日誌

現在真的很先進,以前我都有寫日記或週記的習慣,但後來人懶了,常常用忙來做籍口,今天很忙很攰,今天不寫了,明天吧!但是,到了明天,後天,大後天 .......都是沒有寫的.就係咁,我就無寫了,但個心成日都想寫的. 直至而家啲人興寫Blog,令我重拾寫日記的事,雖然唔係日日寫的,但係當心裡有啲事或者有啲感覺好想講,好想同人分享時,好想記低佢時,寫Blog的而且確係好好的.

無論係開心唔開心旳都可以寫係呢到,朋友或自己都可以睇到,唔錯呢?

其實我真係好鐘意寫嘢,(其實講嘢都係,哈),以前我好鐘意寫信,係好鐘意,因為有時有啲嘢,用字去表達,係有另一番的感覺/感受,你哋有無試過寫信比自己的父母,我就有呢?其實真係唔錯嫁.有一陣子,有啲嘢擺咗係個心到,好想問嗲哋,但又唔知點開口講,到最後我決定咗寫信比我嗲哋,好開心,我嗲哋有回信比我,當時收到封信好感動,好開心,其實用呢個方法都可以增進父女間的溝通同感情,你哋不妨都試吓啦!