我也學人蒸糕Bell ^^

今年最大的成就係.．．．學了做蘿蔔糕囉．．．

比相像中容易

只係要準備工夫多了一點點啫．．．

也oｋ的.


以後每年都可以親手做自己的糕了

可以自行調製所有咸味

如果愛吃或慣吃淡口的,　

我有信心你必會喜愛我做的糕

但若然你愛吃或慣吃濃味的,

我相信你會不太喜愛我的糕

又不慣吃淡口的糕．．．

【深夜食堂煮婦同樂會第30話】味噌鯖魚 （附食譜）

【深夜食堂煮婦同樂會第30話】味噌鯖魚 （附食譜）





OH....蕭C奶打從聖誕節開始, 就課課都逃課 ><

因為實在太忙, 都係果句, 日日返工都用咗十小時啦

有時又要同朋友仔食XMAS DINNER

自己有時又想抖吓, 又要陪吓屋企人

又要攪XMAS PART的嘢, 邊鬼有咁多時間啫...>< >< ><

前幾日睇鬼嫁個blog, 見到味噌鯖魚,

唉...係時候都要交啲嘢出嚟啦...^^

咁反正今日都未諗煮咩, 呢個又easy to cook喎...

參考咗其他blog友的煮法

大家都差不多, 最後我就跟咗鬼嫁小姐的做法去做...





鯖魚一次都未曾自己煮過, 多數都出街先食過

不過, 平時出去日本餐廳到食, 多數都係煎的方法

魚皮脆香, 肉又多汁, 好鐘意煎的方法.

今次這個就用味噌及燉煮的方法

其實個心都諗....會唔會好腥呢...@@

不過因為食譜內有薑蓉, 所以都ok的. 

不過老實講, 都係腥腥哋, 我就自己唔係好like這個方法煮鯖魚

下次都係用番煎的方法lu...

對於這個味噌鯖魚, 我和少爺都覺得一般啦

話好食一定唔係囉...話難食又唔會囉....

加上我本身都唔鐘意食味噌的....

所以多數啲味噌湯我都唔飲嫁.  哈哈...

材料：

鯖魚     2條

薑蓉  1茶匙

 

調味：

日本麵豉   4湯匙

日本豉油   1-2茶匙

味醂  5湯匙

酒    3湯匙

糖    2湯匙

水    6 湯匙

做法：

1）    鯖魚用少許鹽洗淨，切成三份, 備用

2） 預備熱水略浸鯖魚片數分鐘，去除魚腥味

3） LC鍋 或其他鍋 加入所有調味料拌勻煮沸

4） 加入鯖魚和薑蓉，滾起轉小火煮6-8分鐘, 再熄火焗2分鐘, 完成

是日晚餐:

味噌鯖魚及素湯蛋白浸豆苗

(清清哋又簡單....)

煮婦小聚會@花花家

好開心係BLOG的世界裡可以識到朋友仔

而且仲係一班愛烹飪的煮婦們

好多謝各位煮婦們的分享

我係當中最不懂烹飪的煮婦

係各人身上我也學到很多烹飪的心得

今天我們就來到其中一位煮婦的家中攪攪震．．．哈哈.．

而我的角色係.．．．．等食!！！！







因為我要返工,　所以我要兩點先可以去到花花家

一去到巳經係咁食食食.．．．

莎莉豪，　我叫她做豪姐的.．．嘻．．．

豪姐整咗個戚風蛋糕，　好食到不得了,

一個人簡直可以吃半個囉．．．

跟位,　豪姐教我哋做牛角飽

嘩．．．ｋｅｅｔ　ｆｉｔ大敵．．．但係.．．

我都忍唔住吃了兩件．．．





跟住就開始整ｐｉｚｚａ了,　ｐｉｚｚａ我好想學

不過．．．我都係無睇到個皮點整，　下次要問番大家先

自家製ｐｉｚｚａ太正了.．．．

總之好味好味好味囉．．．




花花太客氣了.．．

我咩都無做過．．．＞＜

但係又食又拎囉．．．

我幾時先可以有間大啲啲的屋

可以招呼大家呢.．．

牛油曲奇 (內附食譜)

剛剛的xmas, 做了一款cookies作為party的其中一款甜點

謝謝煮婦們給我這個美味cookies的食譜

好味到暈...嘻..

