左髀 ● 入廚樂

2014年5月12日星期一

姬松茸猴頭菇素湯

今天又來介紹一款素湯給大家
當中有兩款菇類, 食療價值也很高的
姬松茸具健腦,消炎,益腎,降血壓,降膽固醇,降血糖,改善肝功能,抗過敏及改善骨質疏鬆等功效.現化研究,指姬松茸含有一種强而有力抵抗濾過性病毒的物質,能防止病毒和有害物體進入人體脆弱的組織,其抗癌功效亦甚為顯著.
猴頭菇能助消化,利五臟,補虛損,特別是消化系統疾病,對胃炎,胃潰瘍,,胃痛,胃脹等均有療效.
這款湯水, 因為用了姬松茸, 它有很濃的味,
所以雖然沒有肉類, 但是煲出來後, 湯水十分濃郁
好像有肉的味道的.
若然有家人不太喜歡素湯, 習慣喝有肉的湯水,
不妨試試這款湯水, 試試吧...
*************************************************
材料: (二人份量)
猴頭菇                 2個
姬松茸                適量 (如下圖)
眉豆                   適量(如下圖)
蜜棗                   4粒
陳皮                   1塊

** 因為我無數過, 也沒有磅過,所以大家可以看圖參考份量的多少.**

預備:
先把猴頭菇及姬松茸用水浸30分鐘, 瀝乾水份後, 猴頭菇切件.
陳皮用水浸, 刮去底部, 備用. 蜜棗及眉豆用清水洗一洗.

做法:
(1) 用白鑊把猴頭菇, 姬松茸, 眉豆炒至乾身

(2) 取一只鍋, 加入巳炒過的材料及加入蜜棗及陳皮

(3) 加入預先煲了的熱水

(4) 煲滾後, 轉小火, 煲兩小時, 加入少許鹽. 完成.

非常濃郁的湯水味.....(個味真係好似有肉味嫁)

2014年5月10日星期六

LC無水蒸煮...

身邊有好多朋友仔, 見到我用LC BUFFET來做蒸煮,
都十分好奇常問我: 真係唔駛水就可以蒸到嘢?
對...是真的.
因為見有好多朋友都成日問, 所以今次就寫下這個簡單的post

我十分建議買這個buffet鍋，不要看它扁扁的，以為不好用。出奇地，它的試用率奇高呢。除了蒸，還可以做鍋物，煮意大利飯，意大利粉，煮蕃茄炒蛋etc, 用途十分廣泛。而且buffet用作蒸時，因它不用水來蒸餸，可以不用浪費食水，加上直接把食物蒸，可以保留食物本身的營養。
我時常用buffet來蒸魚, 蒸雞, 蒸海鮮
簡單來說, 我會用鍋身較扁啲的buffet來做“無水蒸的”.
若果暫時沒buffet, 那用risotto也可
我不會用round的來做無水蒸的, 十分不建議.
方法只需要直接把食材放在buffet鍋上
加上蓋, 用中火, 再轉小火, 熄火焗一會, 就完成.
以上就給大家一個簡單的概念.

不同魚, 不同食材, 時間上當然有不同
但大致上, 我自己通常也是中火3分鐘, 轉小火五分鐘, 熄火焗三至五分鐘.
新手只要跟著這幾個叫做'無水蒸密碼',
煮多幾次, 有了經驗, 就一定會成功的.

我在這裡就用蒸魚來做一個示範
先看我的做法過程:
(1) BUFFET鍋洗淨, 先放上薑蔥, 然後才放上魚, 再係魚面加薑及蔥.

(2) 蓋上鍋蓋, 開火, 先用中火3分鐘, 再轉小火4至5分鐘, 熄火, 焗4分鐘,
(3) 開蓋淋上熟油及豉油, 蔥花, 完成. 成鍋上枱, 享用.

* 蒸斑類的魚, 時間要自己試, 因為斑類的蒸得太長時間,

就會'鞋'身的. 時間上, 可能要稍為縮短. 真的要自己靠經驗啊..

***********************************************************************************************

我巳試了很多不同魚的蒸煮時間,
有大眼雞, 桂花魚, 黃花魚, 黃骨魚, 多寶魚, 馬友, 等等...

