阿媽當然唔知道我要整咩回禮小禮物啦,我攞咗啲回禮小禮物的名牌回來,因為要整成幾百個, 好友'經理'一早幫我print定出嚟,然後分咗一半, 大家分工合作, 逐個逐個剪出來,其實好攰嫁.除咗仲要鑽,穿條金線,打結...睇落去好似好易,但係我哋真係花咗多時間,心血,心思做嫁.全程都係人手操作嫁.
媽咪見到,佢話我整得慢喎,見我雞手鴨腳,佢又話幫我手喎. 超級好呀....世上只有媽媽, 無法啦,鬼叫我係你個寶貝女咩!
短片:
2007年4月29日 星期日
我們回禮小禮物Part II
2007年4月28日 星期六
接新娘遊戲工具之製作過程
講起接新娘遊戲, 係呢到要非常多謝好友'冰冰'的幫助, 所有遊戲的道具及材料差不多都是她負責的. 另外,都要多謝我媽咪,因為其中一個遊戲的孖煙通呢,要請媽咪代回家鄉找人訂做.
而家等你哋睇吓我哋的製作過程啦:
冰冰準備整第二個遊戲了, 超級無敵吹風車...
連我阿媽都要試玩......媽咪你個樣想嚇死人咩......
冰冰真係好細心兼厲害,我都無諗過,連呢個牌佢都有整呀,實在太好了!
冰冰真係好好呀,我都唔知佢會整呢個掛頸牌的, 好靚呀,你哋睇吓,冰冰啲手工真係好好, 又其係個兩朵玫瑰花呀,係立體的,我同阿榮都好喜歡呢!
仲有,呢張'愛的宣言' ,超級鐘意呀,有我喜歡的Hello Kitty and Dianel 啊!
係到真係要再三多謝好友'冰冰',真係好多謝你呀,因為係我的婚宴入面,你幫咗我同阿榮好多好多, 你除咗幫我整啲道具,仲有,幫我做阿四,又幫我搵我想要的歌曲....好多好多的準備工夫......
冰冰,謝謝您呀!
2007年4月21日 星期六
女家家鄉婚宴(觀瀾)
由於太多親戚都在家鄉,而且最重要的是我外婆在家鄉,所以我們要回去設宴了.
由於家鄉的習俗需要早過香港的設宴日期,所以我們定了早香港兩個星期回家鄉設宴了. 還特意的請了好友'冰冰'及'Gavin'幫手, 負責替我Set 頭,拍照,拍Video以及其他的雜項.
連我媽咪都有花球仔呀....好cute呀....
大姑丈, 大姑姐及表妹一家
細姑丈,細姑姐及表弟一家
到咗三星大酒店了....
係大陸擺酒呀, 好大碟嫁,但又好鬼好食嫁喎....
合家歡.
完成擺酒,返到屋企了....
當然要派利是了.....謝謝Gavin 及冰冰幫手,利利是是....
仲有我位好表妹呢...當然有份啦....
在花園影相留念...
2007年3月28日 星期三
春天及BASAA試衫記
好開心,終於決定係'春天'及'BASAA'租婚紗及晚裝了.
話說我係'春天'睇中咗一件背面有對鴛鴦的金色晚裝,帶有點中國feel的,一見就巳經愛上了,我就係為咗呢件,就膽粗粗咁就比咗deposit了.
而婚紗呢,我又係BASAA到睇中咗一件喎,合乎哂我所有要求, low-cut, 珍珠白,簡單,高貴,尾部要有通花的, 都係為咗呢件,就膽粗粗咁比哂錢. (因為呢間一定要全數比哂,先可以試)
心情當然既興奮又緊張啦,心諗,我都唔係好廋的人,對自己咁有信心,如果萬一著唔到,點算呀?
個件金色晚裝,其實真係幾蝦人著的,除咗因為佢比較slim cut外,個款同隻色都唔係個個都襯到的, 哈...好開心...當我去到試的時候,又著到喎,而且仲係fit,唔駛著束內衣,個款我又受到喎,老公同朋友見到都好鐘意,佢哋都覺得呢件好特別,唔係普通款式.
至於婚紗呢? 一試巳經愛上它了,簡直唔想除咗佢呀,好鐘意,好靚,一試perfect, 老公同朋友都讚口不絕呢?
到了晚裝,我擇咗一件紅色,用作敬酒用,呢條我都好like呀,因為佢背後好靚嫁,好似啲層層呢是,襯起金飾好出,好靚呢?
(因為係最後先擇的,所以無著到嚟囉...)
另一件晚裝,所有家人及朋友都讚口不絕呀,因為著得好廋之餘,隻藍色好sharp, 而且中間有隻大蝴蝶結,高貴得嚟又有少少young feel. 老公同阿媽咪一見呢件,都立刻話好靚呀,好鐘意呢件呀!所以呢件一定要啦!
** 至於呢件呢? 試吓炸...著得我都好靚呀,只可惜因為背後近屁屁位置,因為質地的問題,有點兒唔好看,所以係大家的投票之下,都係無擇到. (影張相留念都好呀!)
2007年3月18日 星期日
媽咪,嘉豪及姊妹之試衫篇
媽咪一試呢件就巳經好鐘意了,因為著得媽咪好高貴且大方....
我都係第一次見到媽咪著到咁靚炸.....幻想吓,媽咪年輕時,真係好靚嫁....
嘩,嘉豪好型仔呀! 踢死免.....
呢個笑容...冧死啲女仔啦....
齊齊試衫,好熱鬧呢?
訂閱：
文章 (Atom)