見完屯門醫院的郭醫生後
便坐車回公司
返到公司, 跟好友叻叻傾了
回到家, 再跟少爺商量
一齊分析之下
總是認為現在應該咩都唔做住
第一....子宮不能切除, 因為跟本不需要
這麼急著下這個決定, 因為現在咩都無事,
唔駛咁做.
第二......再做多一次切割手術, 因為我哋都覺得
剛剛才做完手術, 傷口才剛開始覆元,
咁快又做.....好似唔係幾好喎...
加上我哋都覺得若果真係有需要要再做
我的主診醫生Dr Chan一定會叫我做多次
但係Dr Chan都話要觀察, 6個月後抽細胞組織化驗
而且我哋都覺得, 就算要做, 都想抽咗起碼一次的
細胞睇咗先
第三.....咩都唔做.....我哋最後分析, 都係會擇呢個
咩都唔做...因為..我認為. 亦都有信心, 我可以靠自己
令到個病唔會惡化. 因為我開始改變我的人生.
經過咗決定之後, 但係因為個心都未好安定
最後決定搵多一個醫生問吓意見
約咗聽日下午4點半去見一見先
聽多一個醫生的意見都好嘛
因為而家一個就話6個月後抽細胞
一個又要我決定做多次切割手術
咁不如聽多一個醫生的意見
咁就安心啲囉...
話說6月9日(星期三) 早上9點正
到達屯門醫院的婦科, 見醫生
終於都等到見醫生...
係一位女醫生, 年約40左右
姓郭, 是一名高級醫生
郭醫生帶我到一張枱
請我坐下, 打開了我的檔案
郭醫生說: 你做完手術的報告, 醫生有否詳盡地
解釋給你聽?
我答: (因為郭醫生這樣問我, 令我有點擔心.)
我說, 都有的. 我續說, 是否出了甚麼問題?
郭醫生回答: 因為看到你的報告, 雖然Dr Chan幫你
做咗手術, 切除了壞的細胞, 但係係報告
裡顯示咗, 切除時的切割邊, 還有少許細胞
在切割邊邊, 係報告裡看不到這些細胞
有沒有電死了. 我怕這些細胞會變成癌細胞.
你明唔明我講咩?
我回答: 明白.
郭醫生續說: 你而家是原位癌, 若果再變的,
就會成為癌症.
跟著郭醫生畫了一個子宮頸的圖給我,
解釋我的病情給我知.
郭醫生先解釋: 原位癌及癌的真正分別,
原位癌的細胞是會順著一個方向生長,
不會隨處生長的. 但癌就不同了,
癌的細胞是會不按方向生長,
可能會在左邊, 右邊, 隨處生長.
你明白它們的分別嗎?
我便答: 明白.
郭醫生再續說: 因為先前跟你解釋過, 你現在的
切割位還有少許未能清除的細胞,
我怕它會轉為癌細胞, 因為我哋用
眼係看唔到啲細胞是好還是壞.
所以我一定要見你, 除了要解釋清楚
你的病情之外, 更加要好好的給你
一些打後的意見及方法.
其實Dr Chan當時有無話你知,
仲有啲細胞係切割位到?
我先回答郭醫生: Dr Chan有告訢我, 都如你說法一樣,
還有少許是在切割位及可能有
一些細胞腺體在其他地方,
我哋是無法現在看到的. 所以
Dr Chan見議手術後, 6個月要
去抽細胞化驗, 看看那些細胞
有否變了癌細胞.
郭醫生說: 因為你實在太年輕, 加上未有bb,
所以而家你的case, 比較click手,
其實我想有以下的見議給你,
當然每個做法都有利有幣,
而且你要明白, 每個選擇都要你
自己決定及承擔一定的風險.
我便問: 咁而家你認為有甚麼的見議給我?
郭醫生說: 因為你要知道, 若果不幸變為癌症, 就好麻煩,
其實有三個方法, 第一: 切除子宮,
這樣可以碓保不會變成癌, 但是就不能生育.
第二: 再做多一次上次的切割手術,
再切深啲, 將剩餘的細胞切走. 但當然,
我要告訢你, 就算再切多一次都不能
代表乾淨. 我只能夠告訢你, 若你切多一次,
會變癌的有9%, 但不切的有44%會變癌.
第三: 是兩個手術都不做, 咩都唔做.
只靠定期抽取細胞, 一直咁觀察. 但風險係
要ready會變癌的路.
聽罷..........子宮切除.......沒有生育.....這我真的不能接受.
至少這刻我不能接受...
郭醫生再說: 我知道你會很難決定, 因為你真的太年輕了.
我問: 郭醫生, 以你多年來的看法, 在你過往的病人中,
他們會變癌的機會多嗎?
郭醫生回答: 在我的病人裡大多數都是四五十歲,
而且絕大部份都巳生育, 所以他們
大多數會選擇切除子宮, 一勞永'日'.
