煮煮煮意....

 

這個星期都放假

目的是休息一吓, 不用日日趕返工

最重要係因為搬新屋

蕭c奶放假, 少爺照常返工

日頭忙做家務, 及到新居打點一吓

晚上回來都要煮飯仔啊...

中間煮了以下幾款住家小菜...

 

蒸釀豆腐及豆卜

最愛吃豆腐, 清清淡淡, 又好餸飯

就快要搬, 係時候要清一清個雪櫃了..

冰箱還有幾隻大蝦, 當然要ko咗佢哋啦

煎大蝦

隻隻都大大隻, 煎的時候加幾滴美極

可以帶出蝦的鮮味啊.. 

上湯浸翠玉瓜

所謂上湯, 即係...蕭c奶每次如有煲湯

煮菜時, 必定會加入那天的湯水炒菜/浸菜

所以由蕭c奶出品的上湯浸的菜

湯一定是新鮮的

冬瓜粟米粒粒廋肉湯

加入了新鮮的粟米粒, 超級清甜啊...

清炒韮菜花

不用加太多鹽,

食時可以品嚐原本的韮菜花味道 

洋蔥黑椒粒粒牛肋條

牛肋條是我近年的最愛

只需要在炒前五分鐘

加入黑椒醃一會炒

就巳經夠黑椒牛牛味

而且仲好juicy添 

韮菜花炒蜆肉

啲蜆肉係jusco到買嫁

好靚仔, 又夠大隻, 又唔會容易爛

下次都要再買定

 

清蒸黃花魚

好耐無食魚, 咪蒸番條滑啫啫的黃花魚囉 

齋湯

近排愛上了煲齋湯

不加入肉類, 真的很清淡啊

大家都不妨試吓啦

材料: 紅蘿蔔, 粟米, 花生, 眉豆,

赤小豆, 玉竹, 蜜棗

以上材料煲兩毎小時即可 

 

開估了..

 

哈哈...開估了.......

無錯....老公超級驚喜, 無諗過佢會買個咁的牌子....

HERMES....

WOW...少爺你成日都比啲驚喜我,

小啲心血都頂唔順嫁...WAKAKA

如果個禮盒及紙袋

唔係印有HERMES字樣

打開咗, 見到個包包外面, (兩面)

咩花紋, 咩圖案都無

真係好難估佢係咩牌子囉....

 

打開咗之後, 初時一眼望都幾似某幾隻牌子的圖案

又似gucci, 又似coach喎

 

望咗好耐, 終於都見到個拉鏈頭及間格布

印有HERMES個字呀

嘩...真係超級平實呀

老公果然係老公, 一向低調的佢,

最愛唔比人見到係咩牌子

個包包咁貴

攪到人都唔鬼捨得用呀><

用貴真係有個唔好處

就係怕整污穢囉...

外表平實

但價格就不平實呢....HAHA

 

 

做女人的要學識一樣嘢

就係唔好叫個老公下次唔好買咁貴的禮物比自己

切忌唔好咁做呀....

(以前我會咁做, 但而家唔會囉...)

因為個男人果刻買呢份禮物比自己時

一定係花咗心思, 心機, 覺得呢份禮物適合自己

先會買嫁

如果係貴嘢, 更加唔好叫佢下次唔好

因為叫多兩次, 第日想有, 就難過登天

而且對男人嚟講

好無癮嫁!

要學會懂得欣賞對方為自己挑選的禮物啊...

 

再估????

比埋個包包的入面大家睇...睇吓估唔估到...

有無見過咩牌子的圖案...????

專登打咗格仔...哈哈..

 

估吓...

 

 有無人知 / 估到, 這個是甚麼牌子的包包啊.....?????

個包包兩面都係一樣, 咩都無, 無名無標誌, 超級平實.

 

少爺返港後, 期待而久的晩餐

 

 

 少爺回港了....

蕭c奶準備了湯水及正餸給少爺啊...

 

 最近愛上煲齋湯, 不加任何肉類

這個湯水很清甜啊....

少爺都讚口不絕.

 

一定要煲番一煲靚湯啦

出外工幹, 缺乏滋潤的湯水

一定要好好補番啊..

 

 

之前跟少爺在jusco到買了這包

靚蜆肉, 一直沒有機會煮啊...

今天可以煮了...

 

蜆肉炒韮菜

少爺很愛吃韮菜啊...

當然唔少得魚魚啦

蒸番條滑啫啫的黃花魚先...

防水貓咪Coins Bag@第10件手作仔

 

防水貓咪Coins Bag@第10件手作仔

 

嘩....終於都到咗雙住數字了

第10件了...yeah...我要第20件, 30件, 40件.....

