一句唔理, 可以解決到咩!

太驚媽咪及侄仔有事

啲追數佬搵到嚟屋企

真係好驚佢哋會攪事

接咗媽咪及侄仔嚟我呢邊

但係係辦法咩

長遠計都係唔得

呢間屋唔係我同老公嫁

加上我哋過多幾個月都搬了

點算好???

 

而且又驚突然搬走咗

啲追數佬嚟到無人應門

可能係會反效果

講咗話唔識呢兩個人

但係突然搬走咗

咪即係自打咀巴

搬又唔係, 唔搬又唔係

我就快顛了...呢幾晚無瞓過覺

要顧住身體...但係真係食唔落又瞓唔到

我的精神壓力...我心知好差

但又點...我唔想諗. 但係個腦係咁不停諗

 

老公要返工, 但又要日諗夜諗方法

打比你倆個, 問清楚啲數係咩數

都係想諗辦法幫你哋

同你哋講, 而家人哋追到上門了

又放啲追數紙係信箱

仲放埋去隔離啲街坊到

想唔比人知都唔得啦

間屋又買q咗, 如果無買就好了

即刻請議員幫吓手

求調遷, 都好呀

而家...買咗無得攪了...諗到呢到...都唔知點好

同你哋 傾, 你哋只係一句

你哋唔駛理嫁, 唔駛理嗰啲人嫁, 佢哋唔會做出啲咩嫁,

你地係咁話唔識我哋就得嫁了.

 

聽到真係火起

你哋梗係好啦, 你地講真係講得好easy囉

人哋而家唔係上門搵你哋, 你哋梗係講得好好聽啦

人哋而家唔係煩你, 你哋梗係好輕鬆啦

一句話唔駛理, 就叫做負責任

咩叫唔駛理呀....

我真係頂你哋個肺囉

你還淨二萬八, 我真係頂你, 你做咩當時唔q出聲呀

二萬八, 我借都問人借嚟還q咗佢先啦

你仲講到咁口響, 話還到二萬八, 有期還唔到, 之後人哋一加就加到成7萬

你一句話, 鬼叫佢一加, 加到咁多, 點撚還呀....咪唔q還比佢哋囉

哈哈..我聽到真係想鬧爆你囉....

你有無腦嫁, 你唔還, 人哋梗係加息啦, 你係咪有腦嫁

哦...一句唔q還, 就攪到而家咁....

你好撚嘢, 仲報埋我媽個地址添....而家人哋搵, 就搵唔q到你,

你就係澳門到好覺瞓...

掉低個奶奶同仔係到受苦, 受罪

佢哋好無辜囉....

 

如果你哋唔係有個仔, 我真係唔撚理你哋

得我媽咪一個, 好容易攪啫

我咪最多唔要層樓, 斷供, 比番銀行

我咪最多租間屋比媽咪住又好, 叫媽咪返去阿婆到又好

我哋以後都唔會認你囉

呢啲咁的人, 我認唔認都罷啦

但係而家呢...咁個仔點呀, 佢真係好無辜

我唔係為咗你個仔, 我話之啲人斬q死你

我咪當阿媽生少個

有幾閒呀....

反正由細到大, 你有做個做仔的責任咩

你有做個做阿哥的責任咩

呢頭家, 由細到大, 都係我一個人咩起

有任何事, 都係我一個人去睇去攪

其實我由細到大, 都覺得我媽咪及老豆同生獨生女有咩分別呀

反正有咩事, 都係我做女的做

你有做過啲咩呀....

但係個細路,即係你個仔係無辜嫁.

我又可以點好呀.

你死你的事, 大佬唔好累街坊啦

 

我覺得你哋真係好不知所謂

唔係人嚟嫁

只會將啲問題越攪越複雜

從來唔會為屋企人諗吓

唔會同我哋好好咁商量

仲要將個責任推係人哋身上

仲要話媽咪唔幫你

我都未同你計呀

阿媽有癌症, 都係因為你同老豆的事攪到佢

唔開心, 鬱咗個病出嚟, 我都未同你計

你好命梗, 你做咗咁多嘢, 都無病無痛

啲病永遠都係係啲好人身上發生

你好嘢....你食煙又飲酒, 都無事

就算阿媽點欠你呀,

個病咩都還哂比你地啦

係咪要攪到佢真係顛咗, 佢痴咗, 佢死咗

你先安樂呀...

