Birthday Trip in Macau (9 Sept to 11 Sept 07)

 

 

嘩！又好多日都無寫BLOG了，剛剛過了生日

，去咗澳門三日兩夜，住咗一晚澳門威尼斯人渡假村，間酒店真係好靚同好大呀！出房門前一定要記緊帶齊嘢呀，如果唔係要走番轉頭，好遠嫁，因為間酒店實在太大了，不過，要讚一讚的係酒店的裝修真係好似去咗歐洲,環境都幾有氣氛,而且酒店內的假天空同其他的屋,都做得好仔細,手工做得好好呢?影相

真係好靚囉,好似我的普通相機都影得好靚,如果有專業相機呀,我諗影得仲好呀!

我同阿榮老公都有去賭場碰碰運氣

呀,諗住玩吓啦,有個服務員好好囉,佢教我哋兩個係威尼斯到入會做會員,係免費的,有張會員咭,會員咭入面有100元面值,當中50元要在24小時內係威尼斯到玩哂,另外的50元要在30天內去金莎賭場到用埋佢.咁我同阿榮老公咪每人申請一張囉,總共有200元玩,我哋去玩老虎機呀,係威尼斯到我就只係咗贏了25元囉,阿榮老公就無贏了,玩哂50元的本.第二日,我地去埋金莎玩埋啦,哈哈,阿榮老公真幸運呀,我哋有玩老虎機呀,今次我就無贏了,但佢呢?贏了港幣四百多元呢

?所以我地好好彩呀,都無出過錢,仲有錢攞走呢?

呢幾日係澳門,我哋都係周圍行吓,食吓嘢

,影吓相

,輕鬆吓囉,今次啲相都好滿意呀,因為都好耐無同阿榮老公倆個一齊去玩了,所以好開心呢?