當我接到你的case, 你實在太年輕了,
所以很click手, 因為你所面對的,
真的很困難, 我明白你的感受. 同時,
我有責任要告訢你的病, 有何選擇及利與幣.
最痛心是我不能完完全全告訢你,
你一定會好番, 唔會變癌,
呢一點不是我能力範圍做得到,
我都好痛心. 無辦法幫到病人.
我只能盡力幫你.
我說: 我明白的. 但是我剛做完子宮頸割除手術,
傷口還在覆完當中,
會不會太快要再做呢? 而且再做的話又會
有甚麼的後遺症呢?
郭醫生回答: 第一, 我現在見議你做子宮頸割除手術,
後遺症是不是完完全全沒有壞的細胞,
但起碼將現在還未清的壞細胞切走先.
最不好處是, 因為宮頸割了, 日後若有bb,
會很容易流產. 其實你太年輕,
所以我覺得你不會選擇整個子宮
切除. 所以我希望你好好考慮先
做多一次子 宮 頸 割 除 手 術,
然後再觀察, 是否病情穏定.
我再問: 其實我現在的原位癌, 若會變成癌症,
時間會唔會好快就變.
還是這方面的癌, 就算是變, 都會比較慢的呢?
郭醫生答: 當然不能答你會幾時變成癌,
因為有可能不會變, 亦有可能會變.
每個人的體質不同. 但是由原位癌要變成
真係癌的, 唔會快,
子宮頸的係比第二種的癌來得慢一點的.
還有, 我一會先要幫你作檢查, 看看你能
否可以再做多一次
子 宮 頸 割 除 手 術, 因為宮頸有厚有薄,
不是人人都可以再做.
我說: 我明白的. 醫生我想我要回去跟我的老公
好好商量, 請問我可以幾時回覆你?
郭醫生: 我都知的. 咁啦, 下星期一你打比姑娘,
我一間比姑娘的電話你,
你做同唔做, 你最後選擇咩決定都好,
都要覆我. ok.
我答: ok. 無問題.
跟住, 郭醫生就帶了我入去檢查病房到為我檢查宮頸.
郭醫生說: 你的醫生果然係幫你切咗都幾深及
幾多的宮頸. 仲有, 傷口埋得
幾好, 放心啦. 你的宮頸都生得比較厚,
而家切咗咁深,
都仲可以再做多一次, 你返去好好咁考慮吓啦.
之後醫生同我係檢查病房到閒傾了一會. 她問了我做何等工作, 知我是公務員後,
還問了我做咩部門, 咩職級. 再同我講, 唔好太過擔心. 但係佢重新講, 若甚麼
也不做, 我真的要READY可能要行癌的路. 郭醫生還說, 若最後你選擇兩者不做,
我亦希望你之後要聽話, 我約了你幾時回來覆診, 一定要回來. 因為佢希望
若果之後定期抽細胞化驗, 若不幸細胞有變異, 都希望可以係早期發現,
可以早點捉得到, 咁就可以及早醫冶及處理.
我跟著告訢她, 我媽咪之前係乳癌, 我都明白癌的路是很難行的.
郭醫生點頭示意, 告訢我真的很難行. 所以再叮囑我好好考慮清楚.
之後有位鄧姑娘找我, 留了電話給我, 提我一定要覆. 我示意明白.
在離開醫院的時候, 打了電話給少爺, 講咗少少比佢聽.
之後我一個人由屯門醫院行去建新村巴士站的呢一條路
我哭了......我又再哭了.....沒有辦法.....始終都不是好事
但在這段路, 我明白到, 是時候要放下, 真的要為自己打算
身體巳經告訢我....我不能再這樣死撐, 而且去到不能撐的地步了
我跟自己說, 要為愛我的人好好善待自己吧
其餘的事, 由得他人自行負責好了, 不要再攬屎上身.
話說想7月前搬到新居
不過媽咪去擇日, 講咗6及7月都無日係好日子
8月又係鬼節....
so...要等到9月喎...
一聽之下....9月...咪成三個月...
嘩....間屋想雕花都得呀...
仲有...我哋都交咗半年租呀.....
好彩唔係話好貴租啫....
其實蕭c奶好想快啲搬嫁..
因為真係好想半個鐘就返到屋企的滋味囉
又想去街可以好方便的滋味囉...嘻嘻
不過奶奶都話, 媽咪問咗就要信
唔好話唔信, 叫我哋唔好心急, 9月就9月先搬
加上少爺都話, 9月就9月,
都好的, 因為預計6月份內裝修好
而且裝修完的新居, 都有好重的裝修味, 即係甲荃味
會對人體有害, 不如就慢慢執拾及打掃
順便比兩個月間屋散走啲裝修味
咁都好的.....
雖然聽落去要等三個月先搬得
好似好耐咁
但係其實時間過得好快嫁咋..
只要唔好成日諗住要搬
咁不經不覺就會好快到嫁了....
