學友明天再見....

 

 

學友....明天再見了.....

(這次坐VIP區,

唔可以好似之前果場可以同學友eye contact了,

但係就可以好好享受視聽效果.)

隨意沙律

 

SUBJECT:  隨意沙律

其實係因為之前係TOWNGAS學咗一款有機沙律

材料係有機雞蛋, 意大利青瓜, 火箭菜, 同埋黑醋汁

學完一直都好想整比少爺食

不過..都未有機會呀...

 

假期最後一天

雪櫃有一條 翠玉瓜及有機雞蛋

不過就無LEMON汁及黑醋

所以做唔到TOWNGAS的那個沙律汁

不過蕭C奶最醒係咩呀????

轉轉腦筋囉....

意大利青瓜貴呀嘛...其實佢哋的樣係同翠玉瓜九成九一樣

駛鬼用咁貴咩....WAKAKA...

個汁整唔到黑醋沙律汁, 咪自行調較第二款汁囉...哈哈...

總之屋企有咩就用咩囉...

有機雞蛋翠玉瓜配隨意沙律汁

材料: 

翠玉瓜1條, 切件, 備用

有機雞蛋 2隻, 烚熟, 切件, 備用

 

沙律汁:

蒜蓉, 豉油, 日本麻油, 糖, 白醋, 黑胡淑碎, 少許橄欖油 (攪勻備用)

 

我的做法:

(1)  將翠玉瓜煎至兩面金黃色, 放在碟上

(2) 將巳調較好的沙律汁, 淋在翠玉瓜上

 (3) 最後將巳熟及切件的雞蛋, 放在翠玉瓜上面, 即成

嘩...個賣相真係好鬼屎得, 好靚

不禁都要讚吓自己添...呵呵...

我一攞出嚟, 少爺一見到個賣相

就巳經眼仔碌碌, 流哂口水...

一路食一路話好味好味..好得好得....嘻嘻

少爺話: 平凡的食材, 一經老婆手, 變得一啲都唔平凡呀!

呵..攪到人哋面紅紅添...

呢款沙律呀, 個賣相鬼咁靚

用嚟款待朋友就GOOD了

又唔駛好似好平凡咁, 都係啲鮮果沙律囉...嘻嘻

Jobe's Kitchen....

 

一向都愛煮食的我

當然很想要一個大KITCHEN啦

以前住天水圍個KITCHEN勁大呀

仲要有兩個焗爐...^^

不過而家搬咗嚟呢到...無LU...

不過咁...雖然細細, 初時都好唔LIKE個KITCHEN

個心當然有啲唔係幾開心

不過經過我同少爺的努力

再加上裝修師父的提點

原來我的KITCHEN都OK大嫁喎...

原來只要肯花點心機, 好好咁設計

都可以好實用嫁...

 

比番之前係咁易有少少嘢的KITCHEN你哋回顧番先

兩邊咩都無咁滯

無調味架, 無抹手紙架, 咩都無, 超級唔就手呀><

不過而家就唔同了

WOW...好似多咗好多嘢咁喎...

因為住落點會無嘢, 家上呢啲根本係本身應該要有的嘢

只係之前未諗定自己的就手位啫...

終於都裝咗呢條鐵通了...唔駛成日用上面的架嚟勾

因為都怕重量會過重,  唔係幾好嘛...

而家獨立一支鐵通, 會好啲...

而呢邊係食油的下面

終於都裝咗鹽,糖, 粉的架了...

整齊好多, 亦都方便好多呀..

用了這款"天上野' 牌子的架

不用讚, 只靠真空吸盤, 真係非常好用

又平又美觀.

右望...呢PART係最開心呀...

終於加了三角位調味架

又係方便好多了....

第二...之前買落的煲蓋架

超超超好用呀...

地方巳經細...平時煮嘢, 唔多唔少有時都要打開煲蓋

但係...><.....一打開咗, 咁個蓋放係邊先?????

無位呀...大佬...

好欣賞發明這個架的人

比十個讚佢呀.

哈....唔知煮開飯的人

有無呢個問題

因為以前一向係媽咪到, 都有個位, 可以掛鑊蓋

問題同煲蓋一樣,

大佬呀...炒炒吓餸, 有時係要打開個蓋

咁又係囉...咁大個鑊蓋又放係邊呢????

所以叫少爺幫我貼咗個掛勾

但係記住要買貴的掛勾呀

同埋要擇可以承受重量大的勾

呢個勾, 你去啲日用品鋪到, 可能你會見到有兩款

個樣幾乎係一樣, 但係價錢就一個係10蚊

另一個係23蚊左右

有分別...因為我哋兩個都買咗

23蚊的果然係質素GOOD, 夠力, 可以承受重量

10蚊的, 質素係無咁好, 不過都用得過, 只係..

你只可以用係啲掛輕身啲, 我就會用嚟掛"箕基".

而家煮飯可以得心應手, 好多了...

水龍頭, 無咩特別

只係加咗一啲咁的嘢

可以唔駛攪到啲水四圍咁濺

都係10蚊..抵用呀.

