韓式炒芝士年糕 (內附食譜)

在首爾買了芝士年糕回來，是年糕內裡包了芝士的年糕啊！

今晚一於試整先，吃時有淡淡的芝士味，再加韓式辣醬，惹味！










材料:

芝士年糕     1包

甘荀    半條

高麗菜    1小棵

洋蔥    半個

蒜茸    幾粒


汁料:


上湯      小量

韓式辣椒醬   適量

糖 適量

鹽 小許





做法:

(1)  高麗菜及洋蔥洗淨及切幼, 備用.

(2)  甘筍去皮, 切條, 備用.

(3)  熱鍋, 加入少許油, 先爆洋蔥一會, 再加入甘筍條炒至香味及軟身

(4)  再加入高麗菜炒至軟身

(5)  各類菜軟身後, 就開始要煮醬汁呀..

(6) 我在炒菜類時, 就在另一爐先煮了一小鍋昆布湯 (主要用作做醬汁的)

(7)  回番步驟(4), 把煮好的上湯加入, 然後加入少許鹽, 少許糖及韓式辣椒醬煮勻

(8)  可以先行試一試味, ok的的話, 加入芝士年糕炒勻.

(9)  大約分零至兩分鐘, 年糕不要炒太久, 炒至軟身即可啊...

(10) 把醬汁, 菜及年糕炒勻, 試味, 即可享用了.



韓式炒芝士年糕


這款芝士年糕, 不夠芝士呀....哈哈....

係有少少芝士, 但係我想做到好似人哋流心的效果...

我買咗兩款芝士年糕, 等我找一次試埋另一款先.

但這個醬汁, 這樣煮真的味道很好...都像街外的韓國餐館一樣啊..





** 注意:

(1)  原來炒年糕, 必先要煮了醬汁, 有濕濕的, 才可以加入年糕去炒. 

  不是先炒年糕, 後做醬汁.  緊記啊..

(2)  還有...年糕未煮前, 看似很梗, 以為要煮很久才會軟, 但原來不是的,

   所以也緊記, 煮時不斷留意年糕的軟梗度.   我自己大約煮到分零兩分鐘左右.




我今次先用了下面那款啊...

LC SOUP BOWL @ 韓國

敗家真的無分國界嫁...

敗家敗到去韓國, 都唔係啲咩啫...嘻..

話說早前, 韓國LC網, 有一系列的PRODUCT ON SALES

嗱嗱聲同敗婦們就一起上網LOOK LOOK

嘩....究然有POWER PINK FAFA 碟呀.....(救命)

聽兩位資深的LC 粉絲----維媽及芝士講

POWDER PINK FAFA 碟 佢哋都等咗兩年呀...

嘩...真係好靚呀....好想買.

最後請了MRS HORSE幫忙購買

因為佢要韓國的信用咭先可以買.

但係....好可惜....當MRS HORSE上網買時...

OH NO......POWDER PINK FAFA 碟巳經沽清>< >< ><

(我們非常心痛, 非常失望....)

最後只能買到湯盅及銀KNOB咋....





通常湯盅都係一套兩個, 仲要係同色.

我就唔想咁...我好心花嫁...哈哈.

希望擁有不同色, 不過我都通常諗住只想要兩個.

一個我, 一個少爺, 所以只要一對.

但係我成日覺得如果同少爺一對

應該係一粉紅, 一粉藍係最好的.

咁橋MRS HORSE都係同佢老公一套.

咁我就通常會同MRS HORSE SHARE交換

所以我哋就可以一個係PINK, 一個係BLUE

湊成一對.

 

首爾敗物分享.....餐具篇

早前給大家看到我從首爾帶了一堆敗物回來

但仍未有空拆開...

終於都拆開了卜卜紙了....

這篇就跟大家分享我的可愛敗物啊...

其實這次首爾之旅, 目標非常清晰

就是專程飛去敗廚房的靚靚餐具啊...

來....請大家欣賞啊...


這些餐具真的很重, 也要很小心的帶回香港

這次要敗的都敗到九成了

只差有一些沒有貨, 無法了...等待下一次吧.


最主要是敗一些粉色系的餐具回來

真的開心死了...

而且最抵死是...價錢平嘛...

其實還有很多也想敗回來...

但是....但是.....真的很重啊...



在首爾, 也給遇到俄b餐具

實在太開心, 太驚喜...

有點後悔, 應該敗多兩套回來才是啊...(死蠢)

因為我一心只想著跟少爺每人一套...哈哈...



