蕭少爺同蕭C奶一直對上年去九洲時
品嘗過的布甸念念不忘
真係好食到不得了
返到嚟香港，有次係SOGO見到北海道牛奶布甸（MILK TOP）
見個樽同係九洲食的一樣，只係呢個係純白牛奶色，
九洲的係黃色，望落去又好似好滑咁喎
都唔平呀， 好似要20元一樽
我哋都買咗4樽嚟試吓。。。
返到去即刻試吓啦。。。嗯。。如果無食過九洲的一定會好正
好可惜。。蕭C奶蕭少爺食過九洲，真係蚊比同牛比囉。。
當然蕭少爺係勁愛牛奶的
尤其係勁重奶味的， 佢都好鐘意
所以蕭C奶係BLOG友到偷師啊。。
咁以後就唔駛去MILK TOP到買貴布甸啦。。
又容易整又平。。而且一樣咁滑啊。。
約6小樽份量
材料：北海道牛奶５００ml ，魚膠片 2片(每片約5g)，
我就用咗魚膠粉 10克，用50克水溶咗佢）
砂糖30－50g (或隨個人口味調教)
做法：
１.將牛奶、糖加熱，不必沸騰，糖溶了就得，
(試味，唔夠甜可以o係這時加糖)
2. 加入事先用冷水浸軟的魚膠片，或魚膠粉水，
攪拌至完全溶化。
3. 倒進溶器，攤凍，雪至凝固。
Tips: 1) 緊記全過過程要用最細火，不可滾起。
2) 想再香d可以加５０ｍｌ淡忌廉，但奶的分量就要減５０ｍｌ啦。
上面啲樽咪係上次去mike top到買嫁囉.. 食完可以用番..
而家自己都識整了...yeah!
自己整真係同去買的無咩分別喎....好滿意呀..
