2010年6月22日 (星期二)
2010年6月25 及 26日 (星期五,六)
呢三日, 天氣都唔好呀,
不過我都照樣請咗假, 玩番夠本
其實都無咩特別去邊到玩
星期二, 主要約咗好友愛麗詩去睇戲及到黃大仙求簽
是日無下雨, BUT超級焗囉...
呢一日, 我向黃大仙求咗幾支簽
有自己同媽咪的健康及少爺的事業
先講自己的健康,黃大仙話我有器官的問題
OH...好準喎, 咁我問, 最緊要結果係咪可以過到關的
黃大仙話會平安過到的. 不過要好好調理身體.
媽咪的健康, 就話媽咪心裡唔開心, 屋企有人唔考順佢,
好多嘢都好擔心之餘, 仲要好激心,
黃大仙話要媽咪放開心情, 唔好成日咁負面,
如果再係咁, 身體會出現問題
叫我多啲開解佢, 同佢傾多.
少爺的事業, 黃大仙話佢而家轉咗呢份新工,
初時係好唔鐘意, 覺得呢間新公司唔係佢想佢要的嘢
但係黃大仙話, 叫少爺比啲耐心, 因為到年尾開始會好
越做越好.
至於少爺的健康, 就唔好囉, 好大鑊呀,
黃大仙話佢成日頭痛, 腳痛, 腰痛,
要好好注意飲食, 其實巳經比咗警號少爺
身體有事, 如果改好飲食,就可以好番呀.
唉...你話啦...我點唔驚啊...成日話佢都唔聽話
星期五,因為表妹專登放假嚟咗香港
表妹的其中一個目標就係嚟黃大仙求簽
所以呢日我又嚟了.....
表妹超攪笑囉
佢求健康,事業, 最重要係....姻緣
黃大仙話佢要改吓啲小姐脾氣
咁呢段姻綠先可以開花結果
仲講中哂佢的嘢添
佢一知道支簽話呢段姻綠係WORK的
佢呀,開心到飛起囉...
連覺都瞓唔著喎...坐坐下車, 行行吓都笑咗出嚟
比佢笑死
而我就幫爸爸, 侄仔, 阿哥求自身, 學業等等
阿哥的簽, 話佢有不如意的事, 但係有貴人會
幫佢過到呢一關, 而呢個貴人係女性嚟的
但係一定要阿哥做主動先
我係到諗....個女性貴人..會唔會係我呢個妹呢.
而爸爸就問自身, 佢話爸爸心裡成日'形' 住有啲嘢
例如, 成日'形'住人哋會對佢點點點
支簽話如果爸爸有人搵佢一齊做生意
或者叫佢開工, 係會做得過, 同埋會做得好好
而侄仔呢...係一條懶狗, 佢係狗年
人本性聰明, 但個人太心散,
叫我哋唔好對佢期望過高, 要逐少逐少加啲期望
比佢, 等佢少少咁做到. 除咗佢自己要改懶,
都無咩辦法了.
哈哈...因為表妹的同事又好想去黃大仙
但係佢同事就要星期六先嚟到
所以星期六, 我又嚟了
難得又嚟, 就問埋IVY姐嚟唔嚟
跟住我哋幾個女仔又去問嘢了
今日表妹又求多少少
而我都係啊...今日主要求家宅
我今日求蕭家, 陳家 及而家住係天水圍的家宅
仲求埋花緣 (即係問有關BB的事)
先講陳家家宅, 黃大仙話呢間屋勁多貴人
係一間好屋, 如果買到呢啲屋, 一定要住
住係入面的人, 只要肯努力, 唔好懶就一定會好好
呢個屋無唔乾淨的嘢, 如果係覺得唔順利,
都唔關間屋事, 而係人的問題.
蕭家家宅, 都係無唔乾淨的嘢,
不過黃大仙問, 住係呢間的人, 係咪有人以前大病過
我就答: 我未嫁入去時, 聽過佢哋話老爺大病過
咁黃大仙話, 而家OK哂, 無問題, 但係住係入面
的人而家要注意腳, 腰, 的問題, 要小心.
其他的就OK.
到咗我同少爺而家住緊的天水圍家宅
黃大仙話, 無嘢喎, 呢間屋保你平安,
無咩特別, 唔會餓親你, 但又唔會話好富貴
總之係保你平安的屋
跟住解簽的陳小姐話: 睇呢支簽文話你係'百露'之後會搬,
搬咗仲好,比而家好好多喎.
咁你會唔會諗過想搬?
跟住我就話: 其實我將會搬, 因為抽到屋.
陳小姐就起身, 行去月曆到打開,
話比我聽幾時叫做'白露'.
陳小姐一打開去到9月份,
佢指住9月8日當日為白露, 黃大仙的意思係
話我同少爺白露之後搬, 搬去新居就會好嫁了.
我果刻心諗.....我自己都打算係9月搬,
又無咁準呀....又會咁橋,支簽文係話白露搬,
一打開係9月. 有時真唔到你唔信.
聽完之後, 我都安心啲, 因為我唔多唔少
成日都'形'住搬咗入嚟天水圍個人成日好容易病
又唔係幾順利咁. 咁而家聽到三間屋都無事
咁就安心LU...
每次都好信黃大仙, 因為真係好準
我次次都唔會講自己有咩問題
但係次次我無講, 解籤的陳生/陳小姐
一講就準. 有時唔到我唔信.
其實又唔係話好信好信
我每次都當係有個人傾吓, 教自己做人啫
加上有時真係個心好煩
諗唔到嘢, 嚟黃大仙求吓指點
咁個人可以開解吓, 心理開心啲囉
