左髀 ● 入廚樂: 3月 2013

2013年3月28日星期四

未曾想過敗的....

這次開倉，目標是粉色系，但那天跟某兩位敗婦，
竟然一起敗了這只全黑可直接上火的焗盤！

而且我們三人更說，這只焗盤越看越型呢。；)

某敗婦知我一直很想要一只黑金剛，還笑說就當它是黑金剛吧! @@

2013年3月27日星期三

2013年3月16日(星期六)

真的多采多姿的生活...

又來跟煮婦們敗婦們小聚啊..

這次主要是'蜂蜜蛋糕'

這次來到偽主婦家玩樂

因為不想吃太多

細心的偽主婦為我們準備了小小美味的午餐

還有豪姐為我們做了什果小山卷..

外型靚到好似出街買的

味道也是好味到呢...

仲有花花買來的甜點...

這一餐我又肥了不少啊...==

但開心的...肥都抵啦...kakaka...(又再為自己找藉口喲...)

wow..這個綘蜜蛋糕的最後步驟

勁滑溜啊...

偽主婦的小小小小酒杯

原本她為了某煮婦的...

可是某主婦最後也沒有用喎....嘻嘻...

wow....蕃茄水牛芝士沙律配偽主婦自家製的青醬

這青醬我也一直想做, 可是總是沒有時間也提不起勁.

希望日後放假時做啦..

還有豪姐要求偽主婦的菇菇湯

真的很香很濃菇菇味啊...一流...還要配上黑松露醬享用添...高貴啊..

當然還有豪姐自家釀製的一年梅酒

我不懂也不愛酒的

我也嚐了少許, ok喎, 我可以接受

或許因為豪姐加了蜂蜜吧, 容易入口呢.

最後的餘興節目......當然是......'敗家'啦....

一眾煮婦即時巳變身成為敗婦了...

大家又再為LC敗敗敗啊...

未開倉巳經大家有目標了...

點算!!!

anyway, 今天又再謝謝大家啊...

超級開心, 笑足一個下午!

又期待下一次的聚會啊...

詳細請看偽主婦的BLOG啦...

http://blog.yahoo.com/kikidaydreaming/articles/1101882/index

2013年3月23日星期六

LC開倉第三天@21.3.2013

因為敗婦馬太之前飛了去日韓

要20號才回港

一早約了她, 待她回來, 我跟另外幾位敗婦一起放假

跟馬太一起去LC開倉掃貨....^^

幸運地可以第一輪入到去

因為之前幾天巳經敗了很多

要敗的都敗了

加上今天沒有太多新貨新色

所以個人沒有甚麼要敗

反而因為好友K小姐大肚, 想去但不太方便啊...

所以我便答應代她敗

問了她想要敗甚麼

K小姐說: 24CM ROUND, 要粉色系, 以及焗盤

OK OK...那要看看夠不夠運吧!

另外, 好友H小姐, 因為兩天都要上大陸工作, 也未能去開倉

我又答應她代她敗啊..

結果呢....

成功代大肚K小姐敗到了這個24CM的粉藍色ROUND

最開心是...我還幫她敗到這個'銀的' 呢...可以連蓋也放進焗箱呢.

還有粉色的焗盤呢...

開心屎她了...當然我立刻WHATSAPP她,

一定要她的老公請我吃飯啊...

因為因為....不是FRIEND的話, 我真的不會幫她敗鍋..

因為因為實在太太太重了...

至於H小姐, 成功代她敗了一套花碟及PEACH大碟

今天親身上陣去LC開倉，結果我只精敗了兩件敗物，其他的是幫好友們敗的！

(真的很重很累啊! 但可以為妳們敗到想要的，辛苦一点也值得吧! )

在場內, 有很多人想敗花碟呢...

至於我敗了甚麼, 稍後再給大家看看吧...

因為未有時間拍影啊...

嘻...

貪新鮮....

呢一餐無咩特別...