哈哈...呢個黃色磁石盒

係淘寶買的, 見佢咁鬼得意

剛好這個位, 可以擺到囉...

都係貪得意啫...裝飾吓..煮餸時見到佢個

@@LOOK, 煮都煮得開心呀...

爐的右下面

做了三個櫃

分咗三個唔同的尺寸

第一格的深度, 淺一點

因為用嚟放餐具

第二格, 深番一啲了,

用嚟放常用的碗, 碟, 杯等等

原來可以放到咁多碗碟嫁...

裝修師父做咗出嚟, 到真係放嘢落去

見到個效果, 好滿意, 亦估唔到.

最低呢格, 我就用嚟放一啲比較大型

及唔係常用的餐具

 

三格櫃的隔離

用咗嚟放米筒, 小小的廚房用品

唔好睇少佢好細咁, 原來都可以放到好多嘢...

呢洗手盆下面, 暫時放了一部抽濕機

專登度好尺寸, 一定要師父做到擺得入抽濕機

因為抽濕機唔可以打平放. 一定要打直放

所以連呢少少的嘢, 你都要花心思去度好尺寸及設計

跟住都係放啲廚房雜物

煲湯煲, 水煲, 膠袋等等...

 

當然仲有爐上面的櫃比我放啲食物呀

盒呀, 等等的雜物

仲有雪櫃上面的兩格櫃都係放哂我的煮食用品

(係喎...睇吓下次補影番先..)

所以裝修之後, 我鐘意自己的廚房

朋友都話, 我的廚房其實一點都不算小

好滿意呀....

原來小小的細節, 可以帶給自己的方便

所以...要裝修的朋友們,

好好動動腦筋, 想想自己的手勢, 生活習慣

來好好設計自己的家居啊...

希望這小小的圖片, 可以幫到裝修的朋友們啊...

 

香煎素牙帶魚

 

復活期後第一日返工呀...><

不過咁...都係返4日啫...跟住又放3三日喎...嘻嘻...

 

早前同事話訂素食

望吓張單...嘩...百幾款...鬼知邊樣好食咩????

經同事介紹

佢話試過呢款牙帶魚好好食喎..

只要解凍後, 煎香佢就食得...

咁就一於買定包, 放係冰箱

 

今日諗緊食煮咩餸....

好...諗起呢包素牙帶魚

好...一於今日試吓先...

 

是日晚餐: 香煎素牙帶魚

 

 

(第一次買素食魚類, 少爺食完第一啖,

即講: 老婆, 呢個魚好好味呀....係咩魚嚟嫁?

 我答: 係素牙帶魚.

少爺碌大隻眼話: e...真係估唔到喎, 係素食, 好好味呀....^^)

裝飾幸福部屋----復活節

 

呢個復活節假期

一連四天, 真係過得好開心

因為趁著這幾天的假期

少爺終於都的起心肝

肯裝飾我們的幸福部屋了....

 

所以呢幾日非常充實呀^^

仲影咗好多相添...

 

見唔見呢個門牌呀...

寫住1305, 其實呢個門牌係好朋友池池親手做的

以前係天水圍舊屋, 我哋係住係13樓05室的

所以池池當時整咗呢個送比我同少爺

不過可惜的是, 反而當時無掛過

因為當時間屋唔係我哋的, 所以唔可以鑽嘢呀.

ZOOM緊啲, 睇吓....池池整我同少爺個公仔樣...

整得真係好靚呀...

尤其係少爺個LOOK, 仲整埋少爺啲鬚根啊...WAKAKA

係舊屋一直都好想好想掛起佢

不過都無辦法...

最後直到今天, 我和少爺有自己的安樂窩

雖然而家我哋唔係住係13樓

但係都無所謂, 因為呢個門牌真係好靚

我好鐘意, 所以都照樣掛起佢

不過我哋就掛係屋入面做裝飾

我覺得掛咗後, 對門都靚好多, 無咁齋!

 

再次多謝池池呀...

好多朋友都成日好想睇吓我哋摺好哂啲被舖係點的樣???

嗱....摺好了...咪就係咁囉...

有朋友嚟我哋就會變成咁嫁了....

啲公仔排排坐, 好可愛嫁...

 

成日都話影比你哋睇

放咗嘢的地台

而家影咗了...OK.

呢兩格係高咗一級果兩格嚟的

好深嫁, 放咗一部乾衣機及一些雜物

咪係呢2格囉....

跟住床的果4格, 係專登做大啲格

用嚟攞行李箱及換季的衣服嫁...

而呢格, 就係我哋瞓覺的其中一格

打開咗, 呢格係同另一格專登做打通

用作放一個29吋及22吋的行李箱囉...

仲放咗兩個細的箱, 用嚟放衫, 用作換季.

知唔知呢個係咩東東????

因為我哋無經驗, 啲地台, 我哋有幾塊都係好大塊板

有兩格地台的開關都斷咗呀><

後來少爺上網搵到資料

原來有一個工具係專開地台嫁...

呢個工具咪就係呢個囉....

真係幾好用!

 

因為廚房唔係好大, 所以無位放電飯煲及水煲喎..

諗到頭都爆呀...

