邊個話我傻傻傻@買布樂

 

2010年10月21日(星期四)

邊個話我傻傻傻@買布樂

 

自從開始手作仔

初時購買材料包

但開始很想自己動手剪布布

畫紙樣,很想一手一腳自己做啊

 

一直都留意很多買家的布布

自己都有為自己訂布布

日本布布實在太美了

但亦價錢貴很多呢

尤其是日元高企, 嘩....再連埋運費

一幅布布實在太貴了.

 

加上一向都很想買靚靚的綿布

老實說在香港很少會買得到

因為老師都是往日本,台灣,美國訂購的

可是我略嫌她們的綿布布款來來去去都是那幾款

沒有新意,並且人人都是差不多一樣的

我不喜歡啊...

我個人喜歡跟別人不同呢!

 

一直都有幾位台灣BLOG友的

所以知道台灣有個布市場

日本布質地靚, 圖案靚, 是真的, 可是太貴了

台灣布, 相比日本布,雖然質地差一點點,

講真真是差一點點啊

但是台灣布真的平,靚, 正啊

所以很早前, 知道少爺十月會到台灣工幹

巳跟少爺約好,這次工幹, 我會過去找他,

因為有目標.

少爺返工, 我就去買買買...

 

上一次原想跟少爺到德國, 最後沒有去,

我沒有失望, 反之, 我期待這次的台灣工幹

若果沒有得去, 這次就真的失望極了.

 

帶了一個20吋喼, 專程用作購買布布的

結果.....爆喼了.

你們看...這是我的戰利品啊..

其實我還很想買下去, 只是真的很重..HAHA

先來作介紹:

佢叫做: 一條柴SAN

係少爺改的...幸好在出發前完成了這個娃娃

專登帶佢嚟見少爺嫁...呵呵

少爺就幫佢改咗個名: 一條柴SAN

 

後面的布布..回港後,望了又望, 摸了又摸

就算唔用, 都好正...哈哈哈...

每一塊的布布, 都是自己親手挑選的

回來後, 我只看到有一兩個圖案, 在老師裡見過

其他的....如無看錯, 都沒有跟其他人相同啊...

 

還有防水布布

擇的時候, 都擇咗好耐呀

最後就擇了這十二卷啊...

WOW...而家睇番都仲好開心...

哈哈..我真係痴痴哋.

真係買唔夠嫁

不過學朋友仔咁講, 咁先有籍口比你再去多幾次喎

YEAH....下年再去過...

而且我仲希望可以同某幾位朋友仔一齊去添

因為我哋傾開都話

不如今次我去探路

下年一齊攪番一團買布團

三日兩夜....YEAH...

 

五朵正花到訪·Housewarming

 

2010年10月14日（星期四）

五朵正花到訪·Housewarming

 

搬咗後，忙於安排親朋好友

來新居坐坐

不計父母，也不計無心插柳下的幾位朋友來過

這幾位朋友就是頭炮到訪啊。。

 

這幾位朋友，查實係蕭C奶的良朋

她們全都是高級法庭XX主任。。。不便透露，免得她們鬧我。

她們沒有架子，又好人

成日都幫蕭C奶嫁，又成日照顧我，

一直都很想感謝她們，

她們知蕭C奶有新居，又送禮又幫忙

這次邀請她們來坐坐

為了答謝她們，蕭C奶當然是。。。

親手縫一些小禮物送給她們啦

 

這個俄羅斯娃娃鎖匙扣

既簡單，可愛又實用呢？

用來送給叻叻，因為她將成為業主啊

那這個鎖匙扣正正合她用呢？

一面是藍色，一面是紅色

第一次縫製，我自己很滿意啊。。。

另外做了這幾款送給

Monica， Gloria， May and Winnie

每一個都不同的，希望你們喜歡啦。

哈哈。。。感謝您們啊！

能夠看見您們手上都有我親手的作品

非常開心呀。

 

等我呀。。。

蕭C奶返嚟了

返到嚟香港

公私兩忙

忙到跟本都無時間上網咁滯

你哋等我呀

我會慢慢UPLOAD啲旅行相

及其他開心事

同大家分享啊。。。。

做跟得夫人先得.....

少爺去咗台灣工幹

今次都算幾耐呀

由14號至到22號喎....

咁蕭C奶就飛過去搵少爺啦

原本想去一星期,

只可惜請唔到咁多日

因為無人嚟替我個位啊..

所以最後我只能請到2天

咁我就明天晚上放工

搭夜機飛去搵少爺啦....

 

頭兩日少爺仲要返工

得番蕭C奶一個人係台灣到行街啊

我要大血拼.....

 

係呢個BLOG到知我去台灣的

千萬請大家不要在FACEBOOK裡

提我去台灣啊.....OK.

