Mr. Steak - Buffet

繼續......

2008年10月28日 (星期二)

之前係blog友'皮皮'及'王子'的網誌,

分別都見到佢哋親身去到呢個餐廳到食自助餐,

見到佢哋的相, 好多嘢食, 而且仲唔係好貴添,

最重要係佢會不繼refill, 唔會出一次就唔出, 唔需要爭食的,

而且佢啲熱盤都會不停轉款, 可以比到你每次出去都有新鮮感.

所以明知今日老公會放下午, 咁我哋就不如今晚去試吓啦,

諗住試到好的話, 都會介紹比你哋同帶奶奶佢哋試吓.

 

先睇睇餐廳的食物區啦...

 

 

啲刺身都好新鮮 --- 有三文魚, 劍魚, 甜蝦, 魷魚

  

長腳蟹, 翡翠螺, 藍青口---全部都好鮮甜, 真係要食多啲

有好多款的壽司, 好好味, 好新鮮, 仲有apple沙律

即席燒A5和牛 及 長腳蟹

帶子刺身及生蠔 -- 生蠔雖然好似好細隻, 但係好夠鮮味, 所以好正..

歐洲蟹及小籠蝦----小籠蝦有膏且鮮甜, 好過食普通蝦囉.

另外, 呢隻蟹超級多膏呀....食咗幾啖巳經好漏了,

如果鐘意食蟹膏的人一定鐘意呀!

今晚的鵝肝燒得嫲嫲哋, 我見blog友食的靚好多, 所以呢樣有啲失望.

但都可以不妨一試的...

熱盤方面, 我唔係試咗好多, 因為食頭先的嘢, 都巳經好飽lu....

試咗辣酒煮花螺及西蘭花, 花螺唔夠辣, 西蘭ok啦.

一向鐘意整唔鐘意食甜品的我, 呢到啲甜品我覺得好啱我口味, 因為細細杯, 細細件, 最重要係甜度剛剛好, 唔係好甜, 所以我都食咗好多款呀.

木糠布甸, 紐約芝士蛋糕, 意大利芝士蛋糕,

熱情果芝士蛋糕, 菠蘿棷子布甸, 亡果布甸

呢個一定要介紹比大家, 一定要食啊...我個人就好鐘意.

橙酒班戟- 師傅即席做的, 熱辣辣, 食落好有橙酒味, 好軟滑..正呀.

估唔到呢個木瓜雪耳糖水好好味, 因為好啱, 唔甜呀...

我就覺得好值得介紹比大家,

詳細的價錢, 可以睇吓佢條link嫁.

 

Mr. Steak 網址： http://www.elitegroup.com.hk/mrsteakbuffet.htm

 

  

放假半天，拍拖仔先。。。

2008年10月28日（星期二）

 

今日約咗阿榮老公一齊放下午假，拍吓拖仔先。

約咗老公兩點咗右係中環到等，

先先去咗食個下午茶先。

上次經過一間寫住‘魚湯米線大王’，

就不如今次去試吓啦。

下午茶真係抵食好多，一個價錢除咗有碗米線，

仲有份小食及加一杯飲品，都只係每份28元。

 

我要咗雞翼， 阿榮老公要咗珍寶腸

我要咗魚皮餃魚湯米線

阿榮要咗鯊魚丸魚湯米線

食完下午茶都只不過係兩點半到，

跟住係附近到行咗一陣，

我哋就轉咗去銅鑼灣到行吓街，買吓衫。

因為今晚我哋訂咗去食自助餐呀。

呢間自助餐真係要介紹比大家試吓。。。

待續。。。。

小曼谷泰國菜

 

 

2008年10月27日 (星期一)

 

今日返工無咩特別,

只係老闆今日一句嘢都無同我講過,

佢心情唔多好, 面黑黑咁

 ,

佢唔同我講嘢, 都好,

好過一間又同我講啲廢話

 .

唔講呢啲了, 講番啲開心嘢先.

今日奶奶放假, 早幾日我約好咗阿榮老公家姐,

今日趁奶奶放假, 而家姐想試小曼谷泰菜,

咁我話, 就擇今日去食啦...

呢間泰菜, 其實開咗好耐,

我以前都食過, 隔咗咁多年,

鋪位大間咗, 啲食物的質素都無差到,

果然保持水準. 又一平,靚,正之選.

呢到好出名同好好飲的....15元好抵飲

青檸梳打

冬陰公

我嫌唔夠辣, 但就夠酸, 唔錯

明爐烏魚

香葉炒聖子

好大隻, 且夠足料

馬拉盞炒通菜

炸蝦餅

呢個呢個....超好味呀....圓波波形狀，熱辣辣，外面鬆入面彈牙，蝦肉足，個甜酸醬都好好味，正！！

泰式燒豬頸肉

呢個就一般了, 無咩特別

咖哩蟹 + 薄餅

好味呀, 好夠份量, 啲汁甜甜哋, 少少辣, 將汁加在薄餅上吃, 爽呀...

生蝦刺身

刺身上加辣椒同一塊蒜片，加埋啲汁, 一放入口, 唔錯呀,蝦都幾新鮮，40蚊想點o丫～

後來我哋咖哩蟹食唔哂, 打包咗比阿榮的哥哥, 另外再叫多客薄餅及一客六串的雞,豬串燒, total 埋單係六百元. 你哋話抵唔抵.....我諗去啲貴啲的地方到食咁多菜, 我諗都要成800元卦.

 

地址 :

屯門青善街康景花園

電話 : 2458 9928