囉..等我諗諗計...
下次我來你家要試試先得，嘻嘻~
回覆刪除[版主回覆07/21/2011 09:23:00]好呀, 我都係咁諗嫁. 預定時間, 等你同HENRY嚟, 就出爐, 因為每次整都要成三個幾鐘嫁...一定要, 一齊試食新鮮出爐包包..
其實我成日幻想我哋四個人聚時, 同埋夾整咩食..嘻嘻...總之就約實你哋, 係時間大家仲未就到啫..一定會聚到的. 係咪.
呢部機真係好掂喎!!!!
回覆刪除唔得,我都要整返部先得呀!!!!
[版主回覆07/21/2011 09:59:00]係呀, 你屋咁大, 一定要買啦. 喂喂, 你真係去了解吓象仔牌, 好多人都話好好, 你去了解吓. 或者睇吓有無啲仲好用的. 到時記得同我分享呀..
哈哈!!!我唔識整野食...唔知有無其他牌子會好用.
回覆刪除等我上網睇吓人地既評語先!!
我呢家個心裡面幻想每朝有新鮮煎蛋牛奶麵包食呀
[版主回覆07/21/2011 10:38:00]快啲啦快啲啦...超方便, 將所有材料放哂入去, 禁個掣就等食, 咩都唔駛攪, 最啱我哋呢啲都市人呀.
好似好正咁
回覆刪除[版主回覆07/23/2011 10:48:00]唔係好似呀...係真係好正呀....