皮膚痕癢

可能因為我而家睇嘢比較灰

其實認識我的朋友都應該知道

我一向都有‘痕癢’呢方面的問題

你哋都知我成日都話

晚晚瞓覺都唔知點解都咁痕

總之就周身都痕啦

同埋你哋都知我手袋一定要一支‘阿婆香水’

即係白花油呢嫁嘢

而有時你哋咪見到我同你哋聚會時

都見慣咗我無端端會攞支阿婆香水嚟揸的

你哋咪都慣咗我，腳呀，手呀等等都無啦啦

好似比蚊咬咁

咁我就要揸番啲阿婆香水嚟止痕

 

最近我的左腰部份

其實係由上上星期四， 即係5月13日開始

突然覺得左腰位置有啲刺痛感覺

果種痛唔係話跌倒呀，比人打呀，撞到呀，果啲痛喎

又唔係好痛好痛果種喎

就總之就感到好唔舒服，又啲刺痛的FEEL

咁先煩人呀

之後仲好痕添

係好痕呀，要成日抓癢

痕的位置係由肚臍附近到左腰間

但係又唔會紅, 又無腫,又無咩痕跡,

總之就咩都無,

淨係得個少少刺痛及痕囉...

 

但係我都好擔心

初時以為係生蛇

不過佢哋話咁多日

唔會係生蛇,因為生蛇係會好快的.

 

前幾日我即刻上網打 '痕癢'

有以下的幾篇文章/知識係有關痕癢呢方面的

抓出痕癢的所以然

成癢之路

無故痕癢或重病警號

 

 

睇完又好擔心

內容大致上係話唔好少睇痕癢呢方面

其實當你成日都有痕癢呢點

咁可能係病的先兆

可能係癌症, 慢性腎病, 糖尿病 等等...

又話通常痕的人有時仲會痕到瞓唔到

又或者會瞓瞓吓痕醒咗

見到啲文章咁講, 啲徵狀好似我咁

真係好驚,又好擔心

 

話比阿榮知, 佢話....嗱...你又嚟啦.

又咁神經緊張, 又亂諗嘢

老婆呀, 你而家真係成日都好負面

以前都唔係咁....

我都知.不過,我真係好擔心

所以決定要BOOK睇醫生

請醫生幫我驗血

如果真係有事

希望可以及早醫冶

雞肉腸配通心粉

 

2010年5月30日(星期日)

 

琴日同少爺去咗吉之島shopping

一定要去超市啊...

見到做緊promotion, 有得試食

覺得好香又唔太咸

而且仲要係無人造色素及防腐隮

咁健康, 咁就買佢返屋企了

今日瞓到差不多十二點

一於即刻煮嚟食先....

 

呢一個午餐, 每人只係17蚊咋....

出面仲要無咁好食咁健康的雞肉腸啊..

仲要無咁多菜菜添....

自己煮得而且確係抵兼好味...

加拿大Q版穀飼牛扒配肉醬意粉/燕麥飯

 

2010年５月２９日（星期六)

 

今日同少爺去咗吉之島shopping

今日同侄仔講咗, 晚餐食牛扒及意粉

去到超市順便買咗啲菜

同埋早前聽侄仔講, 話好想食粟米仔喎

一見到粟米仔, 少爺都話買粟米仔啦

ka ho鐘意食喎....

少爺真係好好, 連我侄子鐘意食咩都記得.

 

加拿大Q版穀飼牛扒配肉醬意粉

有蕭c奶係到, 就可以係六星級的家

因為是日晚餐, 可以跟意粉或燕麥飯

少爺及侄仔都擇咗配意粉

 

 

而我就配燕麥飯囉....

哈哈...呢幅圖係少爺畫嫁.

好有趣啊....畫到好似個飯咬住件牛扒咁...

 

加拿大Q版穀飼牛扒配燕麥飯

 

今日呢個牛扒係星期四晚

約咗好友愛麗詩去sogo到買的

好抵啊...$79.9兩pack呀

一pack有成5件嫁

同愛麗詩每人一pack

都係40蚊啊.....

係來至加拿大Q版穀飼牛扒喎....

係sogo到掃咗少少嘢咋

太重了...少爺又唔係到, 又無車仔

下次要掃多啲貨先得!

情緒

唉。。情緒又唔係幾好

一日未得到解決，

個心都唔會安樂

好鬼煩，好鬼忟

我都知要好好控制吓

不過真係好難，

而家返咗工咪好啲囉

可以用工作分散注意力

又可以同同事傾吓講吓

個人都開心啲

不過當然一靜落嚟

個人好自然會諗囉

 

心情不好

唉....心情又不好了.....