但係我係唔會比你咁樣對我阿媽嫁

你可以唔認佢做媽

但係唔該你要記得, 聽清楚

有我的一日, 我都唔會被你再咁樣對我媽囉

媽咪唔係得你一個仔, 仲有我嫁

唔係得你有份, 仲有我嫁

我會照顧媽咪及老豆

我巳經由唔知邊年邊日開始

當我自己係獨女

你哋的嘢, 唔該自己負責

就算我有錢, 我都唔會幫你地還錢呀

你哋呢啲咁的人, 跟本無親情

有利用的就番嚟, 無撚用

我而家忍你哋, 因為我仲要安排所有嘢

攪好哂之後, 我係唔會主動再打比你哋

我唔會再好似以前咁傻

會信你哋變好, 會信個天有眼

我覺得咩都係靠自己就最好

咩人都信唔過

我巳經比咗好多次好次機會你哋

我以為我所做的嘢, 你地會知

但係原來唔係...我太傻, 太天真了

我要醒了....我唔可以再咁樣麻醉自己

有信心, 會付出, 就會有希望, 有奇蹟!

梗本就唔係囉

事實巳經攞係眼前

那怕到你死果日, 你都唔會變

我覺得我要重新改變自己的諗法

我唔可以再浪費係你吔啲唔值得的人身上

我要好好重新學習

好好改變自己

 

 

 

諷刺

諗番起聖誔時抽到頭獎

以為好運真係會出現自己身上

以為之前的08 及09年的惡運

會除2010年消失

2010年將會是我的好開始

以為又抽到間公屋

各種的嘢, 以為自己真係行緊好運

以為你(天)真係見到好人

 

朋友一個二個都不忙為我高興

爭住要同我夾份買六合彩

又話要摸吓我, 攞番啲運

哈哈哈哈...真係太諷 刺.....太諷刺

原來係個天玩我咋

咁開心.....見你咁開心...比啲甜頭你囉

轉個屈尾十

由天堂去到地獄

由興奮去到低落

個天好似玩得我好個隠

唔好再同我講咩人生道理

唔好再同我講話, 要比啲事你經歷,

等你從中會學習到當中的道理....等等...呢啲廢話啦

咁成個地球咁多, 有咁多壞人, 咁多唔識珍惜的人, 咁多自私的人

咁多不生性的人, 咁多廢人,

你又唔將呢啲唔好的嘢, 發生係佢哋身上

等佢哋去學, 去感受呢啲人生道理.

 

我知道我而家巳經去到一個唔可以咁冷靜的地步

我唔可以再好似之前咁, 咩都求你(天)

咩都話由你(天)安排

你係有眼的, 就唔會將呢啲的不幸發生係我身上

咩道理呀...我唔識咩, 駛咩你(天)教我, 駛咩你(天) 引導我呀

我 呸

 

而家你(天)真係想玩到我幾時

幾時你(天)先可以收手

老豆同媽咪分開

阿哥阿嫂又唔q生性, 爭人周身債

呢個係佢哋的問題, 我知唔關你(天)事

跟住要我媽咪有癌症, 比咗呢個咁大的傷口佢受

而我...由細到大, 要負起全家人的生活費, 有苦自己知,

跟住小產, 無咗bb, 到而家我成日都諗住無咗的bb,

無同朋友講, 無同家人講, 係唔想佢哋擔心

跟住而家又要我子宮有事, 都未出報告, 都唔知好定壞

而家仲要攪到阿哥阿嫂的債,

啲追數佬追到去我媽咪屋企, 攪到佢倆婆孫日日都無攪好瞓

攪到我媽咪日日都提心吊膽

點解....點解我會有啲咁的阿哥, 咁不負責任

點解...要攪到我媽臨老都唔好過

點解...要攪到我媽有家歸不得

佢老人家有高血壓, 有癌症, 係唔可以受刺激

再咁落去, 我好驚媽咪會復發, 會出事

到時又係一個循環, 家無靈日 

我喊....喊到我都唔知想點

想死...我唔會, 因為我死咗我媽咪點先

我老公點算

要做的, 我做哂

要講的, 都講哂

 