這套刀叉匙, 是這旅程的其中主要目標之一

在香港, 大直都很想買一套這類的餐具

但總是沒有遇到價錢合理, 款式特別的

這一套, 我和少爺都很喜歡

最喜歡的是, 它有齊刀, 叉, 匙,

因為好多時有些只有匙及叉,

所以一直買不到心目中想要的..

而這套還有架的, 很好啊...

超like....而且....也是港幣百幾元. 抵!!!



這款雞雞碟....非常可愛...

原本沒有打算買下來的..

只是...少爺居然說很可愛, 買下它吧...

那我當然不會拒紹啦...kaka...

最後少爺說, 每樣各一.

另外的..就幫兩位敗婦敗的..




而這一套, 只是看到它細小的, 非常可愛,

而且又輕, 就隨手放在購物車中....kaka...



這一套, 很多朋友問我用來做甚麼??

就連少爺也這樣問我??

這一套, 我打算是用來到攝影道具的啊....




除了買了這些

還有一早在港巳訂了的LC order呢...

其實個心還很想非去再敗啊....

看看年尾吧.....kaka

手作生日聚會@雙壽星

久違了的手作樂！


不經不覺, 我哋幾位因為手作仔而聚埋一起

我因為太多事而忙碌, 把手縫手作放下了一段時間

雖然一直個心很想行動

但身心告訴我: 沒有時間, 也沒有精神啊..


直到最近, 心真的很想很想做手作

剛巧兩位手作朋友生日, 又到我們的生日聚會啊..

我其實是搞手, 當初是我發起, 每次邊位牛一

我們都要每人做一份手作作為生日之星的生日禮物

堅持了一好一段時間

但因為隨著每人也各有各忙

當中只有幾位堅持著

身為搞手的我.....也不能堅持啊...(真係慚愧)

所以今次我決定要給大家一點驚喜...(KAKAKA)




因為自己真的沒有時間再手縫, 所以特意請了我的手縫老師, 現在巳變成朋友了,  請了CANDY幫忙.  我跟她說, 我想借你的人及衣車, 因為我很想做手作禮物送給好友.

結果CANDY就教我用衣車，車了一套隔熱套装及KM 套比兩位老友做生日礼物！

希望你们喜欢啊~原諒我没有時間手縫呀！>o<







P.S. 感謝Candy全程的貼心又貼身的指導，使我順利完成製成品！！(=^ω^=)—

首爾食材,零食敗物篇..

(*^@^*)首爾其中必敗的食物目標，

有：麻油，辣椒醬，炸醬麵醬，公仔麵，紫菜，冷麵，芝土年糕，零食等等……

（其实重有好多好想帶回來，零食真的買不夠，想跟各方好友分享也不能了!:'

這次在超市的敗物, 好彩有韓國太太及wechat

如果唔係都唔知點買...因為啲韓文呢...

真係佢識我, 我唔識佢呀...

每買一樣嘢, 都經過wechat問韓國太太,

這樣才令我順利的買到要買的

也不會買錯啊..

謝謝mrs horse ^^ (愛死你啊...)

左邊開始:

這一小樽麻油, 用來做手信最好, 又平宜又合用,

最重要是, 這樽麻油, 是mrs horse上次送給我的手信

麻油味非常重, 非常香, 所以這次我也買了幾樽作手信送給我的朋友

大約港幣13元左右一枝

而在小樽麻油及午餐肉之的的,

像氣油罐的, 也是麻油,

因為mrs horse說, 如果是自己用的, 她會見議我買這類型的,

一來耐用, 二來也是比較香的

我拍下照片, 傳輸給mrs horse看, 有很多款, 應該買那款啊??

她就推介我買了以下這一款.

最中間的, 前面的, 有個廚師公仔的,

是韓國炸醬面的醬, 買了兩盒回來,

等待mrs horse教我煮先...

紅色的, 也是mrs horse推介給我的辣椒醬,

回來巳經用了一次煮芝士年糕, 味道剛好. 



紫菜是必敗的,

首爾超市的紫菜多到數不勝數

少爺是是但但買了兩款回來

品嘗後, 發覺左邊的味道好味得多





零食方面, 其實也沒有太多時間入貨,

也沒有太多位啊....>< >< ><

只是吃過之前少爺同事到首爾時買來的魚仔蛋糕,

吃過好好味, 就買多幾盒回來.  但真的很少, 所以不夠分啊...

中間的, market o 古古力餅乾,

同事搭我買, 說很好味,

不其然我也買了幾盒,  又真的很好味,

可是給我發現, 香港也有得買.  立刻覺得早知不買, 不用佔了我敗其他的敗物啊..





