火焰雪山鮮雜果蛋糕(內附食譜)

 

火焰雪山鮮雜果蛋糕

 

材料:

海綿蛋糕片       2-3片

甜忌廉               70g

鮮雜果               適量

蛋白                  90克

糖                      50克

 

做法: 

1.  甜忌廉打至企身.

2.  拌入一半鮮雜果.

3.  蛋糕片疊起, 每層之間塗上鮮果忌廉.

4.  蛋白打至起泡, 分3次加入糖, 打至企身.

5.  蛋白霜鋪在蛋糕四周成半圓球形.

6.  以抺刀輕按拉起, 做出雪山造型.

7. 飾以其餘鮮果.

8. 以家用噴火槍, 噴在蛋白表面.

 

可在這裡看到製作的少許圖片, 請click啦..

 

** 火焰雪山請於臨吃前才製作.

    如想加點酒香, 可在蛋糕片上掃少許酒.

榮池之生日派對蛋糕篇

一早就諗定整以下呢款蛋糕了,今次想比啲驚喜倆位生日之星,所以我只係講咗比阿冰一個知我整咩蛋糕.

呢款蛋糕我都係第一次整,而且仲要係即場整的,唔可以早一日整定的,都好怕唔成功呀,所以我於生日派對前,巳經靜靜地試整咗一個...果然成功咗..好開心呀!

今次整的蛋糕就係: 火焰雪山鮮雜果蛋糕

大家可以慢慢欣賞我哋的製作過程:

 

 

 

 

 

 

 

榮池之生日派對遊戲篇

當我們女仔在準備食物時,男的就爽了,因為佢吔只係係到玩同等食.

食完嘢之後,阿威好high喎,佢一早就買定咗個西瓜,佢話今次一定要玩刨西瓜活動喎!

 

開始前,大家先來影張合照, 友誼第一,比賽第二.

嘩! 刨西瓜比賽開始了, 大家都好用心喎,刨呀刨呀....咦, Jordy你仲掛住笑,落後了,仲笑!

阿榮老公加油呀,老婆支持你呀!

哈哈, 阿榮老公攞咗第一.....阿威同jordy就掛住笑囉.

再來一張完成比賽的合照先!

你睇啲觀眾睇得幾開心,興奮, 個個都想捕捉到攪笑的一刻.

榮池之生日派對分工合作篇

七月之星又到了, 今次阿榮老公及阿池的生日決定在蕭家舉行. 今次好熱鬧呀, 因為有好多人,差不多都嚟齊啦, 阿芬同阿荃就因為去咗泰國旅行所以無佢哋份了.

阿冰早一個月通知我係我哋蕭家到舉行,今次就諗到以下的餐單:

生日派對之餐單 
    

1. 鮮雜果沙律
   
2.  三文魚，翡翠螺及北寄貝刺身
   
3.  蒜蓉麫包粒
   
4.  橄欖油醃意大利蔬菜
   
5.  焗法式鴛鴦蠔
   
6.  焗法式香草羊架
   
7.  瑞士雞翼
   
8.  黑椒及蜜糖鴨胸
   
9.  自家製韮菜水餃
   
10.  蘑菇青口鮮茄墨魚汁麫
    
11.  生日蛋糕

好彩有阿恩,冰冰及生日之一的阿池幫手呀,如果唔係點整得哂呀!

清補涼雞腳湯

媽咪成日都會煲啲好好飲的湯比我的,呢款都係我其中一款好鐘意的,因為滋潤養顏,而且有我鐘意食的雞腳,仲有湯水好甜嫁,大家不妨試吓啦.....

 

功效：

• 滋潤養顏、清熱祛濕、健脾益氣、清心除煩
  
• 可以用於口干口燥、心煩失眠等

材料功效：

• 淮山、紅棗：健脾補腎
  
• 沙參、玉竹：滋陰潤肺、清熱化痰

材料：

• 淮山 20 克
  
• 玉竹 10 克
  
• 沙參 15 克
  
• 生薏米 20 克
  
• 百合 12 克
  
• 蓮子 10 克
  
• 元肉 10 克
  
• 紅棗 4 粒
  
• 雞腳 5 對
  
• 鹽 適量

做法：

• 雞腳洗淨，用滾水煮五分鐘，盛起備用
  
• 所有藥材料洗淨
  
• 
  煮滾適量清水，把所有材料放入湯煲內，慢火煲 2 小時
  
• 最後加適量鹽調味即成