**************************************************************
可以參考我的其他LC無水蒸的POST:

蒜茸粉絲蒸蝦

http://jobelovecooking.chiba78.com/articles-17886.html

LC無水蒸煮意之蒜茸粉絲蟶子皇及陳皮鮑魚仔

http://jobelovecooking.chiba78.com/articles-17906.html

土魷蒸肉餅

http://jobelovecooking.chiba78.com/articles-17911.html

剁椒魚頭@四川菜

http://jobelovecooking.chiba78.com/articles-17914.html

LC無水腐乳蒸雞翼

http://jobelovecooking.chiba78.com/articles-17928.html

洋蔥棷菜葡腸炒意粉

[洋蔥棷菜葡腸炒意粉]

復活節假期前, 某日跟好朋友過大海學藝,
買了一些葡式的食材回來
昨天跟敗婦們出席了活動後
大家吱吱喳喳, 紫娃娃的坐下來談天說地
離開時巳晚上六點半了
家裡剛好有點食材
那就是是但但, 簡簡單單的炒碟意粉給少爺吧....
(自己顧著玩, 少爺的晚餐就是是但但...KAKA..)
******************************************************
材料:
葡式腊腸(黑色那款) 8-9片
葡式辣腸(紅色那款) 8-9片 (其實兩款腸, 自行隨意加減啦)
辣椒 2隻
洋蔥 1個 (切片)
棷菜 1/4個 (切件)
意粉適量

做法:
1. 燒熱鑊, 加入少許橄欖油, 用小火爆香所有葡腸, 爆好後, 盛起, 留下剩餘的油.

2. 繼續開火, 用剩餘的油, 加入啲啲橄欖油, 爆香辣椒及洋蔥.

3. 再加入棷菜, 炒勻

4. 把洋蔥, 棷菜炒勻至軟身 (如圖) , 這時我加了少許黑醋, 鹽, 醬油, 麻油

5. 加入意粉, 炒勻, 加入適量的黑胡椒碎, 不繼炒...

6. 最後加入巳爆炒的葡腸, 把整鍋菜, 腸及意粉炒勻.

7. 最後再加多少許麻油, 炒勻後, 上碟, 即成.

東風螺兩食-辣酒煮東風螺及白灼東風螺

電郵給朋友

實在太喜歡吃海鮮, (其實係唔可以食咁多....但係...忍唔住口 ><)
辣酒煮東風螺, 一直都只會出外吃, 未曾試過在家煮.
平時巳見身邊很多blog友都有自己煮過,
一早就好想試吓煮, 但係沒有機會.
星期六, 雖則放假, 可是少爺仍要努力工作,
放假也要把工作帶回家follow, too bad...>< >< ><
當天我到街市走一趟, 也想著要煮好吃的給少爺
行經海鮮檔, 啲東風螺又大又新鮮, 忍不住就買了下來
好...一於試煮辣酒煮東風螺先.....嘻...
見買咗斤幾, 回到家就諗, 不如分少少做白灼啦.
咁咪可以有兩種口味囉....

參考了幾個食譜, 最後自己加加減減煮了這個味道.
我這個調味, 能吃到少辣的, 都可以吃到.
其實辣度, 可以按自己的喜好而加多或減少.
*******************************************************************
辣酒煮東風花螺, 煮的方法, 一點也不難,
只是要準備幾款配料及多種調味醬汁.
來....看看吧!

材料：
東風螺　　１斤半
指天椒　　１隻（切粒）
蒜片　　２粒（切片）
乾蔥　　２粒（切片）
薑片　　８-10 片
芫茜　１棵

調味料：
豆辦醬　１湯匙
麻辣醬　１湯匙
辣椒油　　２茶匙
紹興酒　　 120 ml
日本清酒 30-50 ml
雞湯　　　 150 ml
蔭油膏/蠔油　　１湯匙
豉油　　　２茶匙
花椒油　　１茶匙
糖 1茶匙
*********************************************************************************
做法:
1. 東風螺用牙刷擦洗, 蒜頭 ,乾蔥及薑切片, 辣椒切粒, 莞茜洗淨, 切段.
2. 準備一只鍋, 加入水及六片薑片, 水滾後把東風螺灼十分鐘.

