減食><

最近蕭C奶及少爺又咗一年一度的身體檢查

OH...比上年還差咗

這次真的不能不減食了

這種情況,  其實即係迫著你減肥

亦即是話迫著你無朋友囉...


報告出咗, 顯示我尿酸高, 好壞膽固醇都不合格>< >< ><

醫生就話: 你咁肥, 好心你減吓肥啦...  (OH...NO...)


至於少爺, 顯示尿酸高, 血糖, 好壞膽固醇都不合格外,

最差的係三脂甘油非常差

醫生話; 尿酸, 血糖, 好壞膽固醇, 其實只要你們肯減食, 戒口及做運動,

一定有得救, 可以改善. 慢慢努力. 

但係醫生話係佢作為醫生的角度來看, 三脂甘油這個非常重要, 醫生話再係咁,

會有'死亡'的危險!!!!!

一聽到醫生咁講, 我真係好擔心少爺. 

少爺係時候你要醒吓啦, 要認認真真咁去改吓你的生活及飲食習慣

唔好再比自己放縱, 比自己籍口, 亦都唔好再咁懶,

好好咁善待自己的身體啦.

老實講, 我係有責任要負, 因為你的飲食主要兩餐係我煮的

但係你自己要好好反省啊...

經常吃小食, 又不肯做運動, 其實最大問題是這點

我同少爺大部份係一樣, 尿酸, 膽固醇, 但係血糖及三脂甘油我係無事的

因為我比少爺好一點, 就係唔多食零食, 亦都肯做吓運動

點都好, 既然報告出咗了, 真係好頭痛,

好多嘢唔食得

主要食糧係..............菜囉.....少少豬肉, 雞肉囉..........

OH....

要努力呀...要減肥, 要做運動....

我其實真係好怕少爺有事

少爺希望你為咗自己的身體, 努力啲啦, 比啲恆心啦.  

雜菜鮮蜆粉絲煲^ ^ (內附食譜)

2012年8月14日(星期二)


是日晚餐： 雜菜鮮蜆粉絲煲^ ^


係時候要跟海鮮講bye bye吖，貝殼類海鮮後會有期呀!

等我同少爺好好咁控制好身體的各方面指數,

我哋就會嚟搵你哋嫁了.

這個粉絲煲, 又係EASY到爆囉...

琴日將啲大蜆做咗清酒煮蜆, 留番啲細蜆今日煮個粉絲煲.






材料:

雜菜   (我就用咗勝瓜及菜心)
粉絲    一包
鮮蜆   
螺頭肉    (可以不加)


做法:

(1) 粉絲先用水浸軟, 備用.

(2)  洗好蔬菜, 蜆, 備用.

(3)  我自行加入了螺頭肉, 螺頭肉係之前一早處理好的,
   所以我自己加咗入去, 等啲湯再甜啲啫

(4)  鍋加入適量水, 滾後, 加入螺頭肉, 滾後, 轉小火滾約20分鐘至30分鐘,
   目的是令螺頭肉林身.

(5)  半小時後加入勝瓜滾至七成, 再加入鮮蜆滾至就張開口, 
   跟手加入菜心, 滾至大約15分鐘, 加入粉絲滾一會, 調味, 完成.

清酒煮蜆 及 節瓜雲耳瘦肉煲

2012年8月13日(星期一)


今日放一天, 約了媽咪回鄉探婆婆,

感恩, 婆婆好了很多. 實在安慰!!

因為早前自己也比較多活動

工作也比較忙,  加上媽咪又經常回鄉探婆婆

所以我同媽媽最近日日只有電話聯絡咋>< (掛住媽媽呀)

所以今日專程請假, 目的是探婆婆及可以見見媽咪...^^


從鄉吓回到屋企, 都巳經五點多了,

係時候準備晚餐啊...

昨天摸蜆嘛,  今晚晚餐當然係.....蜆啦....

你們們看看, 我們的成果....

佢哋等緊少爺大廚出馬啊...

其實自己摸的蜆實在靚仔好多

啲殼都靚啲嫁喎...大大隻好靚呀.








酒煮蛤蜊 (酒清煮蜆)

這個餸菜巳成為我家少爺的拿手菜式啊...WAKAKA.

他實在興奮及滿足感很大呢....(因為佢係唔識煮嘢食的人..)

佢真係要多謝深夜食堂啊....







是日晚餐： 清酒煮蜆 及 節瓜雲耳瘦肉煲 XD

啲蜆實在太清甜了，yummy yummy.....:)

少爺負責煮蜆, 我就負責煮個菜了...

簡單又一餐啊...非常美味啊..

如想看看做法, 請CLICK:

深夜食堂主婦同樂會第9話之酒蒸蛤蜊(內附食譜)
http://blog.yahoo.com/jobechan/articles/584370

摸蜆日-下長沙

2012年8月12日(星期日)



因為之前朋友仔見少爺去咗摸蜆

好有興趣, 又提議叫我哋再攪一團

好呀, 上次我都無份去, 我都好想試吓摸蜆係點的!!

實在太開心, 可以約到好友一家大細出席

加上奶奶都有興趣出去走走..YEAH

這次一行十人, 有老有嫩.....HAPPY GATHERING!!!

今日天氣好好, 無猛烈太陽, 陰陰哋, 有海風吹住, 又無落雨喎..

所以就算我哋全部人去摸蜆咗幾粒鐘

都唔會十分十分攰及十分十分熱...

上面張相, 應該大約摸咗一個鐘左右的小小成果啦,

最大功勞, 係好友IVY JIE及少爺

佢兩個好鬼叻, 成日都摸到啲大蜆啊...