最後係廚房出面呢個L形衣櫃

我設計了這一格, 用用擺放這些電器啊...

加上我真的很怕鋪塵, 所以設計時, 我一定要有門

 

比番一張全櫃的相你哋望吓啦...

電飯煲果格, 咪係手作材料下面果格囉...

關上了門....無人睇得出嫁....係咪...

 

一直都覺得廚房及浴室之間的牆

好吉, 一直都好想做啲裝飾

我一直都好想買一塊水松木板

掛在這個空位

想用嚟釘我和家人及朋友的相片

亦都好想掛一些手作仔展示出來

嘩...呢個假期, 同少爺買咗返嚟

終於都掛咗了...

而家要得閒就哂番啲相出嚟先...^^

嗱...post番之前咩都無的相比你哋望吓啦...

 

而家間屋, 真係多咗好多嘢

有哂啲裝飾, 間屋無咁齋囉..

會有番啲色彩.

下篇再跟大家分享廚房呀..ok...

而家好攰....我要休息了...

等我呀..ok.

我會努力出post嫁...

 

淘寶貝之茶几桌布

 

 

早前跟大家分享了

電視機罩, 遙控器套

http://hk.myblog.yahoo.com/jobechan0911/article?mid=15714&prev=15740&next=15683

同大家講咗, 我仲淘咗茶几的桌布添

其實我以為少爺唔會like

因為我覺得少爺唔會係like啲花花款式

因為好lady咁...

不過我淘的時候, 因為見佢咁平

我又未有時間去買布嚟整

咁不如就試吓淘一張番嚟試吓囉

哈哈...攞咗返嚟, 鋪好佢,

等少爺返嚟, 佢一入屋見到

就話:  e...好靚呀....good喎...

點知個size啱啱好

仲要個質地好好, 唔係啲cheap嘢

仲要實物真係好靚, 同張相一樣嫁...

好滿意呀...

加咗呢張桌布

即時又唔同咗feel了....

我仲有個風扇罩呀....

不過朋友幫我修補一吓,

所以未係我手上

仲之一有我就post比大家望啦...ok.

無驚無險又過關...

 

不經不覺, 媽咪的癌症過了兩年,

早前的大檢查, 無驚無險又過了關,

人哋話癌症, 5年過渡期,

而家媽咪過咗兩年了...

祝願媽咪捱過呀...

 

癌症其實係好講心情

只要能夠保持心境開朗

就唔會比病菌有機可乘

但係係咪人人都能做到, 心境開朗呢...

其實老實講, 都真係幾難

我知媽咪的心結仍未完全打開, 放開

不過我知媽咪有進步, 亦都盡量把自己放開

我亦盡我的能力, 給她最好的, 關心, 聆聽多一點

亦都會盡我的能力, 給多一點的時間陪她

盡量帶她一起JOIN我的活動

多一點約她行街呀, 飲茶呀,

最近還想帶她一起JOIN我的享飪CLASS添

等佢接觸多啲新玩意, 嘻嘻...

幸好我的OFFICE, 都算容易請假

亦都有多點假期

我就可以得閒約媽咪平日放半日陪她啊...

 

不竟, 有許多事情, 都要靠自己

但是身邊的親人, 能夠支持, 陪著她

也非常重要

因為我深深明白, 病人的內心, 是很孤單的

所以作為最親的人, 我一定要盡力去陪媽咪渡過

好讓媽咪知道, 她並不是一個人, 不孤單的.

 

下個月就到母親節兼是我媽咪的生日月份

係時候要好好安排一些節目給媽咪啊...

終於有窗簾了.....呵呵...

 

2011年4月23日(星期六)

新居住咗半年多

但係一直都未的起心肝去做窗簾

因為之前去過花園街, 灣仔問過

痴線嫁...我成間屋得呢一個窗

都要千五蚊呀....wow....實在太貴了.

咪唔捨得整囉...

所以一直都只係用個衣架加衣夾嚟掛起塊布

頂住先...

上星期, 實在忍唔住了

行過樓下的商場

見到有窗簾鋪, 走入去問問

嘩...兩條軌, 加一幅遮光布,

我自己比幅紗佢改尺寸

仲要叫佢做埋冷氣機個小小位

人哋都係收我6百幾, 係連埋安裝

 

所以你哋話啦...花園街果啲係食水深了..

 

嘻嘻....唔講呢啲

終於都今日嚟裝咗了..

有咗窗簾成間屋真係唔同咗

係靚咗的.....yeah...

 

呢幅紗係媽咪留比我嫁

真係好靚, 好鐘意..

簡簡單單的小小花款....

冷氣機下面仲有少少窗位,

叫咗老闆娘幫我整咗呢幅小小的遮住佢....

正面.....好鐘意呀....

試咗呢間做得唔錯

嚟緊會做多一幅窗簾

用作替換

 

其實影相有色差呀..

係咪以為係有啲藍色呢..嘻嘻

其實佢係啡色為主嫁

只係影相有色差啊...

因為一心諗住襯番我哋的木色...

嚟緊做多另外一幅

希望想擇另一種feel, 另一種style

咁換吓呢啲, 都會令到間屋唔同哂嫁...