謝謝好友們欣賞及喜歡

好友還說: 好味過'四重奏'及'jenny cookies'....^^

老實講, 我一向也不喜歡以上兩款cookies

我唔夠膽講係咪好食過佢哋

只能說, 各人口味不同.

這個食譜的曲奇, 確實是我自己很喜歡的口感及口味.

最重要每人能夠找到自己喜愛的口味了.

牛油曲奇

 

無鹽牛油       100g

糖粉   70 g

鹽      ½茶匙

低筋粉 200 g

蛋黃     1隻

 

做法:

 

(1)     無鹽牛油室溫放軟, 打至軟身CREAM狀(忌廉狀態).

(2)     加入糖粉及鹽打至淡黃色, 加入蛋黃打勻.

(3)     分兩次加入巳篩低筋粉打成面團

(4)     入雪櫃30分鐘,  取出用面粉棍壓平, 印模印出圖案

(5)     180度, 焗12-13分鐘, 即成.

朱古力脆曲奇(內附食譜)

最近好有心情, 係咁整cookies

以前最唔like做cookies, 係因為得細爐,

每次只能焗最多十塊八塊

唉...焗幾十塊要分幾次嚟焗

每次都焗到要好多時間, 所以一直都無心機做

但係呢排唔知做咩...嘻....狂整...

或許是因為受到家人朋友歡迎

所以才有動力.

謝謝家人及朋友喜歡...^^

朱古力脆曲奇   (大約30件)

 

無鹽牛油          115g

糖            58 g

黃糖      58 g

海鹽 / 幼鹽              2 g

蛋      50 g

中筋粉 /  低筋粉        160 g (中筋粉即係一半高粉+一半低粉)

梳打粉         2 g

V仔脆黑朱古力粒      38 g

烘香杏仁碎   58 g    (可改用合桃粒)

紅莓乾           50 g    (可改用提子乾)  

做法:

(1)     中筋粉/低筋粉及梳打粉過篩, 備用

(2)     溶解牛油, 變成牛油液體, 將它保持微熱.

(3)     將溶牛油, 砂糖, 黃糖及鹽拌勻, 再拌入蛋拌勻

(4)     加入巳篩粉類, 拌勻至沒有乾粉, 不要過度攪拌.

(5)     加入V仔脆黑朱古力粒 , 杏仁碎和紅莓乾拌勻.

(6)     把麵團雪入雪櫃至少一小時, 或一晚更好

(7)     取出麵團,  至室溫軟身一點, 將麵糊舀在不黏布上.

(8)     每個曲奇之間預留1吋距離, 因為每塊曲奇焗時會發大.

(9)     放入巳預熱170度的焗爐, 焗15-20分鐘.

昨晚再做 “朱古力脆曲奇” ， 今次試由中筋麵粉改用低筋麵粉，及雪一晚改了只雪兩小時，结果：颜色有分别，雪一晚的較深色，雪兩小時的較淺色。囗感方面，低筋粉比中筋粉更脆囗！(圖中左邊深色是用中筋麵粉，右邊淺色是用低筋麵粉。) ^~^

2012過去....迎接2013....

其實今天巳是2013年1月12日了..

巳經踏入咗2013年兩個星期了..

2012年尾, 本想寫一寫剛過去的一年感想

可是一直未有心情, 也沒時間.


2012年發生了很多甜酸苦辣的日子

但...雨天過後, 晴天紿終回來我身邊

感恩!!!


2012年開心事很多,

雖然當中一些開心, 欣慰的事/問題

都要經過一些苦一些酸一些辣才能得到甜

但....回望是值得的.


感恩上天沒有帶走我的爸爸

感恩上天看顧著我的媽媽

感恩上天看守著我的老公

感恩上天給我的甜酸苦辣


人要學會感恩.