我哋全部人努力咗幾粒鐘後

真係有好大的收穫啊..

看....好多大蜆呀...

正呀....食埋呢次,

我哋就要跟海鮮類暫告一段落了...


今日過得很開心

我最開心係可以跟家人及好友一起

我愛當中的過程

非常珍惜每次相聚的時光

家人...朋友...蕭C奶愛屎你哋呀!!!!

三文魚頭蕃茄甘筍湯^•^ （內附食譜）

2012年8月16日(星期四)


是曰晚餐： 三文魚頭蕃茄甘筍湯^•^

有湯又可當埋餸，一舉兩得，方便快捷！

(今天買了這個又大又平的三文魚頭，$28元一大個，一餐真係食唔哂,
要分兩餐吃，今天先將一邊三文魚頭做個靚湯啦!)



嚟緊少爺同蕭C奶都會密密食三文魚
因為希望可以趕走不理想的數字
努力中....

因為身體報告出咗的問題
有好多食物都要戒
原本三文魚頭湯, 配豆腐係非常夾嫁
可是因為我倆都尿酸高
其中豆類製品也不能吃多><
(嗚...我最愛的豆腐, 豆腐花, 豆漿都無得食咁多了...>< >< ><)
所以一想到做三文魚湯無咗最街拍擋
咁點好呀???
最後就擇咗用蕃茄及甘筍
估唔到無咗豆腐拍擋
無意中都搵到另一好拍擋
因為有薑的關係
湯中酸酸地又帶點辣辣地
非常開胃, 很適合SUMMER飲用啊..

因為要戒食又要戒份量
所以而家晚上我們也只能吃半碗飯
要多點蔬菜
所以今餐只有這鍋三文魚頭蕃茄甘筍湯配飯了
其實比著以前, 我一定會多煮一碟菜
但我們要努力減食啊...


係時候講吓我的三文魚湯的做法啊....嘻....
十分簡單

材料:

三文魚頭     半個 (若有四人以上, 就可以用一個魚頭啊..)
蕃茄     3大個 (若喜歡酸點又喜歡蕃茄, 可以買4個大)
甘筍     三分之一條 (也是按自己喜歡了, 可以加多點也不怕)
薑片 8片左右 (我喜歡薑的辣, 所以會多幾片的.  其中三片
用於湯底, 其餘的, 用作煎魚頭時用.)


做法:

(1)  三文魚頭洗淨, 用廚房紙吸乾魚頭的水份,
   用黑胡椒醃十五分鐘, (我係會狂灑黑胡椒的...哈哈..)備用. 

   **如果真係好腥, 可以加少許胡椒粉醃**

(2)  蕃茄及甘筍洗淨, 切件, 備用.

(3)  薑切片, 備用.

(4)   開一個鍋/煎PAN, 不用加油, 只需要燒熱鍋/煎PAN,
　　先加入薑片, 煎片刻, 然後加入三文魚頭,
　　先將皮/眼晴那邊向下, 煎至金黃色,
    　　然後反轉另一邊, 也是煎至金黃色, 關火, 備用.

('記著煎任何三文魚也不用落油, 因為三文魚會一路煎, 一路出油嫁'.)

(5)  另一鍋, 加入適量水份及三片薑片, 滾後, 先加入甘筍滾五分鐘,
   再加入蕃茄滾十至十五分鐘左右, 我會滾到蕃茄軟哂, 然後加入
   巳煎好的三文魚頭及煎咗的薑片, 滾後, 轉小火滾十分鐘,
　試味, 唔夠味, 可以加少許鹽, OK後, 關火, 完成!!)


以上步驟4及5, 我是同一時間開兩個爐兩個鍋的, 所以就會快手.
一邊煎魚頭, 一邊滾定個湯底.....嘻.



這個三文魚湯，　確實好飲，　又有營養，又簡單，

希望大家都不妨試吓啦,

真係好介紹嫁．．．

香煎黑椒香草三文魚扒

2012年8月15日(星期三)

是日晚餐： 香煎黑椒香草三文魚扒


最近蕭c奶要重新編排過每日三餐的問題???

點解呢....因為早前同少爺去咗做一年一次的驗身

結果當然係.....唔理想啦..><

尿酸高, 膽固醇又高, 少爺仲有三脂甘油都唔理想呀><

醫生講解:  要嚴格戒食, 要努力做運動

其實上年都係一樣呢幾樣不理想

原來甘快就一年,  係飲食方面, 無改善過

係運動方面, 有試過做, 但係無恆心 ==

今次醫生都好嚴厲咁叫我哋認真戒食及運動

所以係時候真係唔可以再這樣下去了

有尿酸...會變成痛風

膽固醇....會變成太多脂肪, 會對心臟, 血管不好

所以真係要好好反省

要好好努力咁改變生活及飲食習慣








朋友知道後, 介紹我哋食三文魚

所以呢緊我哋會多吃三文魚啊...

希望真係可以似朋友咁, 將所有的不理想數字下降 ^^

呢幾日開始食清咗, 亦都煮少咗, 食少咗.

仲每日早上去跑步或打羽毛球

要努力,  有耐性啊...



講起三文魚

呢到兩大件, 都係買三十八蚊咋..我覺得好抵食呀...

又容易整喎...

只需要洗好後, 用廚房紙印乾三文魚扒

用黑胡椒及香草醃十至十五分鐘左右

開鑊, 切記不用下油, 燒熱鑊, 加入三文魚煎至金黃色

食時可以加入lemon汁, 享用. 

簡單又有營養, 超正!!

HITACH - HadaCRiE

終於都等到吖，我的扮靚新玩具，快快叉電，明晚在家做一套“五星級”護膚體驗先！！ ：D