前路汒汒, 真係有路好走嗎

我真係睇唔到了

真係有解決的方法咩

如果有錢就可以解決

起碼我可以即刻買間屋

收埋我媽咪

再買間屋比我侄仔

唔會比我阿哥阿嫂搵到

我由細到大都最憎人哋欠債

超級超級憎

但係偏偏你最憎的

個天就要你遇到

呢啲咪就係個(天)玩哂囉

或者身為朋友的你

你睇到我呢篇blog

會覺得某程度上我過份了, 過火了, 太過不冷靜等等

但係我好想講, 針吉唔到肉, 係唔知痛

我明白你哋的用心, 你哋的問候, 你哋的支持

但係....你哋一世都唔會明白

我亦都唔想唔希望你哋會明白

因為我想你哋幸福快樂, 因為我愛你哋, 我愛我的好朋友

我所經歷的一切, 都唔想我身邊人經歷

谷底

未試過坐唔安

未試過食唔落飯

未試過係咁喊唔停

我的精神壓力超標

剛動完手術

知道係唔可以操勞

但係....

 

想同朋友傾

但係又真係唔想講嘢

呢篇blog只有歸為親友的朋友先會睇到

都係一句

見到此blog, 不要回應亦都不要打電話給我

因為我心照大家對我的好

對我的關心

但係我唔想講, 就係唔想講

 

我仲識係到發洩

你哋唔好太擔心我

好人真係有好報

對上一次我巳經問咗呢個問題好多次

今次又問了

問到我自己都唔敢答

想鼓勵自己, 想支持自己, 想撐自己

但係我實在做唔到

谷底....上天係咪真係咁殘忍

我自問係一個好人,亦都係懂得愛的人, 珍惜的人

但係點解要比我受咁多苦

點解人哋可以好好過生活

可以好開心咁同屋企人一齊生活

可以有好多嘢

而我呢...我只係想屋企整齊啫

我想要的唔係發達, 唔係明利, 唔係身份, 唔係物質

我只想要簡單的, 正常的, 健康的屋企

真係咁都唔得

一直麻醉自己, 做人要先苦後甜

但係...唔通個天覺得我都未夠苦

究竟你想我點

亦都想我媽咪點

媽咪受的苦巳經太多,

個天係咪想臨老都唔比佢好過

好多時你比咗希望我, 好快又比絕望我

我可以捱幾耐

我真係唔知

 

又話個天係睇到好人

睇到咩

我一啲都感受唔到

 

 

 

出院了

一覺瞓到天光, 可能係藥物關係

反而瞓得都唔錯喎

起床, 刷牙洗臉, 就等食早餐

粥送來了, 一口氣成碗食哂, 仲自己額外order咗份奶油多士添

之後, 護士小姐話今早不用見醫生, 就可以出院

不過會計部開九點正, 護士小姐話一到九點就會即刻幫我埋數

等我可以早啲返屋企好好休息

 

電視又無咩睇, 又唔可以出去喎, 好鬼悶

咁我咪又再小睡片刻

睡到唔知幾點了, 護士就攞咗張單埋嚟

張單出咗了, 你落去會計部交錢, 之後再上返病房

執好行李, 然後比張單護士小姐,  佢再幫我剪走埋個名牌

再吩咐我食咩藥, 比番哂啲假紙, 保險賠償表等等

咁我就出得院了

 

媽咪一路陪住我

唉....成日都要媽咪擔心, 又要老爺奶奶佢哋擔心

身為做後生的我,

真係覺得好對佢哋啲老人家唔住咁

又要身邊幾位好朋友擔心, 又係唔好意思

不過咁....我都知親人及要好的朋友們是不會計較的

 

終於都返到屋企了

可以洗澡, 我就即刻洗了,

媽咪就忙於為我煲湯呀, 煮個lunch比我,

正想瞓覺之時, 門鐘響了

我同媽咪對望, 會係邊個呢???