我又再成長了一點點

我又再成熟了一點點

我又再堅強了一點點

這些一點點是很寶貴的

令我更加學懂....感恩自己擁有甚麼, 而不是去看自己還沒有甚麼!!

這一點點是我在2012年當中最深的體會!!

感恩...感恩自己的思想做法正面!!


2012年...最不滿意的, 又最想得到的...是時間!!!

時間在我來看, 永遠都不夠用

2012年...放低了很多東西, 很多事情

實在有心無力去完成


2013年來到...最想要的...仍然是時間

2013年...今年不想寫明目標是甚麼

因為很多時候, 也未能好好完成或做到

今年我只想淡淡然地說: 

我只想平安, 平靜, 平淡

想做甚麼就做甚麼

也想把之前放得太久的各種玩意, 問題等等...

隨心去慢慢完成, 解決.


2013努力, 加油, 感恩!!

自製蘿蔔糕

2013年1月11日(星期五)




蘿蔔糕一直咁大個女都好想學自己整

但一直都無機會

加上又未搵到一位專人教授

有天跟好友兼同事傾開

發現她的嫂嫂蘿蔔糕好美味

加上我也之前巳認識好友的嫂嫂

再加上嫂嫂和我住得很近

我便請好友邀請她嫂嫂教我整蘿蔔糕了


一向都懂烹飪的我

每年一到新年, 總是有很多朋友都問我: 整唔整蘿蔔糕呀???

可是我總回答: 我都唔識整的.

通常啲朋友會半信半疑回應:  唔識!!!??  係咪呀, 你咁叻煮嘢, 無理由喎.

嘻.....老實說:  我都係只識普通嘢啫...

甚麼蘿蔔糕呀, 年糕呀, 芋蝦呀...通通都不懂....KAKA


今年真的很想很想學

所以今天專程放假一天

就去學蘿蔔糕了

至於蘿蔔糕口感, 實在是人人不同

我個人比較喜歡多重蘿蔔味

不要一吃落口, 只有粉漿, 沒有蘿蔔

我喜歡勁多蘿蔔絲的

而且味道要適中, 不太咸也不要太淡

今天很幸運地, 找到嫂嫂

她的蘿蔔糕就是我想要的味道及口感

個人來說, 實在很合我心意呢.




謝謝好友, 也謝謝嫂嫂親自教授.








終於都學咗了, 個心即刻好心急想試吓無嫂嫂係身邊

自己整, 成唔成功添...

即刻訂臘腸, 臘肉...WAKAKA...

好想好想下星期六日試整一次

成功咗, 咁今年新年, 我就可以自己親手整嚟送比

我的家人及朋友了....




嫂嫂仲好好人, 話遲吓再教埋我整年糕添...

好嘢...

不過聽人哋講, 如果果年蒸唔成年糕

即係年糕不成功

會影響全年的運程

所以....我諗住到時去嫂嫂到學完,

年糕係唔會整的...

到過咗新年, 年中時, 我才當玩的心情先試自己整

我全年運程唔好都算

唔想攪到屋企人運程呀嘛.  係咪先!!!!

電飯煲焗雞(內附食譜)

2013年1月6日(星期日)


電飯煲焗雞


又嚟may姐食譜

電飯煲焗雞, 一直都好想試做

亦都一直好想自己親手焗或蒸一只雞

只係....好多事我媽咪成日都幫我整咗...@@

咁就一直都未有機會囉...

終於也忍不住了...今天有mood

就來買一只雞來煮煮啊...





材料:

雞 (大約1公斤重)   1隻
幼鹽   適量
葸(切半) 3至4蚊
乾蔥 (切片)     6粒
紹興酒    400毫克





做法:

1.  洗淨雞, 瀝乾雞.  然後先在雞身及雞腔上幼鹽. 於較厚肉的地方, 擦上較多的鹽.

2.  將蔥平放於電飯煲底, 再加入乾蔥, 將雞放面, 淋上紹興酒.

3. 以電飯煲煮40分鐘, 切件即可食用.







今天的晚餐:

用咗電飯煲焗雞, 所以...就用咗LC煮飯啊....^^