坪洲行山遊@復活節

 

2010年4月4日（星期日）

 

今日我哋四大一細去行山呀

天氣唔錯呀，不冷也不熱

蕭C奶同愛麗詩咁大個人都係第一次去‘坪洲’啊

千其唔好笑啊。。。

到達當然要影番張合照啦。。

 

呢到都幾似澳門咁

都係好舊的樓

見幾靚就影吓囉

我哋要去手指山呀。。。出發

經過天后宮

見到手指山的路牌

有時都幾LIKE住鄉村

同一家三口影番張合照先

 

自己都影番張留念啊

呢間石屋幾得意喎。

前進了。。。

行到呢到有分叉路， 有好心人人士寫上手指山

信你了。。

嘻嘻。。。行咗幾十級樓梯

嚟到手指山了。。風景好靚, 當然小霧啲仲靚仲清

上到嚟空氣好清新,好舒服

無人嫁，幾鬼正呀

 

 

 

係手指山到望落去

 

 

手指山上的涼亭，碰巧無人， 快影。

離開手指山了，我哋要落山了。。。

而。。。前面方原幾里好似有個涼亭咁喎

再走近啲。。。好靚啊

全海景的涼亭，可以係到睇吓書，休息吓，

又有啲涼風吹埋嚟, 好鬼舒服囉

海景涼亭

又開始落山了

離開咗海景涼亭之後, 我哋就到咗另一個海景地方

一望無際, 呢一到令我諗起上年去日本沖繩的座間味島

 

臨走時, 影的

個田園洋娃娃好可愛啊..

好鐘意蕉樹同埋綠油油的草田

好多蕃茄呀...不過未熟啊

全程無咩人, 影相真係一流呀

開心樂田園在此

有好心人在石頭上畫上地圖

綠色加鮮紅色..好SHARP

呢棵仙人掌影態好少見咁喎

天色比較灰了, 我哋又要開始繼續落山

 

落山時經過影的

 

海景善堂

好有藝術

落到嚟,經過人家的住宅, 呢一間好有外國FEEL啊

種滿花花草草

嘩咁快就落到嚟了...我哋準備坐船過去

愉景灣了....下篇見.

 

第一次到坪洲, 原來係咁舒服, 咁靚的

下次一定要帶奶奶,媽媽佢哋嚟行吓

因為又唔辛苦, 好容易行啊

一家大細嚟吸吓新鮮空氣

好過成日去SHOPPING啦.

 

秋田紅蕃茄稻庭烏冬@元朗

 

2010年4月3日(星期六)

 

今日約咗裝修師父去現樓到睇吓佢啲手工

剛好在屯門, 唔錯呀, 啲手工都幾好喎

終於都叫做搵啱心水的裝修師父了...yeah!

之後同少爺去元朗到睇吓啲裝修材料

跟住我就提議去上次行過的一間

專食烏冬的食店

好想試好耐, 今次終於都有機會試lu

我哋而家希望趁住係天水圍

要多啲幫襯吓元朗一帶的食店啊...

 

秋田紅蕃茄稻庭烏冬

睇個menu都知, 原來除咗烏冬,

仲有好多嘢食添呀...

稻庭冷烏冬

稻庭冷烏冬 --- 都唔錯, 如果再冰凍一啲,

更加好呀. 有改善空間啊...呢個係35蚊 , 如果無記錯.

赤豚肉蕃茄湯烏冬 ---

原來有少少辣, 又係好鬼多料, 不過呢個豚肉就唔係真係啲靚肉,

我以為係食開的豚肉, 應該係薄薄哋, 好嫩個種.

佢之不過係斷章取意, 只不過係普通的廋肉啊....要扣分.

烏冬都夠爽口, 加上配料好足好多, 下次唔要豚肉,

叫其他先得.. 仲有唔夠蕃茄味啊, 個湯底要再濃啲的蕃茄先合格呀.

好似係40蚊

三文魚刺身 - 38元
夠肥美, 唔錯呀

肥牛炒雜菜 - 無諗過咁大碟, 好足料,

有金菇, 鮮冬菇, 洋蔥, 黃椒, 肥牛等等...

又係38蚊

食店環境乾淨, 企理, 服務員態度好, 上菜快

座位不擠迫, 坐得幾舒服

 

 

其實真係食唔哂, 個份量勁大,

叫咗4樣都係百幾蚊

最好多幾個朋友仔一齊就最好

可以食多好多款啊...

嗯....都幾抵食, 會再幫襯及介紹比朋友

牛陣ShabuShabu & Sukiyaki

2010年4月2日(星期五)

復活節假的第一天

 

是日和少爺約了裝修師父到新屋

之後去觀塘的APM睇吓有咩好嘢食

我同少爺講, 聽聞有間叫做 '牛陣ShabuShabu'

好好食嫁喎, 我知呢到有, 不如睇吓多唔多人

好想試吓啊...