特別在.....LC花花碟...WAKAKA..

yeah, 好友用粉藍花碟和我交換粉紅花碟，

真在太好了，現在一粉紅, 一粉藍, 湊成一對！！

LC開倉第一天@19.3.2013

因為昨天PRESALES巳經買咗想買的嘢,

所以原本今天開倉第一天, 約了幾位敗婦一起去

但是....敗婦團隊因為要第一輪入去

她們約好了...一大清早要出發去排隊

所以....最後因為我都買咗了

真的不想浪費了一天的假期

又不想天未光就要出門

我就跟敗婦們說, 我不去開倉了

敗婦團隊好好人

當天直擊報告

還幫忙我們要上班的敗婦們掃貨

YEAH....

這是敗婦幫我敗到的小物

好開心可以買到呢幾樣LC小物

碗先買下SATIN BLUE, 希望之後會有PINK啦..

咁就可以湊成一對...嘻

膠刮終於可以買到大SIZE的粉紅色啊...^^

朋友的敗物...

PEACH色, 真的很漂亮啊...

謝謝敗婦F的幫忙, 可以幫朋友仔買到, 感謝萬分!!

這是第一天的收獲

不過好想要PINK的LC敗物囉...

希望之後有啦...

今天辛苦哂幾位敗婦..

尤其是遠遠的把敗物送到來金鐘給我的敗婦F啊

真的超超超重...

辛苦您了!!

2013年3月19日星期二

LC Presales invitation @ 快人一步..18.3.2013

一年一度的LC開倉又嚟了....開倉日期為3月19日至24日(共六天)

E.....係咪以為我打錯標題呢...Presales.....18號的...

嘻....蕭c奶今次好好彩, 好彩好友H小姐識人,

原來18號, 係正式開倉前一天, LC有一個PRESALES INVITATION FOR VIP的人

可以先賭為快地入去買嘢.

好友H小姐講咗比我知, 佢話佢朋友帶佢去, 咁我就託咗佢幫我先行搵嘢

好好彩今期目標係Sauce Pan 18cm, 仲要我想要的KIWI色.

好友H小姐幫我找到了, CALL我立刻放工去取貨.

YEAH...上到去. 好好彩地帶咗我入去, 嘩, 超興奮啦...

可以入去喎...YEAH...PRESALES超正呀.

唔駛排隊, 唔駛迫, 又唔駛搶貨, 可以慢慢擇.

最後也成功帶了敗婦F入埋去...只可惜不能帶到另外幾位敗婦進場.

唯有在門外溝通, 幫大家盡執貨啦...哈哈.

這次實在太太太感恩H小姐!!!

因為突如其來的INVITATION
我和敗婦F原本要去上包包CLASS的
但為了LC....嘻......我們也變了逃學威龍啊..

由於也太過突然
所以敗婦馬太也不知道
所以敗婦F便打了長途電話給身在日本的敗婦馬太

嘩...簡直掃到痴咗...(其實係幫一眾敗婦們掃到痴咗)
我自己最想買的目標巳找到了
當然難得可以唔駛迫, 當然我也掃了少許STONEWEAR啦.
我只簡單地買了少許
因為我是冷靜型...WAKAKA..

嘻...都係買咗7件LC咋....
比起一眾敗婦們, 我簡直係皮毛囉...
我只係買咗千幾蚊咋...
而她們就.......(唔好講了...我怕比人鬧爆...^^)

(1) Spatula Crock (Satin Blue)

(2) Serving Bowl (Coastal Blue)

(3) Venus Small Spatula (Powder Pink)

(4) Mini Round Cocotte (Satin Blue)

(5) Sauce Pan 16cm (Cherry Red)

(6) Sauce Pan 18cm (Kiwi)

(7) French Onion Soup Bowl (Flame)

都係7樣嘢啫...WAKAKA...

今期我的重點目標, Sauce Pan 18cm, 仲要係今次希望買到YELLOW OR KIWI 色
點知.。。。真係有KIWI。（因為就快SUMMER呀。。。）GOOD！！巳經開心屎我.

其實上次9月開倉, 有粉紅色, 今次主打係粉藍色.

