最近愛上了做手作仔
口金包是其中一款我很喜愛的手作啊
加上不算太難
很想擁有幾本的口金書
所以上星期六, 少爺便陪蕭c奶到琛圳書城入貨了
本來只打算購買一本起兩本止的
但是....一本的價錢真在太吸引了
加上內裡的相片實在太美了
又想要這又想要那本
很難選擇呢?
少爺見蕭c奶這麼難決定
少爺說反正最貴那本三十元也不用
全部把它買下來吧....oh....超正啊...
在香港, 一本類似的手作仔書籍
閒閒哋都要100元一本啊...
現在我買了7本....都只係165元啊
就算計埋對換率
都平宜很多呢?
勁開心呀....真係買嚟參考吓人家的作品都抵呀
不要以為平宜的不好
內裡全都是彩色的圖片
還有步驟及紙樣啊....
有幾本我借了給好友
所以未能把其餘的拍下來呢
2010年8月12日(星期四)
呢個星期少爺都要開ot
真係可憐呀, 每晚都要做到8點幾
返到屋企都成9至10點啊...
所以呢排好多時, 蕭c奶先自行吃飯啊...
是日晚餐
白切雞
其實好想少食雞, but真係好難啊...
雞翼人哋話對女人唔好, 所以我而家盡量唔買
有時候要介肉類, 真係超辛苦嫁
不過我只能盡量少吃, 或者份量買小啲
菜就買多啲囉....
灼白菜仔
盡量都會將菜用來灼, 不用來炒
因為想少油啊....
2010年8月13日(星期五)
媽咪一早幫蕭c奶買定餸
所以蕭c奶唔駛趕頭趕命囉
仲可以走去接少爺放工添
由金鐘慢慢行去灣仔
可以當散行
是日晚餐
香煎紅衫魚
一人一條唔駛爭食啦...哈哈
覺得自己影呢張紅衫魚相影得幾靚....
玻璃生菜
生菜我始終都覺得用蒜蓉炒係最最最.....好食的.
2010年8月6日(星期五)
全日放假, 跟媽咪及阿姨一家飲茶後
媽咪陪我覆趁
之後...我就話不如今晚係我屋企到食飯啦
咁我哋倆母女就一齊去咗元朗到買餸lu..
蕃茄肉片炒蛋
蒜蓉蒸鮑魚仔
薑蔥生蠔
灼菜心
哈哈...幾時都話阿媽係最好啦
今日係我放假, 都應該係由我煮的
but....阿媽要爭住嚟煮...我都無法啦...hehehe
自從蕭C奶開始走去學手作仔後
個個星期六日都出咗去
而平日，又要打兩場羽毛球
又少咗時間
因為咁的關係
自家煮就少咗了。。。
啲時間真係好唔夠用
其實手作仔，我仲有勁多材料未整呀
個心好心急， 好想整
但又急唔嚟。。因為跟本就無時間囉
最近朋友仔的老公忙於出書
聽到後我和少爺都好興奮啊
待朋友仔出書後, 要買番幾本嚟支持吓佢先得呢
祝朋友仔出書順利,成功呀.
至於少爺呢排勁忙
成個星期都要開OT
攪到九點後先有飯食啊...好可憐啊..
少爺辛苦你了
朋友GIGI, 8月16日就係預產期
不過佢係FB到話: 阿仔係咪玩嘢喎...
哈哈...阿仔唔肯出嚟呀
呢幾日應該係重要關頭啊
等待她的消息..跟住就可以食薑醋了
呢個暑假勁多戲想睇
壞蛋獎門人3D
舞出真我3D
茱麗葉愛情信箱
鬼洞3D
潛行凶間
等等的好戲
OH...點算好呀....
有3D呢三套一定要睇呀
如果唔係到就算出咗碟, 無咗3D效果就無咗個意思了.
仲有...要搵一日放假
好想帶媽咪到香港公園的樂茶軒
品嘗少油少鹽,比較淡口的齋點心
加上那裡的環境很有中國茶館風貌
雖然貴了一點, 平均每人為150元或以上
但我覺得值得的
尤其是很難找到一個地方適合媽咪的口味啊
又想找一天回鄉探望婆婆
媽咪話婆婆而家鈍了很多
又容易忘記事情
所以很想趁婆婆還在
看婆婆多一些啊
還有....也想找天跟爸爸相聚
自父親節那天
因太忙了,都沒有時間見面
只是通了電話罷了
實在有太多太多事想做
想處理啊....
