嘻嘻...超傻氣的蕭c奶
買咗個high tea stand 返嚟
一次都未用過放cake喎
而家變成咗放......
手作的製成品...超爆笑囉!!!
多角度影咗幾張相
呢啲咪就係咁耐都無update過的製成品囉
其實完成咗好耐嫁了
唔好以為蕭c奶咁耐無update
以為蕭c奶懶散
沒有成品喎...嘻嘻...
靚唔靚呀啲成品
跟住會逐一咁出post嫁了
好好咁介紹每件的成品啊...
這裡都是其中的一部份啫
仲有好多未show出嚟嫁...
我最鐘意就係一次過十幾廿件咁一齊影相
因為覺得好有睇頭咁囉
啲虛榮心又嚟了...
少爺見我咁, 都笑爆咀囉
話咁都得呀...老婆!!!
嘻...都係玩吓啫...
空氣包包@第40件手作仔
這是一件到了最後都很滿意的作品
其實事緣這件手作
是我初初學手作的第三堂
巳經是一年前的手作...嘻嘻
當初一見到導師開此包包的堂
我便立刻問導師
我可以縫得上嗎???
導師回答我: 嗯....你是初哥, 而且你的縫紉技術還很初步,
或許會比較吃力.
我便問: 那是不是真的不適合我參加呢?
但是我真的很喜歡這個包包啊.
導師再回答: 那...不用怕, 你照報名吧, 我會從旁協助你完成的.
我回答導師: 那太好了, 那我就報名, 我會努力的.
最後我終於都把它完成
可是蕭c奶並不滿意
因為縫得不好, 因為只有三堂的縫紉經驗
可想而知, 縫得有多好
加上縫到啲線出哂嚟喎><
所以一直都無攞出嚟用
同學仔都用緊個袋袋了
仲笑我添
但係我好想拆咗佢, 再縫過
導師都話, 如果係而家先縫這個空氣包包
一定會靚好多, 因為我巳經有了很多的經驗
加上縫紉的技術都進步了很多
不過到了今年, 我想拆的時候
同學仔見到, 就話其實都ok喎
不如唔好拆啦, 其實拆咗再縫真係好慘
會無心機縫嫁
佢話如果拆過, 倒不如重新再縫一個仲好啦
最後, 我望吓望, 其實都ok啦,
講真, 我都唔係好想拆再縫, 真係一件好痛苦的事.
最後....我而家就照用了...
空氣包包的外觀
一望就知真係幾難縫
因為佢係立體的
唔係就咁直線的包包
望吓拉鏈位
成個十字嫁
真係好特別
所以我對呢個包包一見鐘情.
近望個袋袋拉鏈位啦
嘻....見唔見拉鏈住旁的桃紅色明線呀
諗起當初只有三堂的縫紉技術
嘩...要應付縫明線喎
真係有啲怕怕, 因為呢條線係會比人見到的
所以用咗好多心機去縫
不過縫咗出嚟, 我好滿意呢條明線
其實一直都仲好想好想縫多一點袋袋給自己用
不過真係仲未有時間呀 ><
要努力努力...
update完自家煮
係咪又覺得蕭c奶好耐都無update吓手作仔呢
其實蕭c奶之前做咗好多手作仔嫁
只係一直都未有時間幫啲手作仔影硬照
加上有部份係為咗生日送比朋友仔的
又唔想咁快曝光
今次呢款手作仔
中途曾經想過放棄
不過最後得到手作同學的鼓勵
蕭c奶最後都完成咗了.....
完成後, 真係好大滿足感
因為好靚呀....
請大家細心欣賞了....
Fancy 化妝包
正面
選用了拼布款的布布
加上包邊, 最主要係右下角的玫瑰花喱士
簡直係fancy派的女生一定喜歡呀...
背面
跟正面一樣的
拉鏈頭側面
第一次整呢款側面
係要另外駁住縫的
都好靚呀...^^
拉鏈尾側面
嘩...都係第一次另外用布布包住條拉鏈尾咋
原來加咗布布包住, 又有另一番味道
裡面
嘩...有無尖叫呀...wakaka
第一次做內袋的化妝包
好滿意呢個內袋
因為加入了喱士邊邊做內袋
而且呢個內袋係用明線縫的
縫得都好靚, 我自己都好滿意
裡面
入面的裡布, 係咪好fancy呢
都係用咗拼布款的裡布
仲要係粉紅色花花, 好鬼fancy及浪漫呀
再近鏡望望個內袋...真係好滿意呀.
完成了這款化妝包
因為用了很多心機
一定要送給一位好友及值得送贈的人
想了好一陣子
剛好是好友靚靚ivy的牛一
yeah...反正我都係打算做一個化妝包送給她的
加上我覺得這個款很適合她
而且她是一位愛惜朋友禮物的人
所以我就送這個給她作為生日禮物了...
2011年8月23日(星期二)
嘻...今日都有煮飯呀
都係因為天氣問題
依然都係好想食啲酸味的餸菜
所以今日煮咗呢款:
蕃茄炒肉片
材料:
蕃茄 4個
廋肉 15元
蒜茸 適量
蔥 適量
做法:
(1) 先將肉片用豉油, 糖, 油, 黑胡椒, 米酒醃15至30分鐘
(2) 蕃茄切件, 備用
(3) 燒鑊, 加入少許蒜茸, 先將肉片炒至八至九成熟, 盛起, 備用
(4) 再燒鑊, 加入油爆香餘下的蒜茸, 加入蕃茄炒一會, 加入少許糖及鹽,
然後再放入巳炒過的肉片, 炒吓炒
(5) 加入少許水, 茄汁兜勻, 放蔥段再至滾及熟, 即可
2011年8月22日(星期一)
最近係咪覺得蕭c奶少咗update個blog
因為蕭c奶真係好唔得閒
連手作仔都會擺埋一邊呀 ><
可想而知有幾忙
最近的而且確連自家煮都少咗的
不過都間唔中盡量抽番時間煮
因為我哋兩公婆都係愛住家飯多一點
菠菜很久沒有吃
因為蕭c奶及少爺body check的問題
唔可以食菠菜
不過真係超耐無食
所以今日買咗菠菜
蒜茸炒菠菜
呢排唔知係咪太忙
攪到連胃口都麻麻哋
可能又因天氣熱的問題
所以好想食啲酸酸味味的餸菜
咁當然係蕭c奶最拿手的
梅子蒸排骨啦
仲有就係之前跟大家講
想湯想到痴的蕭c奶
滾咗呢個
大眼雞豆腐湯
嘩...好耐未試過咁豐富了
又湯又菜又肉
呵呵...今晚起滿足呀...
少爺飲湯都飲到傻呀...
咸到無人有之南翔饅頭店(銅鑼灣分店·)
未食過水準咁差的上海菜，全部得一個味—咸。
小籠包的皮 厚，肉質不新鮮， 失敗。
年糕咸之外， 仲要不乾身及太軟， 差！
津白就太咸啫， 好彩仲夠爽口。
超級唔掂，無下次！！ @@