哦...原來係老爺嚟咗探我

老爺仲買咗好多生果嚟比我食添

跟住老爺同媽咪傾吓, 我又坐係到聽吓

過咗半個鐘左右, 老爺就話叫我好好休息

仲同我講, 唔好驚, 快啲養好身子, 快啲裝修好間新居

搬一搬, 應該會順利啲嫁了

(其實我自己都係咁諗.....有時我會信少少呢啲嘢的)

老爺走咗, 我就同媽咪講, 我有啲攰, 我去瞓了

媽咪話, 係了, 你快啲去休息啦, 我會整定啲餸比你同少爺今晚食的

跟住唔知幾點, 媽咪就走咗

而我就瞓到六點半左右啦, 就醒咗了

之後就等少爺返嚟陪我了

 

少爺終於返到屋企了

一入屋即刻問我有無邊到唔舒服?

我話無呀.

跟住佢就叫我唔好郁嚟郁去, 乖乖咁坐係到

之後我就叫佢做呢樣, 做果樣囉

跟住我哋就開餐了.

 

由做完手術出嚟, 到咗今晚

都無咩血出, 係好少啫

又無咩唔舒服, 係真係有啲攰囉

所以坐吓, 又瞓吓

跟住夜晚少爺都唔比我咁夜

好早就話要陪我入房瞓覺

當然佢見我瞓著咗, 就偷走咗出嚟啦

 

送回病房後休息

送番嚟病房, 護士小姐忙於為我量血壓

並且告訢家人, 4點半後才可以飲水及食嘢

少爺同媽咪為免嘈我, 在外坐下

叫我好好的睡一覺

差不多到4點左右, 護士小姐送來了一碗豬肉粥

我醒了, 媽咪叫少爺比小小水我飲

然後我逐步逐步的按病牀的控制床頭高低的制

想坐直些個人來吃粥

誰知...吃了三口

突然很不舒服, 有點暈, 又有點不知怎的

反正是很不舒服

媽咪及少爺看見, 我的面色突然轉白

立即通知護士

護士小姐來到, 急忙把我的牀頭放平

替我量血壓, 有點低

護士小姐說, 因為肚空空的, 沒有吃過東西,

加上剛做完手術, 我又這麼快坐直, 血一時之下上不到腦

所以咪會暈及不舒服

然後護士小姐吩咐我不要這麼快坐直及起身

要躺在床上休息

再過一會兒, 護士小姐前來, 說: 而家好好多, 有番啲紅潤, 頭先白哂呀

之後, 媽咪逐小逐小的餵我吃下一碗粥

我再瞓了一會, 好好休息

 

到咗叫餐時間, 媽咪及少爺都叫了餐送上來

還叫了一碗叉燒通粉給我吃呢

吃過了再吃藥

少爺陪多我一陣, 就要先回家了

因為這裡只可以女士留過夜

所以媽咪留在這裡陪我

而少爺因為明天要返工啊

早點回家休息了

 

之後, 我就係瞓瞓瞓

唔準落床

但係到咗唔知幾點了

護士小姐嚟巡房

同我講, 如果要落床, 企定定, 唔暈先可以落床及行

跟住我試吓, 無暈喎, 咁我就可以去洗手間了

 

之後等到少爺返屋企

傾咗一陣, 又同好友叻叻傾咗一陣

之後真係攰了, 又瞓著lu...

做手術@法國醫院

5月5日在家好好休息

吃過三週年的晚餐

早點上床, 明天一早要入院啊

 

5月6日, 7點起床

因為要吃早餐

9點後不可以吃東西及飲任何飲料

8點左右坐巴士到旺角, 再轉乘的士到法國醫院

9:15分到達醫院, 坐下來等gally

9:45分gally到了, 她為我辦理入院手續

因為我的住院保險, 九乘九都唔會保

本來昨晚跟少爺商量, 反正保險大多數都唔保

加上只是小手術, 醫生話最多留一天院觀察

不想多用錢, 所以我們昨晚決定會用大房

但是gally知道, 原來法國醫院有一款比大房更便宜的

每日只需要100元的, 還包基本的三餐饍食

gally就為我訂了這款病房

gally解說, 這個100元的病房, 不是很差的, 有時反而比私家房更好

因為無咩人知, 會小人啲, 反而梗加靜

點都好啦, 反正都係住一晚啫. 無所謂了

 

辦理完入院手續, 交了7千元按金

嬸嬸就帶我上去6樓的病房

total有8 個人一間房

地方都ok, 大及乾淨 (私家係差唔多嫁了)