公仔面,

也是mrs horse介紹我的.

上面是藍色字, 不辣

下面是紅色字, 辣的.

因為我和少爺也吃得辣,

所以覺得辣的比較惹味.




這款冷面, 因為有得試食,  吃過了覺得非常美味

立即買了下來...在香港, 真的很像看不到

辣辣的醬汁配冷面, 真的很好味.

大家有機會, 不妨也買點回來啊..

另外, 還有八爪魚kimchi, 必買呀....



早前天氣悶熱,

立即煮了一個來醒胃...哈哈..

好味呀!!!



mrs horse另一推介

韓國的魚仔湯包.

做韓式料理時, 有很多菜式也會用到這些魚仔來熬湯

當中我買了這款, 每一大包內, 有十多小包的,

而我這個內裡除了有魚仔, 還有昆布在內

而且有獨立包裝的, 方便啊..



另一重點推介,

芝士年糕

暫時在香港也沒有得買的.  (應該) 哈哈..

所以一口氣買了十一包回來 (重死)

買了兩款牌子, 暫時我只吃了下面的那款,

不算很好很好吃, 因為我覺得不夠芝士味...kaka..

上面的, 我還未吃啊...

其他的都買回來給敗婦們, 有一兩包就送給我的家人及好友.

這個真的非常重, 其實真的很想再買下多幾包

但實在太重了...

【深夜食堂煮婦同樂會第56話】水煮蛋

【深夜食堂煮婦同樂會第56話】水煮蛋


各位, 好耐無見了....kaka....我逃課了很多啊...

真在太太太忙碌...(有時想, 為何大家都有這麼多時間寫blog啊 @@)

我真是忙到連睡覺也不夠

早幾天跟敗婦們傾開, 這次的題目實在太容易到不能再容易,

無理由唔交功課嫁

加上加上....早前從首爾敗了兩只'雞蛋碟', 十分可愛

那我就可以順便開光及交功課....嘻...^^

老大這次出的題目, 真在太便宜我這位大忙人啊...





鍋內加入水及雞蛋, 開火, 把雞蛋煮大約20分鐘

完成後, 把雞蛋沖凍水, 把雞蛋冷却, 扑開雞蛋殼, 食得!!





鄧鄧鄧............粉紅小雞蛋碟 及   白色大雞蛋碟

真係好好好可愛.....好好好靚呀...

朋友問:  除了放雞蛋, 還可以放甚麼??!!

其實自己可以動吓腦筋的....

睇吓下次我又如何好好善用這兩只雞蛋碟了...

粉紅碗

我究竟是敵不過LC, 还是敵不過粉红色呢！(？o？)

不敗不敗还需敗，哈哈!

這套實在太太太美了，不敗必会後悔！

無水蒸魚@26cm Chiffon Pink Buffet

2013年7月5日(星期五)



今天剛巧媽咪來我家吃饭，那就順便為pink pink buffet 開光。

第一次用就用它來試整無水蒸魚，超美味!

同場加映：買牙膏送麦兜碗，第一時間換粉红色啦，哈哈！

首爾敗物

此行為了這堆廚具而去首爾，重到阿媽都唔認得=-O,

但敗得十分開心，要買的目標九成九已敗到了，

不枉此行，雖重，但值得！

Chiffon Pink Buffet Trivet Set @ Le Creuset

一直都好恨買隻BUFFET,

之前我一直都好鐘愛加勒比藍的BUFFET,

但係因為之前我諗得太耐,

一次又一次咁錯過咗購買的機會.

飲恨呀.....

早前一眾敗婦都人人都有BUFFET,

又只有我一個未有喎...嗚嗚嗚....

我就係咁, 次次都要左諗右諗,

諗到咩都無得買時, 又好恨...

後來, 日本出咗Chiffon Pink Buffet Trivet Set

令我變咗心, 放棄加勒比藍, 改投Chiffon Pink

但係....就算訂到又點啫...><

都無人去日本, 我自己又唔去....

點知....有位好好的同事準備去日本...

WOW..

結果....同事M小姐肯幫我由日本帶回香港,

我實在太太太開心了...






收到一刻，感动萬分，拆的一刻，超级興奮！

《實在太太太感謝同事M小姐及M老公，由日本九州幫我带回香港，

辛苦你倆了！無言感激，thxxxxx !! 》 (=^ω^=) 


（还有幫我online又訂又check住有無貨的敗婦芝，thxxx u so much!） (^３^)