怎好呢????
蕭c奶懶惰了....在表妹blog裡copy了這篇日誌啊...
咁我就可以慳番啲時間啦......
yeah....
話說星期五晚趕工縫埋個tote bag, 想第二日
星期六可以親手送給表妹....當晚...我縫好後,
急不及待把這個tote bag拍照留念, 也急不及待
出blog.....oh...當晚巳經是零晨點幾以後
以為表妹不會開blog....鬼知.....表妹唔係當晚開
blog...而係星期六的早上開blog....
所以表妹未見到之前, 就巳經知道一間會收到
這份禮物...oh.....還想帶給她驚喜啊....
啍...下次我都係忍吓先得......我太可愛了....
近期啊，唔知系咪因为肥左，
(哈哈...你的而且確比前肥咗呀,...減囉,,,
反正我都減緊, 一齊努力囉....)
性感、女人不起来，
大爱D朴素、自然、舒服的布艺包包，
之后表姐近期又学人揸针线，学缝纫有关噶手作仔，
距第二份成功作，就送左俾我哩个表妹啦，
连表姐夫都未有礼物，我已经排第二位收到表姐噶手作仔，
真系超级感动同开心噶，呵呵！
(最緊要你喜歡就得了.....)
继上个礼拜带完团，
同表姐、表姐夫，仲有距地一班朋友，
去左中信王子厨房吃中菜后，
琴日，表姐同表姐夫又过左黎哩边买书同距地装修噶野，
跟住我又带团友（表姐&表姐夫）去左万象城噶留园饭店吃沪扬菜，
之后仲去左太平洋桑拿，
搞到距两个赶唔切返香港，琴晚黎左我屋企过夜，哈哈。
表姐话：“我都系第一次甘夜黎捶骨噶咋。”
(真係未試過咁夜....下次我又要再去)
下昼系科学馆地铁站等表姐同表姐夫噶时候，
入左鸿福堂度坐，
上次已经好想同大家推荐噶啦，
鸿福堂噶杨枝甘露好正啊，料又足，味道又浓郁，
超好超好饮，不过有点贵，
细支要13蚊，大支要24蚊。
留园饭店
哩个青瓜整得好好吃，我好钟意。
(你表姐人就最like呢個青瓜嫁了...)
上海炒年糕，我噶大爱。 (哈哈,都係我的大愛啊)
特别推介——六月黄，表姐夫大爱，真系好好味，
个汁好够味，而且只蟹好脆，好好咬，之后仲有少少膏，口感非常好。
(呢個真係好好味....有機會要再叫)
四川樟茶鸭——无想像中好食，因为我觉得距太干啦，不过就好在唔肥咯。
(呢個食食吓我都覺得太乾, 下次唔會點)
我回赠表姐的士多啤梨环保袋。
(我喜歡這張照片啊...)
哩张真系笑死我同表姐，
因为表姐夫帮表姐影之前就话“侧一侧面啊！”
影完之后，就唔讲野，
拉拉声拿部手机唔知稳咩甘，好鬼认真，然后俾我地睇，
笑到我同表姐晕，我谂隔离台噶人一定以为我地疯了。
(呢一part真係估你表姐夫唔到囉...
我真係接受唔到囉....
亦都比佢笑屎我囉.....)
表姐夫话“哩张梭发真系好舒服，训觉刚刚好，个枕头都好软！”
之后我地要影距，距就用手遮住个肚腩，
话：“唔好影到我个肚腩！”
表情劲搞野。
(我鐘意你加咗啲字)
食完饭，
我地就去左太平洋桑拿啦，
哩次我试左好多新野，
又搓背啦、又整牛奶蜜蜂全身护理啦、又试日式BB —oil全身推油啦，
真系好舒服啊，
但系唔知点解今朝起身，
我地三个都好似俾人拆骨甘，周身酸痛，惨过去打波甘。
琴晚偷影日式按摩室噶相，呵呵，
其实我想偷影姐表噶，不过黑过头，影唔到啊。
(好彩黑啫...唔係咪比你影到.........)
終於完成了這個雙面Tote bag
手工還有待改進啊...
很有滿足感
沒有想過自己能夠縫製到一個袋啊.
it's amazing....
一面是麻布配襯喱士
簡單而樸素!
而另一面是紅黑格子
青春又shining!
這個手作仔, 將會送給我最愛最錫的表妹
作為她今年的遲來的生日禮物啊...
Hope she love it!