因為我無需要抽血, 驗呢樣, ,驗果樣, 又唔駛照咩心電圖等等

所以基本上係無嘢做的, 只係等時間做手術

同少爺去咗醫院的一間便利店買咗啲雜誌, 報紙嚟睇

等呀等呀, 個肚又餓, 都唔知做咩好

咁我就小睡休息算了, 少爺就睇吓報紙, 係隔離到陪我囉

 

約好了媽咪下午一點半出門, 來到醫院, 應該為三點左右

我就約了陳醫生三點半做手術

誰不知, 當我小睡的時候, 護士突然推咗張手術床來到

少爺拍醒我, 護士小姐說, 陳醫生話有空檔, 而家同你做手術,

我答: 吓...突然咁快. 早咗喎.

護士小姐回答: 係呀, 早咗, 仲係早咗好多添呀...

我問: 請問而家幾點呀??

護士小姐回答: 而家係一點十五分.

連我阿媽都未嚟到添....

跟住少爺就陪住我去手術室了

 

到咗手術室門, 護士小姐跟少爺說, 送到這裡, 你等一會陣啦, 好快嫁咋. 放心.

跟住少爺就同我講, 唔駛驚, 好快嫁咋, 我係出面等你. ok.

我望住少爺, 依依不捨啦....ok, 一定無事, 小手術之嘛.

 

 

入到去, 望吓個鐘, 一點半, 見到好多醫護人員好忙

周圍走, 跟住有位伍醫生行埋嚟我到

伍醫生說: 你叫咩名? 邊位醫生幫你做手術? 你放心, 我係負責麻醉的, 唔駛驚.

跟住我答: ok, 無問題.

之後啲醫護人員就推我入去手術室到.

伍醫生開始為我準備麻醉, 佢拍咗我隻手幾下, 就話: 陳小姐, 你對手係我哋會叫

做富貴手呀, 好有福氣嫁.

我就笑笑口答: 係咩.

伍醫生再講: 你啲血管好幼細呀, 搵唔到添.

咁我就答: 咁我可以做啲咩嚟幫到你啊?

伍醫生就話: 你唔好郁就得了.

咁我又回答: 係. 明白.

跟住陳醫生就入到嚟, 問我有無嘢問佢, 我話無呀, 諗唔到有咩問.

跟住陳醫生就同我講, 而家問都無了, 因為都要做手術了.

係呢幾句對答的同時 , 伍醫生就不知不覺, 幫我搵到血管之餘, 仲打咗啲麻碎藥

入去, 然後比咗個氧氣睪我聞, 叫我大力啲吸, 係我意識中, 我吸到第三下, 就瞓咗了

 

跟住突然間, 我好似被人嘈醒咁

個頭有啲暈暈哋咁, 但又醒咗

望吓個鐘, 濛濛濃濃咁(因為我有近視, 有時會睇得唔清楚)

係下午二點十五分

哦....做完手術了, 全身麻醉真有好處

真係咩都唔知發生緊啲咩咁.

此刻, 望完個鐘, 又合上眼睛, 因為好攰好眼瞓

過咗十分鐘左右

護士走嚟, 問咗我幾句嘢, 跟住就推番我出去

一推出手術門口, 巳經見到少爺同媽咪係到等了

跟住就上番病房休息

豉汁蒸倉魚+薯仔蕃茄排骨湯(內附食譜)

2010年5月7日(星期五)

 

是日晚餐

 

豉汁蒸倉魚

 

哈哈...好欣賞影呢張倉魚相

自己覺得影得好靚...

同時真係好好味啊...

 

蕃茄薯仔煲排骨湯

天氣開始濕濕熱熱咁

有啲唔係幾開胃咁

就會想到煲蕃茄湯

因為酸酸哋.....仲可以做埋餸添

 

食譜 , 請按這裡了.....(今次無落馬蹄啊)

蕃茄薯仔馬蹄煲排骨湯

 

而家我同少爺要開始要控制飲食

盡量都煮小啲

好似今餐咁, 煮少咗一個菜

因為有湯, 有湯的料, 仲有條魚

兩個人又唔駛帶飯

就夠了....