2012年4月7日(星期六)
長洲半天遊@復活假期第四天
天氣報告一早預報, 會話復活節日日下雨.
琴日一早約咗好友行山, 可惜真的下起雨來,
今天十點幾醒咗, wow....望出窗, 呵呵...沒有下雨,
即刻三七二十一, 嗱嗱聲起身梳洗,
同少爺講, 難得無雨喎,
我哋不如出去行吓啦...
我就提議不如去長洲啦
雖然係無咩太陽, 不過無茖雨, 天陰陰, 好鬼涼爽
仲加舒服呀...
去到碼頭, ok啦, 唔算太多人, 可以接受
好肚餓, 一落般, 第一時間...梗係....
食番串'甘永泰'魚蛋啦....
當然仲要買走添呀...不過真係好貴....
成七十八十蚊一斤呀...不過貴都要買...哈哈...
之後走圍行吓, 咁就去咗食海鮮
食完, 行吓....真有緣, 撞到好友陳氏夫婦啊...
咁橋, 梗係要影番張相啦...
食飽飽...行行吓...
見到呢個'吊雞'情境...好得意喎...
就影咗佢了...
跟住我一早巳經計好,
臨走時, 一定要食番碗糖水先肯走嫁...
哈...無意中, 行行吓, 比我哋發現到呢間糖水小店,
一於試吓...嘩...好滑呀, good. i like it....
仲有埋砵仔糕....
幸運地最後一件比我哋買到...
仲要係我最愛的無豆砵仔糕添....
4蚊一件, 物超所值,
又唔甜, 好啱我口味呀...
今天好滿足好開心，天氣好舒服。
臨時起行去長洲，可以吸收新鮮空氣，
還吃了美味的魚蛋，海鮮，以及豆腐花及砵仔糕，
而且還巧遇好友陳氏夫婦，
今日超級滿足呀! ~~
我會為咗魚蛋, 豆花及砵仔糕再去長洲囉....嘻嘻..
你地見过甘嘅爐未？ 打邊邊中~~
復活節假期第三天, 原本約了好友行山..可惜下雨了...
唯有改去看戲及打邊邊啊...
這間其實是食京菜的, 但是有得打邊爐
朋友的朋友推介
所以我哋就來試吓啊...
個爐真係好勁, 只係用炭, 好夠熱, 好快熟
加上的食物質素都幾好呀.
最後我哋六個人仲好貪食添...
仲叫咗一隻兩食片皮鴨...
片皮鴨做得好好味, 好脆好香呀..
嘩...食到我哋勁飽, 行都行唔郁呀...kaka..
呢餐每位$240元.
超級滿足呀...
^o^ 知己好友共享美食，實在為賞心樂事！
早前公司舉辦了羊毛氈CLASS
一直我都無咩興趣玩這個手作
不過公司開CLASS, 學費超抵價喎...
而且導師係同事喎...
所以蕭C奶就有興趣玩吓啦...
仲可以帶埋朋友仔一齊參加添
所以搵咗好友ALICE一齊玩.
對羊毛氈好有好奇心
成日諗唔明, 點樣可以一啲毛
做到一件作品出嚟???
經過一堂體驗CLASS
又幾好玩喎....
咭吓咭吓...就會做到隻嘢出嚟...嘻嘻...
第一次導師就教我哋咭ANGRY BIRD
嘻.....都OK呀...我覺得, 都有八成似啦...
學識咗, 材料會有多的
導師話叫我哋返去自己咭埋隻豬
嘩...不過隻豬就幾難咭, 係因為對眼呀><
少爺話成隻'金魚眼' 喎...@@
少爺仲係係金魚豬囉....嘻...
剛好好友WINNIE是三月生日之星
嘻..咁就送比WINNIE作為生日禮物了
其實我自己都好LIKE
因為覺得好CUTE囉...
第一次的作品, 就送咗比你了
希望你喜歡啦...HAPPY BIRTHDAY呀, WINNIE.
WOW....呢個貓咪手挽袋, 其實上年完成的
初時, 一心係做來想送給好友Alice, 作為上年的生日禮物,
可惜, 當時真係沒有時間把它完成啊...
後來完成了, 一直忍了又忍,
足足忍了一年..嘻嘻....
終於都等到ALICE生日了
YEAH.....
之前做咗一個紅色
送了給美人, MONICA小姐作為他的生日禮物.
後來見有時間又有心機喎.
咁我咪自己整多一個
今次真係整個大小小的
自己裁, 自己劃, 自己拼布款
嘩...做咗出嚟...
超鐘意呀.
心心布款
連個扣都係用咗心心嫁...
唔捨得用呀
十分滿意這個作品!!!
愛了它好幾年
想擁有它也好幾年
一直都只能給自己欣賞它
一直壓迫自己不能擁有它
因為怕中毒太深
所以前幾年的每年兩度的特賣場
我都不會去, 就是怕自己抵受不住而買回家
從來都覺得一個鍋要差不多兩千大元啊...
不是幾百元啊...
不要亂花錢
實在沒有想到2012年
我終於抵受不住'它'的誘惑
在這個白色情人節....就把"它"帶回家中
感謝少爺給我的放縱
感謝少爺給我的疼愛
放肆地給我買了這個差不多二千元的一個鍋
除了開心多年的心頭好, 終於可以擁有外
令我更開心的是少爺給我的一切
無論我想要的, 我想做的,
他都會無條件地付出, (精神及行動支持他都能做到)
少爺, 放心吧....
我一定會好好的利用這個鍋
做美味又健康的愛的餸菜給你的!!!
新手作仔......
如果仲有時間, 我就做多一個大少少的SIZE,
睇吓可唔可以趕得切去台灣前整先,
咁就可能有機會去台灣用...嘻嘻...
