2010年8月17日（星期二）
俄羅斯BB鎖匙包·第5件手作仔
第5件手作仔出嚟了。。。。但係點解唔見第3件呢？
哈哈。。因為未有時間影囉。。
希望今晚有時間啦。
勁愛這個俄羅斯BB公仔
琴晚整嫁。。
個表面都叫見得吓人的
但係啲針子手工就。。。。真係勁差呀
今次唔係麻麻，係勁差呀
初時以為好鬼EASY整
仲以為個幾兩個鐘，咩都縫好啦
哈哈。。完全扼哂我囉。。
因為成個都要用好多‘藏針法‘
係蕭C奶最弱的針法
一知道呢個要用‘藏針法‘
簡直係頭都大哂呀
加上又要花時間係俄B到做裝飾喎
呢到穿吓珠仔， 果度又穿吓喱士
又要左襯右襯，睇吓係咪好睇喎
又係唔好睇少果幾粒珠仔囉
都係果句，時間一分一秒咁過
攪吓攪吓咁又幾個鐘了。。。。
手工咁差，都係唔好送比人了
留番自己算吧啦。。
如果要做來送給朋友的話
我一定要花多點時間
練習多啲這款‘藏針法’
睇吓。。。一堆好普通的鎖匙
將佢哋扣係俄B到之後
每次出門一見到俄B
就會心情好靚嫁了！
好lan ar..難唔難整ar?
回覆刪除[版主回覆08/19/2010 11:57:00]其實就唔難整， 只係佢用咗好多 ‘藏針法’，係我最差的針法，所以。。。。嘻嘻。。。如果你哋本身個針子好的話，一定唔難呀。
呢個真係好靚喎!!而且又實用(其實之前D包包都一樣實用!!)
回覆刪除好good呀!
[版主回覆08/19/2010 11:59:00]係呀，樣樣都好靚，樣樣都有用，仲樣樣都好想整。。。點算好呀。。。
我仲有好多嘢好想學，好想做，唔夠時間呀。。。
所以最近要有少少定力，9月10月唔可以報咁多堂呀，其實好難忍唔報，我有幾堂都忍手咗，無報呀。。。
這個很不錯呢，你係咁整攪到我心郁郁呢！Great!!!
回覆刪除[版主回覆08/19/2010 12:02:00]哈哈。。。你好好專心你的考試及論文果啲先啦。 好快你就有時間一齊嚟JOIN嫁了。係咪。
係咁架...玩手工藝會上癮架!!我屋企有成兩個A4箱既繡圖,我成日都話都返天家個日都未繡完...繡布又有一箱,繡線又一大盒...
回覆刪除仲有毛冷,冷針...曾經玩過既麵粉花已經被打入冷宮...仲有穿珠仔...上年結婚買左超多...呢家做係娘家...唔想處理佢地...仲有好多布,lace...計下計下...死啦!!!
我呢家仲學緊樂理,想要係生BB前考埋D試去...好多野未做呀!!!!
[版主回覆08/19/2010 22:33:00]咁好似最緊要係個樂理喎.....手工藝呢家嘢, 有咗都可以做呀. 你都有好多興趣喎.....
我呢D未正宗五時花六時變...同埋...三分鐘熱度...所以成日俾媽咪鬧...哈哈哈!!!!! 我呢家又開始想學絲帶繡....不過今次要忍耐...起碼等下年先可以學!!!
回覆刪除[版主回覆08/20/2010 10:50:00]都唔好咁講，其實我哋都係想呢樣玩吓，果樣又學吓啫。識多啲唔好咩。。。人係咁嫁啦，最緊要玩時開心，鐘意就得啦。反正啲嘢，放埋一邊，可能唔知幾時邊條筋發 作，又會玩番嫁。
而家我團手縫火，勁熱切呀，我都同啲朋友講，唔知呢團火幾時會熄嫁，可能好快，又可能可以維持好耐，不過當下覺得鐘意，開心就唔理了。係咪。