牛陣有多款放題套餐

每位計算, 食用時間為90分鐘

時間係足夠有餘

而放題套餐由百幾至到三百幾都有

視乎選擇普通牛, 上級牛, 和牛等等....

而蕭c奶及少爺擇選了中間位的160元一位的上級牛套餐

牛陣的放題套餐分為四款湯底

清湯, 甜醬油湯, 鐵觀音湯及豆乳湯底

套餐內包括牛肉, 豬柳肉及豬腩肉任食

還有牛陣外有一個bar枱

攞放了多款蔬菜任食, 分別有:

上: 蘿蔔, 豆卜, 南瓜, 冬瓜, 翠王瓜

下: 金菇, 鮮冬菇, 雞脾菇, 年糕

上: 芋頭, 芝士腸, 蟹柳, 京蔥 等

下: 生菜, 皇帝菜, 菠菜, 小棠菜, 黃牙百

上: 魚角片(即好似炸過的魚片), 蓮藕片, 魷魚

下: 粉絲, 芽菜, 獨立包裝的日本麵, 豆腐

還有各款的醬汁 及

日本白飯和牛肉粒炒飯

其實仲有個雪糕櫃添, 不過因為太多人圍住

影唔到相, 分別有四款口味

芝麻, 雲呢嗱, 芒果及朱古力

唔好望落去好似好少食物啊, 其實我覺得又係果句

貴精不貴多, 牛陣比到一般火鍋需要的食材

加上不繼有貨, 再加上全部都好新鮮又乾淨

其實真係好飽嫁.....

 

我哋擇選了豆乳, 不過後來發覺應該試新湯底

應該試鐵觀音湯底嘛....算啦, 下次再試過

上級牛

好有牛牛味, 放咗落湯到, 薄薄咁, 肥廋適中, 真係靚牛牛, 抵食啊.

值得一讚的是 -----以為碟底係用咗啲菜或粉絲墊底

估唔到....唔係嫁, 係全碟都係牛牛呀....

加分呀...唔會好似有啲任食放題咁, 每次比少少你咁小氣

豬柳肉及豬腩肉

最近蕭c奶愛上了這款薄薄的豬肉啊.....

好好味嫁....哈哈.

..最後都添加咗一碟

近望吓啦, 會見到啲食材乾爽, 好乾淨

切到薄薄哋, 可以容易熟

呢個魚角片, 我自己覺得好少火鍋店有, 好鬼好味

食落令我諗起日本啊....

粉絲方面, 如果可以改用日本的春雨, 即係日本粉絲,

就完美了...

自從食開咗日本粉絲後....就唔再食普通粉絲了

皇帝菜, 夠嫩, 好耐無食, 正.

一座底就開始計時

嘩...成枱都係食物, 好心急啊...

係咁放哂啲嘢入去個鍋到....等食等食

再攞.....

呢碟係第二碟lu....唔好望見豬腩肉好肥咁呀

灼熟了, 薄薄的, 又不是太肥的, yummy yummy

牛肉粒炒飯...嘩..估唔到好味

多料, 無油, 鹽味適中, 尤其讚的是多牛肉粒啊

至於白飯, 就失色了, 望落去好似係用上日本珍珠米

可惜....唔係用靚日本米, 一望就知, 因為無色澤的

食落真係麻麻, 炒飯因為有料, 所以會好好多

這個白飯, 要扣分啊..

反而呢款用上獨立包裝的麵,

會加分, 因為衛生, 好味, 份量多

呢個麵唔好睇少佢, 我食到後期才加

可能巳經食到6成飽啦, 嘩....呢個麵食嚟食去都食唔完

好鬼多嫁...但蕭c奶都食哂, 因為我係麵痴

同埋佢好夠煙韌, 蕭c奶點忍心唔食哂佢啊...

 

巳經食到差不多尾聲了

其實我哋食到一小時的時候

都巳經好飽飽lu...

之後個30分鐘都係慢慢hea住嚟食

食埋雪糕先走了...

 

 

 

 

觀塘  APM, 第5期4樓22-23號, Tel: 2172 6322

太子  彌敦道750號  始創中心 B02-06, Tel: 26259234

尖沙咀 彌敦道63號  isquare 7樓 06 , Tel: 2311 1092

 

 

好味, 價錢合理, 環境舒適, 服務員態度誠懇,有禮

地點又方便, 鐘意食牛牛的blog 友, 要試吓了

蕭c奶及少爺都一定會再幫襯啊