 

琛玔宜家傢俬vs香港宜家傢俬

2010年5月22日(星期六)

 

琛玔宜家傢俬

vs

香港宜家傢俬

 

蕭c奶一向都鐘情宜家傢俬的傢俱

在香港行過不下幾十次

次次都行成日

(其實睇嚟睇去都係咁, 都唔鬼知點解都仲要行咁耐心!)

而家因為有新居

好多嘢, 都要從頭買過

聽聞琛玔的宜家平好多

一直都好想走一趕, but未有時間

趁住有三日假期

打比表妹, 表妹話車我哋去喎...嘻嘻

咁梗係好啦, 唔駛自己搵車喎...

所以表妹就車咗我哋去了.....

 

嘩...唔好講笑, 真係平好多嫁

就算計埋對換率都係平過香港

今次蕭c奶買咗少少嘢咋...

大家不妨對比吓琛玔同香港的價錢啦.

 

掛釣

呢張相係香港宜家影低的, 售價為HK$119.9

但係係琛玔到買.......只係人仔$69

又係平咗幾十蚊, 係香港巳經睇仲咗

所以都買咗一個了.....

 

煲蓋架

呢張相係香港宜家影低的, 售價為HK$55.9

但係係琛玔係買.......人仔$14.8

足足起碼平咗三十幾蚊啦.....

呢個煲蓋架想買好耐嫁了, 一知有新屋巳經好想買

而家咁平, 唔買點對得住自己呀....呵呵

浴室燈

呢張相係香港宜家影低的, 售價為HK$139.9

但係係琛玔係買.......人仔$50

嘩...平成半呀...點攪....

本來想買嫁, 不過表妹好細心, 叫我影低個燈入面

睇吓琛玔的同香港的電線路啱唔啱先買

所以留番下次先....

餐具盤

係香港又係想買, 不過而家等裝修師父攪好個廚櫃

confirm個尺寸先買

係香港, 我無記錯係, 售價為HK$9.9

但係係琛玔係買.......人仔$4.8

掛牆摺板檯

係香港又係想買, 不過無貨, 見唔見呀,

係香港買, 售價為HK$349.9

但係係琛玔係買.......人仔$299

唉...呢張好想買呀, 好鐘意囉,

不過可惜, 連琛玔都無貨, 我諗一定係比香港人買哂

因為國內的朋友啲屋係勁大, 駛鬼要呢張摺枱咩???

其實呢張反而唔算平好多, 因為計埋對換率都應該

要港幣三百幾

不過如果今次順便嚟到, 梗係買咗佢啦

不锈鋼架

係香港買, 售價為HK$229.9

但係係琛玔係買.......人仔$199

呢個架都唔算平, 又係計番都係差不多咋

不锈鋼導軌

係香港買, 售價為HK$50

但係係琛玔係買.......人仔$39.9

我發覺用不锈鋼做的貨品, 係唔係平好多

但當然一次過買齊, 都係平過香港少少的

最後蕭c奶貪得意, 又覺得難得嚟到

無奶油唔買番啲嘢嫁...呵呵...

除咗買咗個煲蓋架及掛釣之外

仲買咗以下幾樣貨品

 

晾衣架

唔知香港買幾錢喎, 不過見佢夠可愛

係一個八爪魚的晾衣架, 售價為人仔29.9

又唔係貴, 想買嚟新屋用, 咪買咗佢囉

加上呢個八爪魚的晾衣架, 我覺得最好係

因為可以摺合, 收納容易 

蔬菜脫水器

其實我唔係好知個貨品名係咩,

'蔬菜脫水器' 係而家諗到的, 呢一個其實好多年前,

好友經理送咗一個比蕭c奶, 勁好用,

做沙律時最好呀, 只要將啲洗好的蔬菜放入去,

轉佢幾吓, 咁就可以將啲水脫鬼哂, 咁啲菜就乾哂嫁了

如果成鬼日等佢'琼'乾啲水呀, 蚊都瞓啦,

而家有咗佢幫手, 快好多啊...

蕭c奶就成日整沙律, 就算係生果都係用佢幫手

放工返屋企, 洗好啲菜, 如果當晚要炒菜,

必定用佢, 咁先可以炒到啲靚菜嫁嘛.

一直都好想介紹比大家, 不過未有時間啫

剛好而家順便了

其實我有, 點解仲要買...因為平囉,

又想新屋用新嘢囉...(貪新忘舊)

無記錯, 香港售價HK$69

而家為人仔24.9

唔理咁多, 買咗先算, 到時自己用又好, 買嚟送比朋友仔又好

計時器

呢個我都唔知香港買幾錢喎, 不過自己一直都好想買

但好似都唔係話好平, 平時又唔鬼捨得買喎,

本來都無諗住係琛玔呢到買嫁

不過見難得嚟到, 都係買啲嘢, 開心啲囉...呵呵....