個spatula crock上年有粉紅呀。。。但係我買唔到。
今次有這個粉藍，一樣很漂亮, $130元, 好便宜, 加上實在需要啊.。。
這次買到也很開心呢.

至於個大大個的serving Bowl，上次係粉紫色添, 巳經好想買，
但係一攞上手覺得好大, 我就咁放棄咗，但事後又有啲啲很悔.
最近去過敗婦家, 見到佢用, 又幾好用喎，所以今年入貨. $190也很超值.

呢期我又想儲多幾個不同款不同色系的Mini Round Cocotte
上年買咗一SET心心, 好靚，係好清的綠色及黃色
少爺最近又送咗有翼的心心比我, 一個係紅一個係粉紅
嘩。。。因為巳有心心款，好想有佢的兩個耳仔的款
正.。。有粉藍色呀。。。即入貨, 又係開心屎我了.。。
不過都唔平呀。。。$170，巳經係半價。

Cherry Red sauce pan 係唔知點解會買咗嫁。。。哈哈.
只係見到好多時, 佢地有, 有好可愛，又好靚，
價錢好鬼吸引.。$260，又好難有咁，咪買咗囉。
一眾敗婦話呢個係用嚟粗用喎
仲係個個都係用嚟比老公粗用, 花咗都唔心痛喎 ==

至於French Onion Soup Bowl
細細個, 實在太太太可愛了
加上仲係經典的橙色
$140好抵玩, 可愛到呢....買!!!!

咁個粉紅刮刮...實在難得有粉紅
細都照買呀...唔理. (失去咗理智啦)

其實後來發覺, 好似買咗三款都係好相同的嘢...

尤其係個KIWI SAUCE PAN 及CHERRY RED 無蓋的SAUCE PAN,

分別除了是有蓋及無蓋分別, SIZE 一個是18CM, 一個是16CM之外

其實其功用是一樣的 =="

但係個價錢就相差很遠喎....有蓋$800, 但無蓋的$260呀...

貴成$540喎....

原本考慮緊唔要CHEERY RED $260的SAUCE PAN

但係大家又話呢個好可愛, 又可以粗用,

咁其實又真係幾鬼可愛的...

唉...算啦, 難得買到, 費時到時又後悔

反正$260又真係唔係好鬼

今天場內還有這些STONEWEAR...

2013年3月10日星期日

【深夜食堂煮婦同樂會第38話】油漬沙甸魚

【深夜食堂煮婦同樂會第38話】油漬沙甸魚

今次題目沙甸魚, 正呀, 我鐘意食.

這個油漬沙甸魚, 你可以用新鮮的沙甸魚, 或煮罐頭沙甸魚來烹調.

本來我也心思思想用新鮮的....嘻嘻...(我扮型嫁咋..)

不過最後, 因為懶囉...都係用番罐頭算啦...

其實深夜食堂書中, 老闆也是用罐頭的

這是食客教老闆做的一道下酒或送飯一流的小菜式

看看書中的做法, 把罐頭直接放上烤網上加熱

再加上調味料便完成.

十分簡單啊...

若果用新鮮的, 做法當然是多了一點,

又要買魚, 又要洗魚, 又要預先用油浸魚...

都係....簡簡單單啦...嘻..

相片copy自偽主婦..

原本我也打算買一個烤網, 跟足老闆的方法及烹調用具來做的

不過思前想後....雖然這個烤網只需要12元

但是...為了這一道菜, 又要用錢又要屋企放多一樣工具...

諗諗吓...算把啦, 都係用個煎pan來做啦..
(攪咁多嘢, 淨係諗買唔買都用咗半個鐘)

看看這道菜的做法啦..

材料;

油浸沙甸魚 2罐
洋蔥 1個

調味料;

醬油 (我用了韓國的) 少許
糖少許

做法;

1. 燒熱pan, 下少許罐頭的油爆一陣, 跟手加入沙甸魚, 小心放.
再倒入一點的罐頭內的油.

2. 見油咕嚕咕嚕就加入巳切的洋蔥絲在沙甸魚上.

3. 用筷子輕輕的拌勻洋蔥絲至軟身.