我要係咪縫縫縫.....

 

這個coins bag其實不太滿意

就是拉鏈位的問題啊

縫得不太好啊...

其實應該話, 拉鏈尾及頭還差了一點點啊...

我會下次再縫好的

 

最滿意是縫拉鏈位的明線

慢吞吞同學見了, 讚了我, 說我縫得很好很平均啊

其實還可以再有更好的進步空間啊

謝謝您的讚賞

我會努力的!

 

 

這款coins bag沒有裡布的

下次我會再做

做一個有裡布的來看看

 

這個我送給了奶奶啊

奶奶希望你不要介意這次的少少不完美啊

新抱仔會再做一個完美的送給你

等我呀...奶奶!

家鄉美食@客家鹹湯丸@一個人的晚餐

 

2010年9月23日(星期四)

 

少爺係德國工幹

蕭c奶由今日起至10月3日都放假了..

是日為紅假, 難得放假

約了媽咪來我家相聚啊...

好耐之前巳經成日都叫媽咪教我整

客家鹹湯丸

爸爸及媽媽都是客家人

所以我係客家妹

由細到大都很愛吃我們客家湯丸

所以我一定要試整呀...

 

繼客家茶果之後

這個湯丸是蕭c奶其中一款最鐘意食的

家鄉美食啊...

 

每逢過時過節

我們家定必親自搓這款鹹湯丸啊..

湯丸質感很QQ的

還有湯底充滿了蝦乾及排骨味

非常香濃, 未食巳聞到這湯的味道

巳流口水了...

材料通常我們家會有

排骨, 蝦乾, 蔥段 芹菜, 黃芽百

這個巳成了一個美味的晚餐了....

yummy yummy!

 

 

哈哈...呢張相比我整到好攪笑

但其實都有啲幾核突咁...對眼好核人呀...

少爺中秋節快樂...

 

 

 

今年中秋節, 蕭c奶要跟少爺異地渡過啊...

少爺有花c奶陪...

而蕭c奶以為只得花老爺陪伴

後來發覺.....仲有佢哋呀...

 

祝各位blog友及朋友仔

中秋節快樂!

俄B手挽袋@第九件手作仔

 

俄B手挽袋@第九件手作仔

 

用上了十二個鐘

終於完成了這件大製作

十二個鐘呀。。。。真係救哂命囉

好開心好開心，可以一針一線親手縫製了

這個手挽袋

 

（這張相用上了特別EFFECT，我覺得幾靚啊。。）

 

分開了四次時間做

第一次： 上堂做，由二點做到六點（共4個小時）

--對拉鏈位對到眼坦坦，淨係對拉鏈都用了很多時啊。。

第一堂就完成了個袋身。

第二次： 剛剛星期日找老師，由二點到六點 （共4個小時）

----   這次完成了底部

第三次：於星期日回家，由一至二點半左右 （共1個半小時）

 -------  開始縫頂部了，縫了少許就算了

最後一次：琴晚在家HEA住嚟DO （共2個小時）

---- 縫個頂部及手挽袋的帶要壓線

 

就是這樣，共花了差不多十二小時完成了

這款‘俄B手挽袋’

 

謝謝REBECCA的細心

專登私人留了HANDMAD布標給我啊

加了這個布標真的美觀感重了

感謝您！

正經啲影張全相先

好滿意，好有成功感

好嘢，我的手作仔工具終於有屋企了

現在才發覺沒有替它影背面添

有時間要補影啊。。

屋企有多一件俄B的製成品啊。。。

夢見家鄉@手挽袋

 

呢個手挽袋其實上個月學整的

上堂未停過手咁滯

淨係縫個身都縫咗四個幾鐘

果一堂就算係一啲熟手的同學仔

都縫到眼坦坦囉

 

完咗之後...蕭C奶一直都無掂過

但係其實個心一直都好想完成佢囉

最後...琴日送完少爺機之後

就去搵老師了....

(因為之後的STEP完完全全忘記哂!)

 

搵左老師, 又縫咗成個下午

(不過我琴日因為唔係嚟上堂,

所以好HEA咁慢慢縫)

就縫好個底部

縫完個底部,勁開心呀, 因為距離完成又一大步呀

所以我同老師講, 我夢見家鄉了.....

琴晚返到屋企, 縫多個幾鐘

實在太攰了

所以而家仲淨少少咋...

今晚一定要完成佢.

 

 

比埋半個身你哋欣賞吓了

又係俄B呀...嘻嘻

好期待啊....