3. 十分鐘後, 把東風螺取出, 隔去水分.

4. 另一鍋或鑊, 中火熱鍋, 加入油, 先把蒜片 ,乾蔥片及4片薑片, 辣椒粒爆香

5. 爆香後, 加入豆辦醬, 麻辣醬及辣椒油炒勻　　

6. 調味料炒香炒勻一會, 隨即加入巳灼的東風螺, 炒勻.

7. 再加入紹興酒, 清酒, 雞湯, 豉油, 糖, 花椒油, 蔭油膏/蠔油, 拌勻.
輚小火煮20-25分鐘.

8. 25分鐘後, 再加入少許花椒油, 及加入芫茜. 即成.

至於白灼東風螺,
在步驟3後, 用另一鍋, 加入水及少許鹽, 少許油, 水滾後, 加入巳灼的花螺,
灼8-10分鐘, 取出, 配以蔭油膏/蠔油伴吃. 即成.

在家煮海鮮, 真的又平又好吃,
買一斤半就巳經可以一次過煮兩種口味. 多好啊...^^
而且我覺得在家吃的, 比街外的吃得更安心.

** 之前以為我買的是花螺, 經玻璃朱提點, 才知原來我買的是東風螺啊...
我又學識點分了...根據玻璃朱教路: 花螺係白底有紋，肉白帶粉橙。東風螺係啡底有紋，肉係白帶啡。
各位BLOG友, 記著啊...唔好好似我咁唔識嘢呀...嘻嘻...^^

葡式辣魚包

早前跟朋友仔一起過大海(澳門) 去熙媽到學烹飪
真係大開眼界
學到好多嘢, 又可以識到新朋友仔

當日有幾位澳門的同學仔好好人
帶我哋香港的學員到超市掃貨...XD
買了葡式豬仔包及平香港一半有多的葡國辣魚罐頭
(真係未講笑, 反正去到, 又帶咗車仔, 買咗佢...)

之後經熙媽口述, 就做了這款'葡式辣魚包'
超級容易, 而且辣辣地, 好鬼好味.
少爺話一個唔夠喉...^^

食譜唔方便公開, 真係唔好意思呀.

前天唔知食咩好, 一於試整這個包包....
材料非常簡單, 只需要幾樣,
包, 罐頭魚, 咖喱醬, 洋蔥
就成了美味的包包了....

個豬仔包真係焗完脆到無朋友呀....
下次去開澳, 又多咗嘢要敗....XD

吃包邊夠, 順便整個沙律一起吃...

雪梨南北杏素湯

好耐無湯水飲了...因為媽咪最近也沒有時間來幫我,
到我放假, 我又懶喎 :p
但係呢幾日我喉嚨好乾, 有啲痕痕地...
我又好怕又病呀...(剛剛好番咋...)
呢種春天的天氣, 又濕又乾, 真係要潤一潤佢.
唔知係咪天氣的關係, 個腦實哂, 完全諗唔到煲咩湯??!!
只係好想飲湯...
後來敗婦小杯就見議我煲呢個素湯, 佢又知我like素湯...嘻..

呢個湯, 真係好好飲呀. 好清甜, 好滋潤,
仲要啲材料好簡單, 真係好方便.
我連續煲咗兩日, 個喉嚨真係無再痕, 潤一潤真係唔同啲.
**********************************************************************
材料:
雪梨 2個
紅蘿蔔 1條
南北杏少許
蜜棗 2粒
陳皮 1片
無花果 4粒

做法:
(1) 雪梨洗淨, 一開四件, 去芯去核. 紅蘿蔔去皮洗淨, 切件.
(2) 陳皮用水浸, 刮去底部, 備用. 其餘的材料用清水洗一洗.
(3) 鍋中加入水, 放入所有材料, 先用大火煲至滾.
(4) 滾後, 轉小火, 煲兩小時. 完成.

** 我用LC鍋去煲, 這個size, 煲出我有五碗湯水飲.
** 如果煲一大煲, 多人飲, 咁就要自行加多一點材料的份量啊...
** 我沒有加鹽, 因為好夠味, 好甜嫁個湯水.