MARC JACOBS

 

 

一向都喜愛這個牌子

MARC BY MARC JACOBS

因為它的袋袋

價錢可以接受

就算是用皮來做的袋袋

相比起其他的牌子要平成半有多

覺得都幾抵用!

 

 

這個袋袋巳出了很多年及很多圖案

每年每季都會出不同的圖案

最初出的淨色

自己巳擁有一個桃紅色

用後勁鐘意, 因為超級好用

可以放很多東西, 最重要是袋本身用上輕的物料

所以當你放入很多東西時

揹上它也不覺得膞頭痛啊...

加上又容易襯衫呢

 

最近我的桃紅色用得很舊了

加上很想買一個有圖案的

心裡一直都很想走去MJ專問店望望

之前成日出的圖案

總是買不到, 因為它一出新的

巳很快比人購置一空啊

前幾天, 約了朋友吃飯

還沒夠鐘, 心裡想起MJ

便走去逛一逛

誰知.....看到此圖案覺得很合眼緣

加上這個有中size啊...

想也沒想, 便買下來了....

 

少爺返嚟香港找數呀....哈哈.

 

古典花花口金@第15件手作仔

 

古典花花口金@第15件手作仔

 

這款花花布, 白色底真係幾靚

再配上一個古銅色口金

古典味極濃

 

不用多說, 巳想到非'妳'莫屬!

 

俄羅斯娃娃側口金@第14件手作仔

 

俄羅斯娃娃側口金@第14件手作仔

 

又完成一個口金了

不過因為係趕急之下

這個口金縫得不太好

實在對不起你啊....口金

專登擇一個側開的口金

都幾特別喎

唔駛成日用嚟用去都係中間開果款

有少少新鮮感囉!

特別的口金

送上特別的'妳'

我想你會喜歡的, 是嗎?

過份美麗之彈彈口金@第13件手作仔

 

過份美麗之彈彈口金@第13件手作仔

 

呢一款又係新學的口金

用上了彈片的口金

做法非常容易啊...

這塊布款實太美了

前後都美到不得了

 

一向不太愛紫色的我

都被這塊布款吸引了

一看見這塊紫色布布

想也不想

心裡巳有了擁有它的幸福朋友

就是'妳'啊....紫人兒

當妳一打開這份小禮物時

巳想到你一看見這個紫色

一定會愛上它.

不出所料......

妳的WOW WOW聲

WA WA聲

我的心都開心到飛起了

 

圓碌碌散銀包·第12件手作仔

 

圓碌碌散銀包·第12件手作仔

 

其實這件手作仔早前巳完成好

只是未有時間將它拍照啊。。。

但因為要送給朋友了

所以迫住蕭C奶要急急影低

 

圓碌碌的，第一次做不算太難啊

拉鏈位用上滾邊包住

這個滾邊想學很久了

終於都學了

暫時也不算太難啊

加了滾邊的確又有另一種款式

這個散銀包包

其實都有點不捨得送給‘妳’啊

因為蕭C奶自己都覺得這個滾邊

上得很靚，近乎完美啊。。。

還有最弱的藏針

越來越靚。。。嘻嘻

不敢自己讚自己啊。。。

原本不喜歡藏針的我

現在反而愛上了這個針法呢

 

還有包包的內面

快很漂亮

這次還學會了一種新針法

看看拉鏈位的線線嗎？？？

這個叫做‘千鳥縫’

這種千鳥縫像一個X啊

不難，而且我還覺得這種針法蠻漂亮呢.

 

這個圓碌碌包包,

我十分喜歡

希望可以做多一點來送給身邊的朋友啊!

金菇牛肉卷·新居煮意

 

2010年10月11日（星期一）

 

今日GIGI係第一日返工了

我哋成堆笑哈哈的同事們

約埋一齊出去食個LUNCH聚吓

同事月巴仔叫了一款牛肉卷

正當想著今晚食咩餸好？

諗起月巴仔的牛肉卷

YEAH。。。好想食喎，

好。。一於今晚來個金菇牛肉卷

相信少爺回家見到

一定大叫。。。正呀！

因為這個餸少爺很愛呢！

果然不出所料

少爺入到廚房

見到蕭C奶的餸菜時

走出來問： 老婆， 今晚啲餸咁正的？

係呀，少爺咁辛苦晚晚都要開OT

梗係要煮啲你LIKE嫁了。

唔係的話，咪白比家用。哈哈。

當然唔少得，一定要有菜菜啦

買咗大大的一半旺菜

真係勁多呀，都未煮哂添呀。

住咗係新居一個多星期

呢餐係正式的第二餐飯啊

第一餐因為有師父嚟整嘢

所以無時間去影相啊。。。

其實而家個廚房都仲未好習慣

加上我又未搬個鑊番嚟

我只係用一個深少少的前鍋PAN嚟炒菜

或者蒸餸

跟住就用另一個煎PAN嚟煎其他嘢囉

所以新居煮意

暫時會煮一啲比較簡單的餸菜啊。

加上仲有啲架都未按上去

因為無電鑽啊

要睇吓幾時問吓朋友仔借先得呀。

 