4. 加入糠拌勻, 跟手加入醬油, 拌勻.

5. 試味, 甜甜的醬油味, 味道ok後, 熄火,

6. 先把沙甸魚上碟, 再把洋蔥絲放在面上, 完成.

沒有想到這個做法, 會這麼美味.

感謝深夜食堂教識了這個簡單的小菜/小食啊...

我和少爺當時吃多了白飯呢...

看看其他深夜食堂的會員成品:

【深夜食堂煮婦同樂會】第37話 - 紅豆湯

【深夜食堂煮婦同樂會】第37話 - 紅豆湯

今次題目: 紅豆湯, 也即是我們中式的糖水之一, 紅豆沙吧!

但我總覺得中式及日式是有分別的.

諗諗吓...我好少整糖水, 就算以前未嫁時, 媽咪都無咩煮過.

可能係因為我哋唔係話好like糖水的人啦.

中式的紅豆沙, 我覺得要煮到紅豆起沙, 先好味.

當然再加番幾粒湯圓更美味

至於日式的, 叫做紅豆湯, 係比中式的稀一點的.

而且日式的通常也會配白玉來享用.

日本的白玉, 就相等於我們中式的湯圓,

中式的用糯米粉搓成的.

而日式就用一種名為白玉粉或白玉粉加上新粉搓成的.

其實兩也是煙煙韌韌的質感.

但兩者的口感也有不同的, 兩者我也喜歡

我個人覺得中式的湯圓比日式的質感實咗一丁點

平常我最喜歡到cc super內有一檔買日本styal的

綠茶雪糕配幾粒白玉的來吃.

好好味...尤其白玉....可能我一向愛吃煙煙韌韌的東西吧...

就等於...糯米磁...珍珠奶茶的珍珠等等....愛c了...心

某天閒逛12元店時

看到白玉粉及紅豆茸

當然要交功課嘛, 便買下來啊...

不用自己煮紅豆, 當然也很多

不過日式的紅豆茸實在太太太甜了...

下次有機會, 都係自己煮紅豆了.

材料:

白玉粉 1包

紅豆茸 1包

做法:

1. 按照白玉粉的說明做法, 預備水及粉拌勻, 用手搓成粉團.

2.   取適量的大小, 搓成圓型, 成為白玉團.

3.   鍋加入水, 把搓好的一粒粒白玉團, 煮至浮起, 白玉就完成了.
放在一旁, 備用.

4. 另一鍋, 加入水, 放入適量的紅豆茸煮成紅豆湯.

5. 把紅豆湯放在碗上, 再加入白玉, 完成.

** 白玉我是跟它的份量做法, 做出來也比較多, 所以若果是二人,
要將其份量減半啊..

** 紅豆湯的紅豆茸份量, 自行調較啊...喜歡多一點紅豆就下多一點,
但要注意, 日式現成的, 實在太太太太甜了...所以下次都是自己煮紅豆吧.

** 因為如果加多點水去煮, 諗住無咁甜, 但又會稀咗啲, 不夠結, 唔好吃.
若要結身一點, 下少點水, 又好鬼甜.  所以都係自己煮吧....

又來看看其他成員的作品啦:

多謝嘉嘉整理相片

little-bird blog

Jo姐姐

OL Kitchen

春卷 Harumaki

肥師奶小學龜

Mrs. Horse

KaKa@Serendipity

偽主婦ki琪

芝士

SiciKitchen

Mrs.J

rose-mag 李太豬扒妹生活日記

BeBeinUSA の矽谷M 太

jo 姐姐

2013年3月6日星期三

我也學人整包了...@麵包初班

之前好耐有好友叫我一起學做麵包

我誓神劈願講話: 無興趣, 唔會去學麵包....

幾年後....無想過....我居然也報了學做麵包...WAKAKA...

點解....我都係諗住陪兩位煮婦朋友嫁咋...

不過, 上了第一堂, 又幾好玩喎....自己搓出嚟的麵包,

好似寧是好味咁喎...KAKA...

這是第一堂的成品-- 咸軟方包, 芝麻包, 蒜茸芝士包