售價為人仔29.9

餐墊

係香港又係一早就好想好想買

不過貴呀嘛, 我唔記得香港買幾多錢了

但一定唔夠而家平, 我隱約記得香港應該要十幾蚊一塊

次次去親香港的宜家, 都睇一次, 但都係唔捨得買

哈哈...今次係琛玔宜家做緊特價

只需要人仔4.8, 諗都唔駛諗呀

即買兩塊呀.....

玻璃樽

其實呢啲樽, 香港好多地方都有得買,

有平有貴的, 不過都係果句

想平衡吓個購物心理兼且咁遠水路嚟到

見佢得買人仔9.9, 反正都想買嚟新居用

咪買鬼咗佢囉...

 

其實仲有好多嘢, 都好平嫁

好似我表妹咁, 買咗一包十條的毛巾

都係29.9, 仲有被套99蚊

其實仲有好多嘢, 好想買

不過留番下次先, 因為有啲嘢都係等裝修裝得7788先

係香港睇中佢的一套梳化, 香港買699

係琛圳買499囉, 不過梳化就自己攞唔到lu..

大件的只能夠係番hk買算數囉...係咪

嗯...今日好滿足啊...

其實我只要買少少嘢, 而且又知係平咗的

會好開心嫁了.....

 

 

Le Creuset Powder Pink & Powder Blue Launch at Sogo 7/F CWB 21-30 May 2010

 

近呢一年, 最近愛上了Le Creuset這品牌的鑄鐵鍋

外形美觀, 顏色吸引, 最重要是品質的保証

但是....很貴啊....千幾二千元一個鍋

蕭c奶還未捨得買啊.....

五月份有這樣的一個推廣, 有興趣的朋友們, 去吧!

這次出了限量版, 粉紅及粉藍色, 都好靚..

不過蕭c奶都係鐘意深色啲的, 而且我覺得橙色最為傳統啊...

唔知我幾時會捨得買一個嚟玩吓呢...kakakaka

 

Le Creuset Powder Pink & Powder Blue Launch

at Sogo 7/F CWB 21-30 May 2010

  

 

Flower Casserole HK$1,588 (Original Price HK$2,888)

Heart Shaped Casserole HK$1,388 (Original Price HK$2,388)

 

Round French Oven 14cm HK$618 (Original Price HK$1,688)

Round French Oven 18cm HK$1,100 (Original Price HK$2,028)

Round French Oven 20cm HK$1,388 (Original Price HK$2,488)

Round French Oven 22cm HK$1,588 (Original Price HK$2,888)

 

Oval French Oven 25cm HK$1,488 (Original Price HK$2,688)

Risotto Pot 24cm HK$1,500 (Original Price HK$3,088)

法國優質廚具 LE CREUSET將於本月銅鑼灣崇光百貨感謝週年慶獨家隆重推出兩款全新限量版的醉人粉紅及粉藍色廚具系列。香港是繼早前日本和韓國後，首次於亞洲發售此迷人矚目別注色系的地區。LE CREUSET全新限量醉人粉紅粉藍色系列優雅脫俗，叫人引以期待，勢必引起搶購熱潮！兩款新顏色限量系列包括14cm、18cm、20cm及22cm圓形琺瑯鑄鐵湯鍋、25cm橢圓形琺瑯鑄鐵湯鍋、花型琺瑯鑄鐵鍋、心型琺瑯鑄鐵鍋（只限粉紅色）及有蓋心型瓷器小焗盤。
 
醉人粉紅及粉藍色廚具系列將於五月二十一至三十日「崇光百貨感謝週年慶」期間，於LE CREUSET銅鑼灣崇光百貨專櫃獨家發售！為協助疏導人流，屆時LE CREUSET將於早上十時特別派發限量籌號予欲購買醉人粉紅及粉藍色廚具系列的顧客。限量發售貨品每日售完即止！活動期間，LE CREUSET的多款色彩繽紛的廚具均以正價七折發售，部分產品更低至四折，其酒類配件亦以正價八折發售！機會難逢，各喜愛LE CREUSET優質廚具的朋友萬勿錯過！

活動詳情：
日期：二零一零年五月二十一至三十日
時間：早上十時正至晚上十時正
地點：銅鑼灣崇光百貨七樓LE CREUSET專櫃
*欲購買全新限量醉人粉紅及粉藍色廚具系列的朋友，必須先拿籌號，籌號亦只可在當日使用，逾期作廢，敬請留意，謝謝!