突然記起自己由細到大
都有很多個別名
你們喜不喜歡被人改別名呢？
蕭C奶挺喜歡的
蕭C奶覺得被朋友改別名是一件很幸福的事啊！
想想。。。當朋友叫著自己的別名時，
是多麼的親切，愉快呢！
數數自己的別名， 次序由小朋友到現在：
（1）喊包如 ---
此名一聽就知蕭C奶在小時候，
大約兩三歲至七八歲時，
常常都會因為小事或大事都喊，
所以小時個個親戚一見到蕭C奶都會叫‘喊包如’
（‘如’是因為蕭C奶的中文名最尾是‘如’字）
其實小時很不喜歡這個別名啊。。。
不過現在長大了， 回想起，很親切啊。。
（2）紅蘋果 ---
此名是在讀小學時，蕭C奶是肥啫啫，白白淨淨，
好可愛嫁，臉上兩邊臉脥總是白裡透紅，笑容滿面，
在補習社時，補習老師及同學都替蕭C奶改了這個
‘紅蘋果’別名
他們說蕭C奶很像一個紅蘋果，
所以就有了這個別名。
（3）飛魚 ---
後來升上中學，都忘記了是誰替我改了這個別名，
每次其他朋友或者老師均會問我一個問題，
點解佢哋叫你做 ‘飛魚’的， 係咪你游水好叻嫁？
蕭C奶回答：（有啲尷尬又帶點唔好意思）
嗯。。嗯。。唔係呀，我唔識游水嫁。
再問： 通常叫得飛魚的都係游水好叻先會咁叫，
以為你游水好叻添。。。
蕭C奶好無可奈何咁回答： 唔係呀。。其實係因為我個名
最尾有個 ‘如’字，佢哋是但咁改咗個音相似的，
我都唔知點解咁樣改嫁。。不過我都好鐘意呢個別名，
覺得好得意，又容易叫又容易記。
就係咁。。其實當蕭C奶之後出嚟做嘢，
都有人問過我點解要叫 ‘飛魚’？
而家呢個花名只會係一啲舊同學見到先會咁叫我了。
（4）左髀 -----
這個別名是蕭C奶最愛的，因為好親切，
好好聽，而且仲好貼切蕭C奶的英文名添，
加入了政府工作，有一位長輩，蕭C奶稱他為UNCLE WU，
當年蕭C奶係一位妹妹仔，而UNCLE WU當時都巳經是一位伯伯了
UNCLE WU待蕭C奶為女兒般，對蕭C奶很好啊。。
當年金鐘有一間叫做 ‘陳記燒鵝’酒樓，
UNCLE WU與另外幾位長輩同事常常到這間酒樓吃午飯
有時候都會叫蕭C奶一起吃午飯
尤記得第一次跟他們吃午飯
叫來了一客燒鵝，UNCLE WU便對我說：
JOBE， 你要左髀定右髀？（人人都知食親燒鵝都話左髀正過右髀）
就係咁， UNCLE WU當時即刻就話：
而，JOBE， JOBE， 左髀， 左髀，
個音好似喎，就係咁。。。以後UNCLE WU就再無叫我JOBE，
而係叫我做 ‘左髀’了。
而右髀呢，佢會用作來形容為我的另一半。
亦都因為UNCLE WU的原因， 由那時開始，
全個OFFICE都叫蕭C奶 ‘左髀’了。
而呢個名都一直叫到而家LU。。。
好鐘意好鐘意呢個別名嫁。。。
（5） 肥姑 ---
呢個名係由侄仔 ‘嘉豪’改的，
蕭C奶係姑姐，而蕭C奶又肥喎，
侄仔大了以後，經常話蕭C奶，
咩你咁肥嫁，就叫你做肥姑啦。
之後有好幾年佢都係咁叫我做 ‘肥姑’
蕭C奶好鐘意侄仔咁叫
而且係侄仔的專用添。不過而家佢大咗，
就少咗咁叫我了。。其實我成日同佢講，
不如你叫番我做肥姑啦，我鐘意呀！
（6）阿BE --
呢個名係由奶奶叫開的，話說拍拖時，上去蕭家吃飯，
當時的奶奶問我叫咩名喎，我答： JOBE。
當然老人家係叫唔到咁正啦，而且當時係第一次見面，
有時又點會記得叫咩名呢---最後奶奶話叫我阿BE，
問我介唔介意喎。。。咁當然唔介唔介意啦，
（而且唔通話介意呀。。。呵呵。。
之後蕭家上上下下都叫我做阿BE了。。。
又係好親切囉。。。
最近好友晴媽教晴晴叫我做JOBE EE，
但係叫咗幾次。。。晴晴都係我 ’阿BE‘
好得意呀，JOBE EE鐘意你叫我做阿BE呀
真係好可愛，好得意啊。。。
I LOVE’N IT。。。
（7）少奶 ---
呢個別名係好友 ‘叻叻’的專用，
因為籌備結婚時， 找來好友 ‘叻叻’來做司儀及SISTER GROUP，
叻叻實在太好了，她知道蕭C奶要籌備結婚，一定會有很多東西要做及安排，
那時她即說笑：少奶少爺有咩吩咐，即管吩咐奴婢啦。
就係咁，自此以後，叻叻就叫咗我做少奶，而叫咗阿榮做少爺了。
當然蕭少爺及蕭少奶非常榮幸叻叻咁稱呼我哋啦，
而且蕭C奶覺得每次叻叻咁叫我呢，我個心好甜好冧而且仲好幸福添呀！
謝謝您---我的好奴婢 ‘叻叻。
（8）蕭C奶 --
一聽就知呢個為最近期別名呢。。。其實都唔算係花名嚟的，
因為我老公真係姓 ‘蕭’嫁嘛。。哈哈。。
而我又結咗婚。。咁當然係會叫蕭C奶啦。
呀，原來數吓數吓，係唔同的年代，
我有唔同的別名，
其實應該重有的，不過唔記得LU。。
唔知大家有無諗起自己的別名呢？
蕭C奶好開心好幸福，
好多謝改我別名的朋友們啊。。
因為有你哋的別名，而令蕭C奶回憶咗好多
好開心的時光呢？