貝殼口金·第11件手作仔

 

貝殼口金·第11件手作仔

 

這個九月十月都忙着新居的事

但心常想著手作仔啊。。

所以忙新居之餘也要動動手啊。。。

想起初初的第一個口金

手工的確進步了不小

上口金比之前準確，快及靚

看到自己有進步，真係好開心呢

看看口金的內面位

之前縫到啲線出哂嚟，好肉酸啊

而家睇吓。。。係無線走出嚟嫁

好貼個口金位，你哋睇唔到啲線線啊。。

一早就預咗這個粉紅色花花口金

送贈佳人作為生日禮物

就係因為你生日，

幾忙都令到我好有動力去完成這個口金

可想而知你有多重要啊

一直都無咩作品留給自己用

其實一直都鐘意口金

好了，等我自己做番個比自己先

又係呢款俄B布布呀

我的俄B系列又多一件了。。。YEAH！

 

搬後感

 

昨日入伙好順利, 亦都好開心, 奶奶今日第一次見新屋, 佢話無諗到我哋整得咁好咁靚咁實用, 十個讚呀.....還有我的好友叻叻到來, 勁開心囉。 感謝您呀. ^^

媽咪就話見到我哋裝好哂，有齊哂啲家具，反而仲大間個吉屋。又係話好靚，啲顏色好舒服，好實用。又係勁讚囉。

好友叻叻都係咁講，估唔到可以將原本的500幾尺的所有嘢，搬到嚟一間只得200幾尺的地方，仲要係估唔到可以咁大，亦都好欣賞我同少爺的收納方式。

各人亦都讚，新屋的各方面的配套都好好，無論交通，食店，買嘢，通通都好方便。因為我的村係上咗少少山，加上屋的方向向東，各人琴日可以親身感受不用開冷氣的FEEL，仲要各人都話，係勁涼爽，好似打八號咁。。哈哈。。

以前返工放工來回連等車要成2個半鐘，而家返工放工連等車都只係最多一個鐘多啲啲，時間慳咗成半。 車資每人每日以前要40零蚊，而家又慳咗一半有多。 好明白時間=金錢的道理，更加明白點解市區的樓價咁值錢。

慳咗的錢可以足夠比我用係手作仔到囉。。。WAKAKAKA

 

係天水圍到住咗三年，唔多唔少都有啲唔捨得，始終都係有感情的。係呢三年裡面，住咗係到，甜酸苦辣樣樣齊，帶咗好多回心憶比我同少爺。 因為呢到地方大，蕭C奶又愛煮嘢食，所以經常都會同家人及朋友開大食會。其實好感恩，可以三年住咗間大屋，好舒服，可以同好友晴晴媽咪見面。 亦都因為呢到地方大，滿足我結婚後, 可以同少爺及媽咪一齊生活過一段少少時間.

搬咗出去市區, 最不理想係要同老爺及媽咪兩家人的距離遠咗, 不過針係無兩頭利嫁.  唯有搬咗之後, 要KEEP住一星期要有一天返去兩邊屋企,見吓老人家啊... 做女的, 當然最唔捨得離開媽咪咁遠啦, 不過咁,好彩我哋有直接車, 一程就可以返到兩邊的屋企啊...

終於成為MTR人, 唔再去邊都要坐長程的巴士, 亦都唔駛再咁浪費啲等車時間.  亦都好開心, 以後約朋友仔食飯, 只需要大約半個鐘左右就返到屋企.  唔駛再眼紅某啲朋友, 次次同佢哋食完飯, 我仲係啱啱上車, 佢哋就返到屋企, 到我返到天水圍屋企, 人哋就準備瞓覺了. ><

亦都好興奮可以去APM呀, 德福呀, MAXGA BOX呀, 旺角呀, 尖咀呀, SOGO呀等等這些地方, 以後可以去完街街都可以半個鐘就返到屋企了.   ^o^

 

當然住新界區都有好多優點, 起碼人少啲, 空氣都清新啲, 呢個係真的.

不過我自己總覺得新界區適宜啲退休人士呀, 或者有車出入呀, 咁就會正到爆.

但係我哋呢啲無車, 又要日日返工的人, 真係好辛苦嫁, 未返工, 就巳經比個車程攞咗半條命啦, 就算有位坐,其實真係好攰囉.  我真係唔想再咁了. 

最重要係車資的問題,  住咁遠, 啲車費呢頭增值, 無幾多次, 就巳經用哂了. 而家車錢真係慳咗一半呀. 慳咗嚟夠我蕭C奶買一餐餸啦.

加上購物, 真係無市區咁多種類及選擇.  而且係新界區,其實買嘢仲貴過市區呀.